我愛芝麻！平時到糖水舖總會叫一碗芝麻糊，熱的、凍的，我都愛吃，愛其質感幼滑、芝麻味濃。尤其秋冬季，無時無刻都想一嘗這種具養顏功效的美食，於是我想到狂掃以黑芝麻製成的零食小吃，就算半夜芝麻癮發作，一樣止得到！
「芝麻綠豆咁小事」，成日聽人講呢句說話，就知道芝麻真係好細粒。不過這顆細細粒的芝麻其實營養滿分，當中豐富的維他命E擁有很高的抗氧化功效，吃了皮膚好，女士們自然愛戴。
滋潤保健有「營」士
中醫典籍指出黑芝麻有滋補、烏髮、通便及解毒等功效，難怪可以同時美顏護膚。皮膚變得粗糙的原因有很多，除了因為睡眠不足、飲水唔夠外，便秘也是其中一個元兇，而芝麻正好有滑腸功效，帶走毒素，令皮膚得以保持靚靚。除護膚外，經常坐在公司的上班一族也請注意，芝麻含有卵磷脂，如果在日常飲食中補充卵磷脂，有助增強專注力及記憶力，提升工作效率，咁就可以日日準時收工喇！
而品嘗芝麻，除了最普遍的磨成糊做甜品外，亦可將芝麻炒熟磨成粉末，加入米粥內成為芝麻粥。另外，雖然生黑芝麻聞落很香，但原來生的黑芝麻入口又澀又苦，所以一定要炒過才會變得又香又有營養。
查詢：（A）2384 8109 （B）2694 1111 （C）2603 3488
Kasgo
杏仁黑芝麻脆餅 $17.5
除濃濃的黑芝麻味外，同時帶少許杏仁味。獨立包裝，可以隨時帶出街食。（A）
芝麻味夾心棉花糖 $16
黑芝麻味軟心跟棉花糖很配搭，特別之處是以紅外線焙煎黑芝麻，據說冇咁熱氣o架。（A）
芝麻曲奇 $29
來自日本，餅面滿布黑芝麻，入口芝麻味濃郁，配一杯香濃咖啡，即成簡單下午茶。（C）
芝麻脆糖 $24
外形似足舊時的金絲糖，Size的骰，而且芝麻味重，但略嫌太甜，食幾粒已覺得膩。（C）
日式芝麻條 $19.9
炸過的芝麻條裹上一層糖衣，香脆可口，睇戲時唔想食薯片、爆谷，不妨以此代替。（B）
芝麻糙米夾心酥 $19.9
即港式威化餅，芝麻味較輕，卻帶糙米香，包裝上註明無添加防腐劑及人造色素，健康之選。（B）
軟芝麻餅 $26.5
比一張臉還要大的芝麻餅，可以清楚看到原粒黑、白芝麻，當中混有麥芽糖、花生及糖，充滿口感。（B）
台北蛋卷 $10.9
擁有逾70年歷史的台灣義美品牌出品，蛋卷上有一粒粒芝麻，充滿蛋味，但芝麻味卻略嫌不足。（B）
留言列表
