今日初三赤口，年輕一輩就算好潮好 In，但講到傳統習俗，都唔敢出門拜年，為免被老人家鬧，還是結伴「過大海」吧！現誠意推介一個遊澳門的行程企劃，親力親為高攀 61層，再在無遮無擋的高處行大運，目標是玩足一日，放埋煙花先返歸。
其他副刊影片 行大運時間表
9:00am離港往澳門10:30am往澳門塔步行登頂11:30am玩 Skywalk X12:30pm往喜迎樓午餐3:00pm欣賞龍騰 Show及到氹仔市區/澳門市區5:30pm往壹號廣場外拍照6:00pm看 MGM巨龍雷射表演6:30pm步行到澳門塔外放煙花7:00pm晚餐或回港
升級坐豪位 放大圖片 
■一家四口想更加有私人空間，可包個貴賓廂。
年初三不妨加多少少錢 Upgrade埋你的船票，來一次豪遊澳門。噴射飛航全新打造的至尊噴射船備有北歐名師設計座椅，無論乘坐貴賓廂或尊豪位，可享用精選熱餐配飲品，有特別的候船室，而且有免費 Wi-Fi，服務超正。乘坐噴射飛航可於上環信德碼頭出發，直達澳門外港碼頭，船程約 1小時。假日普通位由$163起，至尊噴射船尊豪位由$386起， 4座位的貴賓廂由$1,919起。查詢︰ 2859 3333
第一運 慢行 61層樓梯
行樓梯？好濕碎呢！兩小無猜的 Lincoln與 Kitty來到澳門行大運，點會去行條普通樓梯咁行貨呀，當然要行澳門塔啦！我並不是講笑， 61層高的澳門塔，每逢年初三都開放予公眾，命名為「步步高陞登塔日」， Lincoln與 Kitty今年決定來參與，起步點在廣場外的塔底，直接走入澳門塔就開始沿樓梯逐層上。活動分兩節，早上十點半開始由地面出發，第二節則在下午二時起於 34樓起步。如果真係怕自己行唔掂，不妨考慮下半場啦，好似跑半馬咁，減半程。而若果真係太辛苦，其實每逢雙數樓層皆有出路，轉乘電梯登頂也可。這個活動至少搞了 3年，為鼓勵同打氣，大會也加插獎品給予最快最先登上 61樓的朋友，分男、女子及小朋友組別。聽講最快的男子組冠軍大概分幾鐘已經到達，佢一定係飛上去的，有無咁好體力呀？正常人一般 20分鐘至 1小時可到頂，仍可獲紀念品作鼓勵。
放大圖片 
放大圖片 
■往年有很多人排隊參加呢！
放大圖片 
■ 58樓是室內觀光層，登頂成功後，可再落返呢度影相睇風景。
放大圖片 
■行到十幾樓開始覺得累！
步步高陞登塔日
地址︰澳門旅遊塔時間︰今日早上 10:30至下午 6:00查詢︰（+853） 2893 3339
第二運 心想事成轉個運 放大圖片 
■攀完塔玩埋 Skywalk X一氣呵成，帶領我哋的阿傑示範高難度動作。
登頂成功後，咪走住，現在要做一項初三最受澳門人歡迎的活動︰高空行大運！不過今次行得比較寸，是在塔的玻璃窗之外行 Skywalk X，寒風於 61層高的雲端吹來，加上如此居高臨下，真係腳仔軟。不過我睇 Lincoln與 Kitty點都要故作輕鬆，因為好多人在觀光塔裏望到實，惟有笑住揮手啦！帶住我們的阿傑傳授各種不同招式，例如 45度站在塔邊傾斜向外，扮 Bungy Jump姿勢、高空盪鞦韆、凌空高跳， Kitty初時話好驚，點知玩到唔願走，兩位繼續似甩繩馬騮！
放大圖片 
■來一個原地跳又如何？成功！
放大圖片 
空中漫步 X版
地址︰澳門旅遊塔 61層 AJ Hackett費用︰年初三澳門居民可以$138參與；其他旅客可享八折約$550。
第三運 年年有餘米之蓮
中午醫肚時間到，今日來澳門要應節，一於食中菜，仲要係米之蓮廚師的中菜！慕名而來搵譚師傅，佢曾經是帝影樓總廚，於 2009及 2010年兩度被選為澳門米之蓮一星餐廳，之後佢過檔喜迎樓，所以今次我哋就跟實呢位星級廚。正值農曆新年，喜迎樓推出精選套餐，比較適合大家庭享用，一席 10位，午市晚市有供應。午餐時段只得兩個人，一般可叫點心食，總之就要食得開心，年年有錢使，年年有今日。
放大圖片 
■譚國峰師傅咁出名，梗要跟佢食餐好。
放大圖片 
■大年初三要應節，當然食米之蓮中菜啦！
放大圖片 
■平日也多人讚的鮑魚荷葉飯，取名叫「三星齊拱照」，在新正頭的套餐有得食，$4,880/席。
放大圖片 
■八頭鮑魚好大隻，飯亦充滿鮑魚及鮮蟹肉。
放大圖片 
■新年賀年餐 10位用，價錢由$3,880起，如果有 10個人一齊食，每人都只是三百幾蚊，抵食！
放大圖片 
■松露菌素餃也是最受歡迎的點心，有黑松露的味道，好食！$32/3件
喜迎樓
地址︰新濠天地新濠大道 1/F（龍騰天幕對面）電話︰（+853） 8868 6636網址︰http://www.cityofdreamsmacau.com/
第四運 龍飛鳳舞免費 Show 放大圖片 
■開騷了， 10分鐘的節目絕無悶場。
玩咗半日又食飽，一場來到新濠天地不如睇埋免費 Show，如果消費滿$200，已經可獲得龍騰 Show入場券。專為龍年推出的新版本，十二生肖中的金龍會出現， 10分鐘的表演不會悶場。之後不妨繼續去澳門市區行大運，美高梅酒店新年期間在中庭吊起一條巨龍，足足 8噸重，由《變形金剛》漫畫家 Pat Lee操刀，每晚 6點開始配合雷射燈光與煙霧，亦是另一項免費又富娛樂性的活動。又或者在美高梅旁邊的壹號廣場地板上有張 3D立體畫，都屬新鮮的旅遊拍攝點，成個下晝咁長，去邊度玩真是有大把選擇。
放大圖片 
■新濠天地龍騰 Show的主題一向是龍，今年更加切合。
放大圖片 
放大圖片 
■壹號廣場的立體畫是新景點，展期至 1月 31日。
放大圖片 
■美高梅酒店今年掛起了 8噸重的巨龍，展期至 2月 15日。
第五運 百花齊放煙花會
想自己親手放個世紀末煙花，惟有去澳門。每逢大年初，澳門政府都劃分出煙花燃放區域，等你自己可以過手癮放煙花，聽講好多情侶同一家大細，最 enjoy呢項夜間活動，燃放區開到凌晨，可見其受歡迎程度。朋友親身試過，話好多人戴住頭盔放煙花，怕爆到自己個頭咁話，我覺得是搞笑居多，實情是騎電單車專程來玩的澳門居民好多，尤其後生仔，為保護自己都係戴埋個頭盔。今年煙花燃放區由年廿九開始至年初五，今日年初三，記得放埋煙花先離開澳門啦!
放大圖片 
■煙花燃放區加設高射炮台，等大家玩得更開心。
放大圖片 
■親手放煙花，澳門每年新年都有得玩，在美高梅酒店對出的海邊及澳門塔前的空地可以燃放！
新年煙花燃放區
1.澳門孫逸仙大馬路（澳門旅遊塔外）2.氹仔史伯泰海軍將軍馬路海傍（舊氹仔橋空地）日期︰年初三至四早上 10時至凌晨 12時、年初五早上 10時至凌晨 2時 
留言列表
