明星靚相大分享☆

小妹近年都有去海洋公園喪玩哈囉喂，每次喺金鐘搭巴士去公園，條人龍都打晒蛇餅，玩到散場夜麻麻又要排長龍搭車返屋企，又攰又掃興，提早走又唔夠盡興。今年有啲唔同，因為位於公園附近新開嘅南灣海景酒店，同海洋公園合作舉辦「型南．驚嚇夜」住宿優惠，包車包住包食包門票，每房價$1,844，客人唔使趕車返歸。酒店公關老友 David話，套餐包一晚住宿，公園「十月全城哈囉喂」至尊成人門票兩張，可以利用快線入口進入所有猛鬼項目，同埋酒店 LIS Cafe and Bar$500餐飲回贈，「酒店仲安排專車來往酒店同海洋公園，玩完返酒店瞓餐飽」。

帝樂文娜公館有嘢玩 放大圖片

姓名： Shopping精性別：女年齡：年年 24歲興趣：行街買嘢、吃喝玩樂、做高溫瑜伽

David賣花讚花香話呢個 package超值，佢話兩張至尊門票要$860，計埋$500餐飲回贈，房價只係$484，「平時一晚房價要$800，差唔多半價入住」。佢又話，$500餐飲回贈，足夠二人自助早餐同埋半自助午餐，唔使再加錢食嘢。致電： 3968 8838查詢。此外，尖沙嘴帝樂文娜公館都出咗啲萬聖節經典電影 The Rocky Horror Show主題套房，間房佈置成呢齣戲嘅場景，問你驚未，每晚房價$3,888，包括酒店 The Rocky Horror Show萬聖節慶功派對入場券兩張同紅酒 1支。查詢： 3763 8880。電郵： mailto:shoppingjing@appledaily.com


南灣海景酒店嘅半自助午餐有鬼屋布甸等甜品。