食譜和風迷你漢堡扒和風豉汁煮比目魚蒲燒秋刀椰菜卷－明星靚相大分享☆

行書局見到本 o架仔食譜教人 5分鐘煮個餸，以為只係整沙律冷盤，點知有教中華料理，連漢堡扒都是 5分鐘搞掂，係真唔係呀？今日找來挑戰者 Hilda，跟書照足煮，來個煮食龜兔賽，親身引證每個步驟的時間，睇睇係堅定係流？記者：趙珮倩攝影：楊錦文

挑戰食譜《 5分鐘就能完成的一人料理》放大圖片

全書收錄了 50個 5分鐘可煮成的菜式，包括小食、冷盤、麪食及中華料理等，即使唔識日文，看圖識字都估到九成。$76（各大日本書店有售）

挑戰者 Hilda 放大圖片

屬八十後，但入廚經驗超過廿載，愛遊歷嚐盡世界美食，曾赴日本留學，曾於當地擁有八十多年歷史的割烹料理內工作，擅長把各國食材及烹調法融會貫通，變化出不同元素 Fusion菜，拿手菜有牛肉芝士炸餃子等。

和風迷你漢堡扒放大圖片

日本人做漢堡扒，喜歡加少許吞拿魚油與肉碎拌勻，煎出來的漢堡扒會多一份甘香味。但 Hilda話在香港較難買到吞拿魚油，建議可用油浸罐頭吞拿魚的油代替。

放大圖片

（左起）吞拿魚油少許、麪粉 2湯匙、免治牛肉 150克、洋葱 1/4個（切碎）、鹽 1/3茶匙、豉油少許配料：靈芝菇 100克、洋葱 1/4個（切絲）、牛油 10克、茄汁 2湯匙、豉油 1湯匙、車厘茄 3粒

放大圖片

0'00把漢堡扒材料放入大碗內拌勻。 30秒是沒可能將材料拌勻。0'30燒熱平底鑊下油加熱，把漢堡肉分成三等份放入鑊略壓平。1'00冚蓋開大火加熱 30秒，開蓋把漢堡扒反轉，並在漢堡扒之間的位置加上洋葱絲和靈芝菇。2'00再冚蓋，以中火加熱蒸煎 1分 30秒。用蒸煎煮法的確令漢堡扒不太乾身！3'30將漢堡扒及其他材料上碟。4'00原鑊加牛油、茄汁及豉油輕輕煮勻，然後倒在漢堡扒上，車厘茄伴碟便成。

放大圖片

失敗！放大圖片

時間﹕ 6分鐘Hilda戰後感：「本書話撈漢堡扒材料用 30秒，你估摩打手咩！撈勻起碼 1分鐘啦！」

和風豉汁煮比目魚放大圖片

日本人喜歡用三溫糖來煮汁料，因它可煮出香濃厚滑的口感。此外，牛蒡切絲後要用清水浸泡，否則很快會氧化變銹色。

放大圖片

（左起）比目魚 1塊、牛蒡 50克（切絲）、菠菜 100克（切成 5厘米長）煮汁料：昆布 2片（ 3× 2cm）、酒 2湯匙、三溫糖 3湯匙、豉油 1 1/2湯匙、水 125毫升

0'00將煮汁料放入鍋，開大火邊煮邊拌勻煮 30秒。0'30待煮汁開始滾後放入牛蒡絲再煮 30秒。1'00放入比目魚，冚蓋用大火煮 1分鐘。2'00其間不時把煮汁淋上魚塊上。2'30加入菠菜，再冚蓋以大火煮 2分鐘。4'30完成上碟。

放大圖片

成功！放大圖片

時間﹕ 5分鐘Hilda戰後感：「比目魚肉質十分腍，煮時切勿翻動，否則很易弄散魚塊。」

蒲燒秋刀椰菜卷放大圖片

半溶的芝士加蒲燒秋刀魚味道勁夾，椰菜卷要捲實一些，以防變形或散開。

放大圖片

（左起）日式高湯包 1包、芝士 20克、葱 1條（切粒）、罐頭蒲燒秋刀魚約 80克、椰菜葉 4片、水 250毫升

0'00椰菜葉放入保鮮袋或包上保鮮紙，然後直接放入微波爐用大火加熱 1分 30秒，取出隔去多餘的水份。用保鮮袋較好，可以鎖實封口。1'30將 2片椰菜叠好，放上適量的蒲燒秋刀魚和芝士，然後捲好。2'00將水、日式高湯包及椰菜卷放入鍋內冚好蓋，以中火煮 3分鐘。煮 3分鐘有點過腍， 2分鐘夠了！5'00把椰菜卷上碟，灑上葱粒即成。

放大圖片