跟阿 Mag林欣彤首次接觸至今剛好一年，上次在公司活動見面時，她業都未畢，尚有包包面的她靦腆告訴我 event後要回公司錄音，再趕回家預備考試（當時就讀 IVE航空及客運服務）。
今日她已成為年尾新人獎大熱鐵膽，現身時又瘦又虛，做訪問更連氣都冇滴，「我連續 6日瞓得 3個鐘， 𠵱家得番 90磅多 啲，不過今年覺得自己大個 咗好多。」
成長係有代價，那管你係樂壇極速上位王。
我唔怕捱，即使唱商場騷，我都要練歌。
Mag最愛小狗兜兜，「佢 4歲，每晚同佢散步係我最舒服嘅時間，咩都唔使諗。」
跟阿 Mag做這個訪問斷斷續續約了 2個多月，每次助手都話：「佢今日收十二聽日開零五喎！」之後匆匆掛線。剛拍完師姐 Joey新戲《 DIVA》的阿 Mag話：「佢好錫我㗎，成日問我『點呀？你 o唔 ok呀？』其實我真係唔怕捱，入得行我預 咗要捱，我最怕冇時間練歌，我同公司堅持即使唱商場騷，我都要練歌。」阿 Mag有個習慣，每次表演前總會用 iPhone錄音，「錄到我滿意為止，助手成日話『頭先唱得好 ok啦，唔好咁大壓力。』我唔只要 ok，我每次唱歌都要對自己有交代。」見到佢每次講唱歌就皺晒眉頭，就明白佢唔係想唱完隻歌而係想唱好隻歌。
我唔會將別人把尺放 喺自己身上。
首作〈洗澡〉，外間評價唱功一百分但歌詞肥佬，在電腦旁密切注意留言 嘅 Mag：「林若寧 啲詞被人用膚淺角度評論，捉住『臭到令人嘔吐』呢句歌詞狂鬧，我真係好嬲，所以每次有唱 live嘅機會，我都好用心去唱好呢隻歌。」但翻唱別人作品，壓力亦唔見得小，「上《巨聲 3》唱〈手下敗將〉當日，我係早上 8點至收工， rehersal唱得好差，冇氣冇力。」阿 Mag話〈 A.I.N.Y〉都唔係佢最佳表現，「唱得最冇包袱、最滿意的是〈 Desperado〉」，翻查《巨聲》成績，原來此歌係佢最低分之作，惡婆杜麗莎仲狠批佢「唱得好悶」，要佢即場重唱。
我終於夠膽自己一個人瞓！
阿 Mag出身小康雖坦承已儲夠首期，不過目前仍然跟父母同細佬迫居屋， Mag媽每日會煲湯同沖紅棗水畀佢帶返工。「我第一次出糧畀屋企係半年前 嘅事，買 咗電話畀父母又買 咗部電腦畀細佬。」香港後生仔最愛去 嘅台北，阿 Mag半年前才第一次去畢業旅行，「同其他 80後比，我金錢上係比較優勝。」咁比 80後差在咩地方？阿 Mag答：「我怕黑又怕鬼，最近至敢自己一個人住酒店！仲有，我仲未睇《那些年》。」一唔講唱歌，即變番鄰家小女生，訪問後，呢位小天后好有手尾，摺好晒影相的衣服又幫我 哋收拾化妝枱，仲唔該前、唔該後，抵你上位！
留言列表
