探熱針
重出生天 王晶射住 無綫特赦伍允龍
暗招封殺五年
無綫中人透露，捱了十年，鍾嘉欣今年攞視后呼聲高之餘，連帶拍拖六年的男友伍允龍亦成功突破封殺令，有機亮相無綫。
「 Philip（伍允龍）拍拖件事爆咗出嚟後，嘉欣就俾樂（易玲）小姐照肺，仲話明要佢同二打六分手，搞到嘉欣情緒低落。 Philip以為同嘉欣拍嘅 MV俾人剪走啲 shot就冇嘢，點知之後佢出公開活動，無綫都將佢啲鏡頭刪走晒，總之佢個樣唔可以喺無綫任何節目出現。」知情者說。
無綫暗招封殺伍允龍五年，直至今年八月，鍾嘉欣處女開騷，成為王晶愛將，在新戲《惡戰》孭飛做男主角的他，才敢光明正大捧女友場。
「王晶同老闆（陳國強）咁多年朋友，大家都會俾面對方，之後仲斟埋伍允龍入 TVB拍劇，公司而家都冇打得嘅小生，所以對雙方都好；套劇未定晒卡士，不過好有可能同嘉欣合作，楊怡同羅仲謙都咁公開，佢哋呢 pair都唔需要點避忌。」一名無綫人透露。
今年八月，伍允龍終可光明正大捧女友演唱會。 
王晶力捧，伍允龍在新戲《惡戰》中擔正，跟對手安志杰打到飛起。 
經理人寫包單
對於愛將被無綫陰招封殺多年，王晶笑住回應：「有我喺度，邊個仲夠膽封殺佢。」
有關拍無綫劇一事，王晶說：「珍姐（曾勵珍）係有同我傾過拍劇嘅事，但都係好初步，同嘉欣合作冇問題，最緊要係時間配合到，我知佢好多劇喺身，呢啲都係等無綫安排。」
無綫特赦，有機會拍劇的伍允龍表示一切由王晶決定。「有機會梗係爭取做好啲。（有機會同嘉欣合作？）拍劇拍戲都好，老闆導演安排邊個女主角，我都一樣盡力去做。」
殭屍片大熱，伍允龍早前就拍住鄭中基，在中環合作《殭屍 TV》，在戲中，他一樣要打。 
伍允龍是謝霆鋒詠春老師，二人經常相約切磋武藝外，謝霆鋒亦會落廚煮幾味給師傅品嘗。 
在拍戲現場，伍允龍大方表示有機跟女朋友合作。 
伍允龍○八年替鍾嘉欣的處女 MV《二人世界》做男主角，結果被樂小姐下令全部刪走，換上黎諾懿。
皇親國戚
朝中有人好辦事，陳國強入主無綫後，與他相識多年的阿叻及被指是無綫幕後總經理的曾志偉，不時安插自己友入無綫做節目、拍劇，至於跟殼王是大學同學的王晶，更將手上的伍允龍起死回生。
陳百祥 狄易達
與殼王老友的阿叻，自殼王入主無綫開始做埋幕後軍師，亦帶挈「漢傳媒」旗下的狄易達被力捧，上《勁歌》、做收費台《安樂蝸》主持，甚至在《潛行狙擊》擔當一角，在無綫曝光率激增。
曾志偉 戚美珍
在無綫的影響力比阿叻更甚的曾志偉，年前特別安排已息影十幾年的三嫂戚美珍靚位復出，做飲食節目《珍情品味》主持，甚至為節目內容提出方案，十分落力。
留言列表
