"係咪索好多？（設計對白）"
唔輸得
50歲惠英紅 打幹細胞砌吳君如
2010年03月18日
作為第一屆香港電影金像獎「最佳女主角」，惠英紅歷廿九年後再憑電影《心魔》入圍今屆金像獎最佳女主角候選名單，難得再有機會爭影后，「半百」惠英紅月前已開始準備，打幹細胞針「執」細幾年，跟另一大熱，現年四十四歲吳君如鍊過。
恨攞獎
惠英紅說年紀愈大，做女主角機會愈來愈少，做影后更難上加難，今年有份角逐影后，她承認恨攞獎恨到發燒。「雖然已經攞過一次，話唔想攞都係呃人，就算 Maggie（張曼玉）攞過三次，都一定仲想要。身邊朋友都話我機會好大，但我唔會因為咁俾壓力自己，以前遇到事業低潮試過抑鬱，而家會提自己唔好睇得太重，反而樣靚最重要，獎係其次，總之個樣一定唔輸得。」
呼聲高，但半路突然殺出揚威柏林的得獎片《歲月神偷》，在戲中增磅做人阿媽的吳君如成為大熱。面對勁敵，惠英紅不敢怠慢，近日先到名店揀定靚衫行紅地氈。兩星期前，趁電視劇《巾幗梟雄》續集未開工，再抽時間執靚個樣，接受美膚療程，希望睇落後生幾年。
「其實我幾多歲冇得呃人，因為大家都知我幾時出道，不過做呢一行，點都要保養，我做完塊面之後，發覺連眼尾嘅細紋都冇埋，後生咗好多年，啲朋友見到我，都問我搞咗咩嚟。」惠英紅說。
打針前
惠英紅早前接受的「幹細胞活膚」療程，是先抽取自己的血，再將血裡頭的乾淨血清打番入面，令皮膚活化，過程約一個鐘。
同我鬥？!（設計對白）
六位數酬金
惠英紅十多年來奉行早餐食麥片，長期戒甜戒凍飲，每日一餐飽肚，過六點不食，養生習慣令她至今仍保持二十二吋纖腰，一百磅體重，身形弗爆；加上在月初「第十六屆香港電影評論學會大獎」中率先封后，近期人氣急升的她，即時有回報，以半百之齡，首次被邀請做美容院代言人，未做雙料影后，先袋六位數酬金。
「『變靚啲』老闆娘就係話我 keep得好，所以先搵我做呢個療程代言人，坦白講，冇幾多個五十歲嘅人好似我咁，但人係貪心嘅，就算俾人讚靚都想再靚啲，之前先試手同頸，覺得皮膚滑咗好多，然後先應承做呢個活膚代言人。」惠英紅說。
40歲
保養得宜， 40歲時的惠英紅依然夠膽著貼身衫騷身材。
50歲
惠英紅有 Escada贊助，日前就到該店搵衫，試完一件又一件，要又靚又弗，出席金像獎頒獎禮。
在《心魔》中扮演阿媽角色，跟做兒子的徐天佑有不少對手戲。
憑《心魔》獲評論學會頒發「最佳女主角」，惠英紅當日由啟蒙老師曾志偉手中接過獎座。
大起大跌
從影三十年的惠英紅，由女主角演到做人阿媽，演藝生涯如坐過山車，更曾患上抑鬱要搵心理醫生打救，年屆半百，主演的電影《心魔》在海外獲獎無數，事業再起。
首屆影后
八二年，年僅二十二歲的惠英紅，憑電影《長輩》奪得首屆香港電影金像獎影后。她說過以前做女明星，不是靠枕頭便是拳頭，而她就堅持靠拳頭；當年她更與劉家良傳出緋聞，但惠英紅一直堅稱兩人只是師徒關係。
露點寫真
八八年，事業走入樽頸位，惠英紅毅然自資十萬跑到巴黎拍寫真集。身披薄紗，露出酥胸，不但每一張相都露點，部分還全身赤裸。據知，寫真集出街後，當時她的男朋友無法忍受，憤而提出分手，令她飽受打擊。
淪為阿媽
留言列表
