剃鬚剃刀電鬚刨男人忌滑淨　逆剃手尾長 @ 明星靚相大分享☆

講剃鬚，剃刀、電鬚刨各有捧場客，剃刀貼面，不過易刺激敏感及暗瘡型皮膚；相對電鬚刨溫柔得多，拎起就用得較方便。不過無論用乜都好，上海老師傅教落，男人平日剃鬚唔使太過乾淨，剃得太短容易引致鬍鬚倒生，到時紅腫起粒粒就手尾長。記者：朱崇德攝影：伍慶泉Model： Rika、 Dominic@GME

其他副刊影片尖削輪廓揀旋轉式刀頭放大圖片
■適合人物代表： MC JIN

■適合人物代表： MC JIN

電鬚刨款式多多，點揀應視乎面形及個人習慣。一般三環設計接觸面夠大，剃鬚慳時間啱晒心急人。三把獨立剃刀為浮動設計，能緊貼面部曲線走，刁鑽位亦無走雞，特別適合面形輪廓較尖削複雜人士。個人就歡喜佢好似下下大大力向下壓，剃得深又乾淨。

PHILIPS PowerTouch Pro PT920CC$1,698/a 放大圖片

飛利浦新出 PowerTouch速．感 Pro強玩三刀頭 Smart Pivot智巧三重浮動系統， Dual Precision圓孔及狹縫雙刀網刀頭兩者夾擊，可剃除不規則方向和長短不一鬍鬚；內置環保長效鋰電池，叉電與用電時間一比一，叉一小時就可無線使用六十分鐘，仲有三分鐘快叉，夠剃一次鬚。可水洗。

放大圖片
■機身附髮尾剪可修滴水。

■機身附髮尾剪可修滴水。

放大圖片
■叉電座又係清潔座，叉電、清洗一次過。

■叉電座又係清潔座，叉電、清洗一次過。

PHILIPS SensoTouch 3D RQ1290CC$3,888/a 放大圖片

PHILIPS最頂級之作，一般浮動刀頭只可呈品字形向內凹入，佢就多咗個向外翻開功能，令貼面程度大大提升！

面形飽滿啱復式刀頭放大圖片
■適合人物代表： BOB

■適合人物代表： BOB

往復式刀頭保護膜較薄，面有肉地剃起嚟會感覺貼面啲好 Feel啲。以往為人詬病係要用塊面遷就刀頭嚟剃，不過高檔機好多已加入浮動刀頭，可解決此問題。不過，仍舊唔適合大力按壓，否則易令刀身及薄膜磨損。

PANASONIC ES-GA20$998/b

三刀兼日本製造！摩打去到每分鐘振動 13,000次，亦非一般旋轉式刀頭做到，可水洗，仲有音波震動清洗功能，極乾淨。

放大圖片

放大圖片
■刀身保護膜做得好薄！

■刀身保護膜做得好薄！

PANASONIC ES-RC20$398/b 放大圖片

呢部係好多西裝友見客利器！薄到只有 12mm，袋喺身只係等於多咗個卡片盒，玩浮動單刀頭配兩粒 2A電，一切以方便為原則。

清洗小秘技放大圖片

須知鬚刨內有鬚根、死皮及油脂等，好易有細菌，用後宜立即清洗。如果部機係水洗設計，可用少少消毒梘液滴於刀身之上，然後閂蓋、開着佢，最後過清水就可洗得徹底。

家用刨點揀Fusion Power闊位乾淨利落

新款剃刀多採用多重刀鋒設計，好處是大面積位置剃得份外乾淨；不過相對一些複雜部位，落刀時會有種頂住頂住感覺。 Gillette Fusion Power就特別在刀片背加多一塊刮刀，方便一些難入位。$65/c

放大圖片

Sensor「傳說」平刀

Gillette「傳說中」的 Sensor是早期的產物！「傳說」何解？有人用了超過十年仍然用緊，超好用襟用，可惜手柄長期缺貨！但超市仍可買到刀片，好處係刀片薄易剃刁鑽位，價錢平，唔使動輒近百元買三五塊刀片，無咁揦脷囉。 10片裝刀片$50/c

放大圖片

替代品！舒適旅行刀放大圖片

更平方案係即棄刀片，舒適呢隻係當中較鋒利一款，用起嚟有啲技術含量。幾蚊支，一般藥房搵到。

刀片要有防護罩放大圖片

一眾女士留意，呢段說話係對你哋講嘅！刀片掉落洗臉盆，切勿順手放返入鏡櫃，因為刀位一個小崩口，下次你男人再用時就會馬上毀容或割傷！個人小習慣係會每次用後洗乾淨，放回刀片架入面，呢個係「歷史教訓」！

上海師傅教濕剃放大圖片
■高登忠師傅入行四十三年，手藝一等一。

■高登忠師傅入行四十三年，手藝一等一。

講到「濕剃」中嘅專家，一定係傳統上海理髮店，走訪五十三年歷史、荃灣最老資歷「上海國際理髮男女髮型」，老師傅話：「入行時，三年學做小師傅，再三年升大師傅，咁樣已經係師傅睇得你起！剃鬚係上海理髮中最難一項，因為要令人享受整個過程，剃完一手摸上臉，完全無一條鬚根咔手先叫正統！」咁高超嘅技術，絕對值得大家借鏡！

1.番梘+熱毛巾　反覆互煎

一般人濕剃，搽上剃鬚膏就落刀：「我哋會先薄搽一層番梘，再敷熱毛巾，可有助放鬆毛孔，軟化鬍鬚，之後再厚搽番梘先落刀。」

放大圖片
■搽番梘