名氣生活
莎莎郭羅桂珍 夢想成真
金色標記
訪問當日，莎莎老闆娘郭羅桂珍著住 Chanel金色套裙前來，平日寡言、少做訪問的她，每次開口只講重點，「今年唔興金色，為間鋪之嘛，唔好誤會。」郭太說。
原來鋪頭用了金、玫瑰金和古銅金三隻顏色，「等人易認，似間高貴華麗的化妝品百貨公司。」身為集團企業策劃及發展總監的女兒郭詩慧（ Melody）補充說：「爹哋媽咪對每個產品、鋪頭裝修都親力親為。」
這間樓高兩層、位於禮頓中心的 Sa Sa Supreme，地面放最新產品，上了扶手電梯，就開始一站式兩萬多呎的扮靚消閒大本營，郭太說：「因為間間鋪都好逼，我覺得要有一間寬敞嘅店招呼我哋嘅本地客，等本地客買得舒服。」
這裡除可買到平時莎莎有的貨品外，還可以在這裡做 facial、身體護理、 set頭、修眉、修甲，並有不同國際品牌如 BOBBI BROWN、 M.A.C及 ANNA SUI專櫃，又有最新代理的韓國美容品牌 banila co.，郭太說：「呢啲係 Melody幫手去搵嘅牌子。」店內還設有 caffè HABIT‾ U，行到攰可以醫肚， Melody說：「諗揀邊間都要慢慢傾，我哋都試過好多間菜，揀 HABIT‾ U因為我本身好鍾意飲咖啡。」
九月中開張當日，請來徐子珊、吳鎮宇、陳法拉和周秀娜剪綵，嘉賓逼滿樓梯。 
莎莎第一間鋪在總統商場，鋪頭面積狹窄。
朋友聚腳地
在澳洲 Monash University讀完 Master of International Business的 Melody，對這行充滿熱誠，所以畢業後便回港打理家族生意。她喜歡約朋友在這裡歎茶，八月試業時，林建岳女兒林恬兒、百樂集團主席羅家寶女兒羅穎怡等亦來過，「佢哋覺得好好，有時約朋友喺度食飯都好方便，之前可以早少少喺度扮靚，再過去 HABIT‾ U，一定唔會遲到。」
籌備了大半年的概念店選在銅鑼灣，同郭氏夫婦情意結有關，郭太說：「我自己在銅鑼灣起家。」莎莎之所以誕生，是因為曾當佳麗寶化妝小姐的郭太，在七八年偶然知道總統商場有個莎莎化妝品櫃位放盤，頂手費二萬元，她便靠積蓄及向外家借貸創業。之後生意轉好，丈夫郭少明亦辭去維修咪錶和隧道收費的公務員職位，全職夫妻檔打拼，郭少明憶述：「我當時返夜更，朝早七點放工，鋪頭十點開，我瞓一陣就去幫太太。」
三年前總統商場及他們的舊居中央樓，已由豐泰地產以二十八億元購入，將重建商廈。重臨發迹區，郭太披露這重建項目她亦投資了兩成，「對銅鑼灣當然倍有親切感，所以有份投資。」
Set頭 
兩母女在 Aveda Salon整頭，行過隔籬就修甲、化妝，慳番唔少時間。 
化妝
Melody試用了 banila co.的卸妝膏，「我哋叫佢豬油糕，但又有泡，眼妝都落到。」 
修甲Melody化妝時，郭太就修甲。 
Sa Sa Supreme內有化妝服務， Melody說：「我鍾意配不同眼睫毛，雙眼精靈啲。」
除有莎莎賣開的產品，還有知名化妝品牌專櫃。 
歎茶記者提議 Melody可以餵母親食蛋糕，平時不多說話的郭太原來好搞笑，佢話：「唔使，我又唔係佢情人。」 
撰文：李苑欣、李美媚
攝影：黃志明
mailto:nextb@nextmedia.com
留言列表
