明星靚相大分享☆

"最新圖片︰自閉 5日終蒲頭"
封面故事
5男 3女真假基情　爆志雲色慾亂局
2010年03月19日
陳志雲貪污案背後，局中有局，五男三女，爭風呷醋，攣中有直，亂七八糟。
而涉案的叢培崑（ Edthancy）及藝員寧進，及已離職的助手何恒安，組成「扮攣三人組」設下迷「雲」局，先後擊退志雲同居密友 Jacky及前司機 Jerry，成功埋志雲身。另一方面，三男卻暗中大肆溝女，佢哋喺 facebook滿載攬女相，狼相盡現。出事前，阿 Ed（叢培崑）更獨家向本刊剖白︰「我係鍾意女仔！」
工於心計的阿 Ed，將志雲玩弄於股掌之中，更揸住雞毛當令箭，號令無綫各大小花旦、小生減價幫佢接騷，但最終被告發。現在廉署插手，阿 Ed固然一舖清袋，連誤墮色慾陷阱的陳志雲，都要一鑊熟。
上周四（ 3月 11日），陳志雲被廉署拘捕，問話 39小時後，最終以 10萬元保釋出外。連日來，他足不出戶，自困在寓所雅麗居內，有傳其私人助手叢培崑阿 Ed亦在上址匿藏。不過，閉關 117小時後，陳總終於按捺不住，於周三晚 8時外出晚飯。至於昔日的志雲黨鄧健泓及張繼聰等，統統與他劃清界線；反而王喜則 call定相熟記者，多次高調帶埋喇嘛探訪志雲居。而愛將崔建邦亦親上志雲居所探望。
51歲的陳志雲， 94年加入無綫後平步青雲， 04年得六嬸重用，躍升為無綫總經理，自此在電視台獨攬大權。可惜色字頭上一把刀，聰明一世的陳志雲，卻難逃癡情劫。

周三（ 17日）晚上 10時 45分，陳志雲坐着友人的 Benz返家，據知陳志雲於晚上 8時許，乘友人的座駕鬼祟外出，與男藝員晚飯。在家屈足五日，志雲終於蒲頭，但一雙黑眼圈外，面容亦明顯凹陷憔悴。
 
在寧進（左）的介紹下，叢培崑和何恒安（右）成功埋陳總堆，三人在叢的 25歲生日會上亦聚頭暢飲，不過當叢扶搖直上後，更有傳叢將何踢走。
 
差不多同一時間，陳志雲愛將崔建邦乘的士到達志雲居所，逗留一個小時左右才離去。
 
叢培崑的製作公司亦曾幫慈善團體「奧比斯」舉辦活動，當時陳志雲亦有撐場，更穿上由叢所設計的 T恤現身，盡收宣傳之效。

暗做溝女王
外表陰柔的阿 Ed叢培崑，其實是溝女王，有傳他中學時期曾與鄧麗欣及呂慧儀拍過拖。未跟隨陳志雲時，亦有一位拍拖 5年的女友 Yumi，直至 07年，女方不忿男方花弗，因而分手，之後阿 Ed一直拍散拖。 08年當時已獲陳志雲寵幸的他，竟背住陳志雲暗交女友 Nicole，更出錢供女友赴日留學，閒時則愛搞 P溝女。
阿 Ed為上位不惜忍辱負重服侍志雲，所以要低調瘟女。本刊上月揭發阿 Ed經常夜訪陳志雲，及其「訊偉有限公司」以陳志雲寓所作登記地址後，他煞有介事向記者澄清自己性向，但卻不否認曾在志雲居所過夜。

溝女狼相大公開
有傳叢培崑扮攣黐陳總，在 facebook的相片，記者發現他在一次遊船河活動上，竟然對着一位比堅尼女郎胸部伸脷，狀甚興奮。

現任女友 Nicole
叢培崑瞞住陳總，與年約 24歲的 Nicole拍拖兩年，更供女友到日本讀書。
 
與 Stephy相識多年
叢培崑、寧進和鄧麗欣原來是中學同學，最近網上就流傳一張三人攬頭攬頸合照，足見他們感情深厚。
 
在 Stephy的 fans為她開設的網站中，竟發現於 07年 10月 fans為她搞的生日會上，叢培崑原來有份出席，更為她點蠟燭。對於戀情，她矢口否認。
 
前女友 Yumi
06年 7月，還任職警員的叢培崑經歷交通意外後，在路邊安慰同行的女友 Yumi。《蘋果日報》圖片
 
本周日，記者追訪叢的舊女友 Yumi，問到昔日戀情及他的為人， Yumi面青青說：「唔知呀！」然後黑面跑回店內。

亂籠關係

陳志雲私生活多姿多采，不但與 5男糾纏不清，加埋 Ed的女友 Nicole、寧進女友 JoJo及何恒安女友蕭淑慎，關係七國咁亂。
認志雲居所過夜
記：陳生話你已經唔係佢助手，點解仲經常去佢屋企？
叢：佢好好人，教咗我好多嘢！
記：你喺佢屋企逗留好多個鐘。
叢：有時佢喺屋企同我講佛經，大家傾到好夜，咁我會喺嗰度過埋夜，唔……唔……不過我同陳生並唔係大家諗嗰樣嘢！
記：好多人都認定咗你同佢拍拖！
叢：（笑了幾聲後說）我知道大家一定會誤會。我係鍾意女仔 o架！
記：你唔出嚟澄清？
叢：（深呼吸歎了口氣）我又唔係藝人，真係冇必要出嚟講。不過呢啲新聞真係對陳生同我好唔公平，我當佢係師傅。
記：你同陳生嘅關係唔似咁簡單喎！
叢：唉……我同佢真係唔係你諗個樣嘢，我哋冇肉體關係 o架！
記：咁你依家有冇女朋友？
叢：冇呀！

寧進廣結明星
在 TVB做大茄做足八年的寧進，廣交藝人和歌星，在 facebook內發現他與薛凱琪和張繼聰的合照。

女友 Jo Jo
愛蒲的寧進，有位拍拖多年的圈外女友 JoJo，寧進黐陳總只為上位撈油水。
 
受陳總睇起的寧進順勢介紹老死何恒安（右一）俾陳總識，三人更笑晒口影合照。

最後叢培崑更同記者講笑，叫記者介紹女仔給他認識。
其實，阿 Ed與何恒安及藝人寧進，三人同在屯門某小學讀書，識於微時，長大後亦齊齊蒲吧溝女。直至寧進埋到陳志雲堆，因「刀片恐嚇」事件，便引薦阿 Ed及何恒安做志雲私人助手。 00年，寧進入無綫時，最初只是做辦公室助理，但 02年在陳志雲推薦下，寧進轉讀訓練班。雖然有後台，但受外形局限，寧進星路一直未見曙光，只是做二打六的閒角，直至近年才被欽點做《志雲飯局》的「上菜」先生。月薪不夠一萬的他，有陳志雲照住，近年突然富貴，坐擁三個物業總值約四百萬，揸四十多萬 Audi名車。
據知，陳志雲認識寧進初期，曾邀請對方上志雲居晚飯。可惜神女有心，襄王無夢。寧進志在埋堆，未有與陳志雲做更深入的朋友，令陳志雲對其寵愛亦大打折扣。 07年，寧進為碼實陳志雲，藉「刀片恐嚇」事件，引薦了何恒安及阿 Ed，作為對方保鑣，再次取得陳志雲的信任。
知情者話︰「寧進始終過唔到自己嗰關。佢埋到陳總堆後，陳總都請過佢上屋企食飯，嗰次佢帶埋女朋友上去，陳總梗係冇癮啦。後來佢介紹咗何恒安同阿 Ed俾陳總識，咁就唔使自己出手冧陳總囉。」

涉貪事件令陳總和寧進的密友關係曝光，二人去年曾結伴出席寧進胞兄的婚宴。
 
寧進（右）曾與數十名老友上船搞狂野派對，當日阿 Ed都在場。
 
騷肌攬女
何恒安（左）和叢培崑相識多年，不時相約敍會，相片中的單位，據知是何恒安家中，當日他邀請大班朋友返家開大食會。
 
記者在何的 facebook內，發現他經常大晒肌肉，亦不時攬着女性影相，艷福無邊。

暗交台灣艷星
儘管何恒安與阿 Ed在陳志雲面前服侍周到，但其實兩人都是扮攣。前者曾背住陳總，暗交台灣艷星蕭淑慎；而阿 Ed則愛一腳踏幾船。
06年，還是警察的阿 Ed，任職九龍區機動部隊，與朋友陳業安飛車，導致對方在車禍中死亡，之後他離開警隊，經濟變得拮据，幸黐住陳志雲後，自此便財源滾滾來。
另一知情者話︰「阿 Ed好識冧人，佢知 Stephen（陳志雲）信佛，就猛睇佛經投其所好。佢亦睇準 Stephen表演慾強，向佢獻計，又話幫佢搞出書同做舞台劇，所以咪冧到人打本俾佢開製作公司囉。 Stephen真係俾佢冧到暈陀陀 o架！不過阿 Ed成為 Stephen身邊紅人之後，亦試過飲醉酒時，猛呻 Stephen難服侍，又話自己好委屈喎！」

周二（ 16日），何恒安如常到車房打躉，得知記者來意，他即時黑面，拋下一句：「我唔識你喎！」即避入車房。
 
有傳去年在如心廣場舉行的除夕騷，製作單位是叢培崑開設的「思潮」，當晚因有四大唱片歌手（如劉美君）表演，無綫未能全部直播出街，搞到如心廣場不滿，要搞手賠償。

志雲花心出禍
其實陳志雲多年來一直有個任職海關的正印同居男密友，名叫 Jacky，年約四十多歲。當年， Jacky知陳志雲貪靚，曾鼓勵他減肥，並陪他健身。陳志雲與 Jacky交往十多年，連陳志雲父母都默許其正印地位。
不過，心多多的陳志雲，竟背住 Jacky寵幸阿 Ed及何恒安，就連司機 Jerry，他亦甚為嗒糖。而機心甚重的阿 Ed，短短 3年，先逼走志雲同居密友 Jacky及司機 Jerry，就連兄弟班的何恒安及「媒人」寧進，都陸續被他踢出局。獨佔陳志雲後，他便開始其鴻圖大計，開辦「思潮廣告製作公司」，借陳志雲的權力接收不少無綫的外判工作，更以低價接洽各藝員，從中圖利。
扮攣的阿 Ed與何恒安，做了陳志雲助手 3個月左右，有傳三人已經背住 Jacky齊齊去日本旅行。據知去旅行期間，三男齊住一間雙人房，而與陳志雲同牀的是阿 Ed。陳志雲密友 Jacky初時還隻眼開隻眼閉，但後來終於忍唔住跟志雲攤牌。兩人拉鋸大半年， Jacky終於忍唔住，於 08年尾向志雲提出分手，更改埋電話，搬離雅麗居。

王喜頻探陳總
陳總出事後，「迷雲黨」成員之一的王喜連日來都高調到志雲居。周一（ 15日）中午才在陳總寓所逗留三小時，到晚上又帶同曾協助梅艷芳進行祈福的喇嘛 Twiggy（前藝能高層）拜訪。周三（ 17日），王喜又再現身樓下，抵達陳總寓所前更事先打電話通知傳媒。抽水之心，路人皆見。

有傳六嬸點名黃家禧代替陳志雲的職務。日前記者就發現方逸華在黃家禧陪同下返回 TVB行政大樓。

志雲怒炒何恒安
阿 Ed乘虛而入成功逼走 Jacky後，為免司機 Jerry爭寵，經常背住陳志雲對 Jerry呼呼喝喝，最後 Jerry沉不住氣，自動向陳志雲辭職。成功擊退兩個眼中釘後，阿 Ed連兄弟何恒安都不放過，他不停在陳志雲面前打兄弟毒針，更大爆何恒安暗交蕭淑慎，令對方即時失寵。去年，何恒安 facebook的攬女相，突然在周刊出現，當中亦有阿 Ed的不文相刊登。
知情者話︰「呢啲相出咗之後，阿 Ed即刻篤背脊，話有人大整蠱，陳總好嬲，即時炒咗阿安（何恒安）。單嘢發生後，阿安死黨寧進亦當面鬧阿 Ed反骨。但無奈 Stephen已完全被阿 Ed俘虜，就算寧進喺阿 Ed做董事嘅『思潮』做股東，公司都係阿 Ed話事。」昔日三兄弟齊齊蒲齊齊搵錢，如今卻反目收場。
陳志雲冧阿 Ed，在圈中已經成為公開秘密，有次陳志雲上電台做錄音訪問。錄音期間，電話突然響起，佢突然好緊張 cut停個訪問，然後好溫柔對住電話大發嬌嗔︰「……我等你嚟接我囉！」跟住他還吩咐電台保安幫他到停車場接人，當時在場人士都以為有大人物到，原來就是阿 Ed。
阿 Ed成為陳總身邊紅人後，圈中人人俾面，更有人稱他為「志雲契仔」。近日更有報道指陳志雲為賞賜他，今年一月，買了一楝價值五百多萬，位於何文田的物業給阿 Ed的父母。陳志雲錯愛花 o靚，高薪厚職凍過水之餘，更惹來官司纏身，千年道行衰喺一個情字上！

愛將謝晒封口
同受官非纏身的崔建邦，上周四（ 11日），即陳總被捕當日，被本刊拍得他戴上口罩到銅鑼灣做 facial。之後有傳媒亦拍得他到深水埗打波，不過一直避談陳總。

另一愛將張繼聰，本來獲 TVB重用，但有傳老婆謝安琪上有線大講「性經」觸怒無綫，令張被飛。上周五下午 4時，本刊就拍得他頭耷耷搭 6號巴士，由佐敦去尖沙嘴，對記者提問一概不答。

家宅惹禍端
陳志雲本住在位於亞皆老街的雅麗居高層複式單位多年，有指該址是風水屋， 04年陳志雲升為無綫業務總經理後，名利權力兼收。直至去年 4月，陳志雲打算轉換環境，遂租住清水灣柏濤灣一獨立屋，其後得高人教路，指新居有血光之災，因此又搬返雅麗居。
本刊將陳志雲早年在寓所接受訪問的照片給堪輿學家麥玲玲過目，她表示陳志雲住所嘅裝修和色調其實不夾他命水，雖然是風水屋，但若然所住的人命格撞啱運滯，便會惹來禍端。「陳志雲本身屬狗，今年命格注定要單打獨鬥，梳化擺喺玻璃窗前面，背冇靠山。佢冬天出世，間屋色調太過淺色，亦都唔夾佢條命，應該加番啲鮮艷顏色嘅擺設或掛畫。不過睇陳志雲面相，行緊嘴運嘅佢，應該可以免受牢獄之苦。」

麥玲玲指陳志雲梳化冇靠山，室內設計色調太淺，影響其運勢。《壹週刊》圖片
 
自陳志雲從廉署返家後，連日來其複式單位均拉上窗簾。

藝員劃清界線

陳志雲昔日的愛將鄧健泓說：「依家未係合適嘅時間去探佢，我都有 send sms。（陳志雲有冇覆你？）都係話唔需要擔心。其實 TVB咁大嘅電視台，我唔覺得佢哋會咁樣做（貪污），當然成件事我都唔了解。（廉署有冇接觸過你？）從來冇接過通知。（識唔識叢培崑？）我同佢唔係好熟。（有冇喺陳生屋企見過叢培崑？）我上去大部分時間都係同佢傾公事，我唔覺有咩人喺度，有佢個傭人。」

 被指陳志雲新寵的馬浚偉表示：「真係覺得好笑，鍾意就話我陳生黨，鍾意就話我係珍姐派，得閒又話我係小姐黨（意指樂易玲），我份合約係 TVB，我只能講我係 TVB黨。（係咪公司下令封口？）唔係，只不過依家好多嘢調查緊，影響到任何嘢都唔公平。」

報道指有過氣港姐送袋冧高層，葉翠翠回應時十分避忌︰「吓…過氣，咁快過氣，應該唔係講我啩，佢（雜誌）又唔開名，都唔慌係真啦，就算開名都唔會係真，十居其九都係假。」始終未有正面回應自己有否送袋。

森美直認有慰問陳志雲，他說︰「佢係我好朋友，係好好嘅前輩，事件發生，我都有 sms俾佢，佢都有覆『多謝關心』。（工作有否被壓價？）陳生有搵過我工作，不過最後傾唔成。（係咪你企硬價？）唔係，有時啲人問我價，我都有問要唔要友情價。」

楊思琦坦認曾會見 ICAC人員，「有份協助調查，係公司打電話叫我返去，都係問工作上嘅嘢。（有冇同叢培崑間公司合作過？）唔知，因為係經理人安排，相信經理人為我爭取最好條件！」 

楊怡亦承認日前曾協助廉署調查，但詳情不便透露。被指是志雲派的她緊張地說：「我係公司嘅人，冇分派別！（有冇電話慰問吓陳志雲？）我從來都冇 Stephen電話 o架！希望佢冇事，件事快啲平息啦！」

鄭嘉穎：「我冇被安排助查，件事令我好震撼。（你係樂易玲派喎！）咩呀，陳生叫我做金叵籮 o架，我係 TVB派。」

唐詩詠前男友崔建邦昔日是陳志雲愛將，唐詩詠坦言已發短訊慰問陳總和錢國偉，「當然擔心佢哋啦，希望件事快啲過去啦，陳生係一個好上司、好前輩，係一個唔計較錢嘅人。」

陳志雲貪污案背後，局中有局，五男三女，爭風呷醋，攣中有直，亂七八糟。
而涉案的叢培崑（ Edthancy）及藝員寧進，及已離職的助手何恒安，組成「扮攣三人組」設下迷「雲」局，先後擊退志雲同居密友 Jacky及前司機 Jerry，成功埋志雲身。另一方面，三男卻暗中大肆溝女，佢哋喺 facebook滿載攬女相，狼相盡現。出事前，阿 Ed（叢培崑）更獨家向本刊剖白︰「我係鍾意女仔！」
工於心計的阿 Ed，將志雲玩弄於股掌之中，更揸住雞毛當令箭，號令無綫各大小花旦、小生減價幫佢接騷，但最終被告發。現在廉署插手，阿 Ed固然一舖清袋，連誤墮色慾陷阱的陳志雲，都要一鑊熟。

最新圖片︰自閉 5日終蒲頭

上周四（ 3月 11日），陳志雲被廉署拘捕，問話 39小時後，最終以 10萬元保釋出外。連日來，他足不出戶，自困在寓所雅麗居內，有傳其私人助手叢培崑阿 Ed亦在上址匿藏。不過，閉關 117小時後，陳總終於按捺不住，於周三晚 8時外出晚飯。至於昔日的志雲黨鄧健泓及張繼聰等，統統與他劃清界線；反而王喜則 call定相熟記者，多次高調帶埋喇嘛探訪志雲居。而愛將崔建邦亦親上志雲居所探望。
51歲的陳志雲， 94年加入無綫後平步青雲， 04年得六嬸重用，躍升為無綫總經理，自此在電視台獨攬大權。可惜色字頭上一把刀，聰明一世的陳志雲，卻難逃癡情劫。

周三（ 17日）晚上 10時 45分，陳志雲坐着友人的 Benz返家，據知陳志雲於晚上 8時許，乘友人的座駕鬼祟外出，與男藝員晚飯。在家屈足五日，志雲終於蒲頭，但一雙黑眼圈外，面容亦明顯凹陷憔悴。

在寧進（左）的介紹下，叢培崑和何恒安（右）成功埋陳總堆，三人在叢的 25歲生日會上亦聚頭暢飲，不過當叢扶搖直上後，更有傳叢將何踢走。

差不多同一時間，陳志雲愛將崔建邦乘的士到達志雲居所，逗留一個小時左右才離去。

叢培崑的製作公司亦曾幫慈善團體「奧比斯」舉辦活動，當時陳志雲亦有撐場，更穿上由叢所設計的 T恤現身，盡收宣傳之效。

暗做溝女王
外表陰柔的阿 Ed叢培崑，其實是溝女王，有傳他中學時期曾與鄧麗欣及呂慧儀拍過拖。未跟隨陳志雲時，亦有一位拍拖 5年的女友 Yum，直至 07年，女方不忿男方花弗，因而分手，之後阿 Ed一直拍散拖。 08年當時已獲陳志雲寵幸的他，竟背住陳志雲暗交女友 Nicole，更出錢供女友赴日留學，閒時則愛搞 P溝女。
阿 Ed為上位不惜忍辱負重服侍志雲，所以要低調瘟女。本刊上月揭發阿 Ed經常夜訪陳志雲，及其「訊偉有限公司」以陳志雲寓所作登記地址後，他煞有介事向記者澄清自己性向，但卻不否認曾在志雲居所過夜。

溝女狼相大公開
有傳叢培崑扮攣黐陳總，在 facebook的相片，記者發現他在一次遊船河活動上，竟然對着一位比堅尼女郎胸部伸脷，狀甚興奮。


現任女友 Nicole
叢培崑瞞住陳總，與年約 24歲的 Nicole拍拖兩年，更供女友到日本讀書。

與Stephy相識多年
叢培崑、寧進和鄧麗欣原來是中學同學，最近網上就流傳一張三人攬頭攬頸合照，足見他們感情深厚。

在 Stephy的 fans為她開設的網站中，竟發現於 07年 10月 fans為她搞的生日會上，叢培崑原來有份出席，更為她點蠟燭。對於戀情，她矢口否認。

前女友 Yumi
06年 7月，還任職警員的叢培崑經歷交通意外後，在路邊安慰同行的女友 Yumi。《蘋果日報》圖片

本周日，記者追訪叢的舊女友 Yumi，問到昔日戀情及他的為人， Yumi面青青說：「唔知呀！」然後黑面跑回店內。

亂籠關係
陳志雲私生活多姿多采，不但與 5男糾纏不清，加埋 Ed的女友 Nicole、寧進女友 JoJo及何恒安女友蕭淑慎，關係七國咁亂。


認志雲居所過夜
記：陳生話你已經唔係佢助手，點解仲經常去佢屋企？
叢：佢好好人，教咗我好多嘢！
記：你喺佢屋企逗留好多個鐘。
叢：有時佢喺屋企同我講佛經，大家傾到好夜，咁我會喺嗰度過埋夜，唔……唔……不過我同陳生並唔係大家諗嗰樣嘢！
記：好多人都認定咗你同佢拍拖！
叢：（笑了幾聲後說）我知道大家一定會誤會。我係鍾意女仔 o架！
記：你唔出嚟澄清？
叢：（深呼吸歎了口氣）我又唔係藝人，真係冇必要出嚟講。不過呢啲新聞真係對陳生同我好唔公平，我當佢係師傅。
記：你同陳生嘅關係唔似咁簡單喎！
叢：唉……我同佢真係唔係你諗個樣嘢，我哋冇肉體關係 o架！
記：咁你依家有冇女朋友？
叢：冇呀！


寧進廣結明星
在 TVB做大茄做足八年的寧進，廣交藝人和歌星，在 facebook內發現他與薛凱琪和張繼聰的合照。

女友 Jo Jo
愛蒲的寧進，有位拍拖多年的圈外女友 JoJo，寧進黐陳總只為上位撈油水。

睇起的寧進順勢介紹老死何恒安（右一）俾陳總識，三人更笑晒口影合照。

最後叢培崑更同記者講笑，叫記者介紹女仔給他認識。
其實，阿 Ed與何恒安及藝人寧進，三人同在屯門某小學讀書，識於微時，長大後亦齊齊蒲吧溝女。直至寧進埋到陳志雲堆，因「刀片恐嚇」事件，便引薦阿 Ed及何恒安做志雲私人助手。 00年，寧進入無綫時，最初只是做辦公室助理，但 02年在陳志雲推薦下，寧進轉讀訓練班。雖然有後台，但受外形局限，寧進星路一直未見曙光，只是做二打六的閒角，直至近年才被欽點做《志雲飯局》的「上菜」先生。月薪不夠一萬的他，有陳志雲照住，近年突然富貴，坐擁三個物業總值約四百萬，揸四十多萬 Audi名車。
據知，陳志雲認識寧進初期，曾邀請對方上志雲居晚飯。可惜神女有心，襄王無夢。寧進志在埋堆，未有與陳志雲做更深入的朋友，令陳志雲對其寵愛亦大打折扣。 07年，寧進為碼實陳志雲，藉「刀片恐嚇」事件，引薦了何恒安及阿 Ed，作為對方保鑣，再次取得陳志雲的信任。
知情者話︰「寧進始終過唔到自己嗰關。佢埋到陳總堆後，陳總都請過佢上屋企食飯，嗰次佢帶埋女朋友上去，陳總梗係冇癮啦。後來佢介紹咗何恒安同阿 Ed俾陳總識，咁就唔使自己出手冧陳總囉。」

涉貪事件令陳總和寧進的密友關係曝光，二人去年曾結伴出席寧進胞兄的婚宴。

寧進（右）曾與數十名老友上船搞狂野派對，當日阿 Ed都在場。

騷肌攬女
何恒安（左）和叢培崑相識多年，不時相約敍會，相片中的單位，據知是何恒安家中，當日他邀請大班朋友返家開大食會。

記者在何的 facebook內，發現他經常大晒肌肉，亦不時攬着女性影相，艷福無邊。


暗交台灣艷星
儘管何恒安與阿 Ed在陳志雲面前服侍周到，但其實兩人都是扮攣。前者曾背住陳總，暗交台灣艷星蕭淑慎；而阿 Ed則愛一腳踏幾船。
06年，還是警察的阿 Ed，任職九龍區機動部隊，與朋友陳業安飛車，導致對方在車禍中死亡，之後他離開警隊，經濟變得拮据，幸黐住陳志雲後，自此便財源滾滾來。
另一知情者話︰「阿 Ed好識冧人，佢知 Stephen（陳志雲）信佛，就猛睇佛經投其所好。佢亦睇準 Stephen表演慾強，向佢獻計，又話幫佢搞出書同做舞台劇，所以咪冧到人打本俾佢開製作公司囉。 Stephen真係俾佢冧到暈陀陀 o架！不過阿 Ed成為 Stephen身邊紅人之後，亦試過飲醉酒時，猛呻 Stephen難服侍，又話自己好委屈喎！」

周二（ 16日），何恒安如常到車房打躉，得知記者來意，他即時黑面，拋下一句：「我唔識你喎！」即避入車房。

有傳去年在如心廣場舉行的除夕騷，製作單位是叢培崑開設的「思潮」，當晚因有四大唱片歌手（如劉美君）表演，無綫未能全部直播出街，搞到如心廣場不滿，要搞手賠償。

志雲花心出禍
其實陳志雲多年來一直有個任職海關的正印同居男密友，名叫 Jacky，年約四十多歲。當年， Jacky知陳志雲貪靚，曾鼓勵他減肥，並陪他健身。陳志雲與 Jacky交往十多年，連陳志雲父母都默許其正印地位。>
不過，心多多的陳志雲，竟背住 Jacky寵幸阿 Ed及何恒安，就連司機 Jerry，他亦甚為嗒糖。而機心甚重的阿 Ed，短短 3年，先逼走志雲同居密友 Jacky及司機 Jerry，就連兄弟班的何恒安及「媒人」寧進，都陸續被他踢出局。獨佔陳志雲後，他便開始其鴻圖大計，開辦「思潮廣告製作公司」，借陳志雲的權力接收不少無綫的外判工作，更以低價接洽各藝員，從中圖利。
扮攣的阿 Ed與何恒安，做了陳志雲助手 3個月左右，有傳三人已經背住 Jacky齊齊去日本旅行。據知去旅行期間，三男齊住一間雙人房，而與陳志雲同牀的是阿 Ed。陳志雲密友 Jacky初時還隻眼開隻眼閉，但後來終於忍唔住跟志雲攤牌。兩人拉鋸大半年， Jacky終於忍唔住，於 08年尾向志雲提出分手，更改埋電話，搬離雅麗居。


王喜頻探陳總
陳總出事後，「迷雲黨」成員之一的王喜連日來都高調到志雲居。周一（ 15日）中午才在陳總寓所逗留三小時，到晚上又帶同曾協助梅艷芳進行祈福的喇嘛 Twiggy（前藝能高層）拜訪。周三（ 17日），王喜又再現身樓下，抵達陳總寓所前更事先打電話通知傳媒。抽水之心，路人皆見。

有傳六嬸點名黃家禧代替陳志雲的職務。日前記者就發現方逸華在黃家禧陪同下返回 TVB行政大樓。

志雲怒炒何恒安
阿 Ed乘虛而入成功逼走 Jacky後，為免司機 Jerry爭寵，經常背住陳志雲對 Jerry呼呼喝喝，最後 Jerry沉不住氣，自動向陳志雲辭職。成功擊退兩個眼中釘後，阿 Ed連兄弟何恒安都不放過，他不停在陳志雲面前打兄弟毒針，更大爆何恒安暗交蕭淑慎，令對方即時失寵。去年，何恒安 facebook的攬女相，突然在周刊出現，當中亦有阿 Ed的不文相刊登。
知情者話︰「呢啲相出咗之後，阿 Ed即刻篤背脊，話有人大整蠱，陳總好嬲，即時炒咗阿安（何恒安）。單嘢發生後，阿安死黨寧進亦當面鬧阿 Ed反骨。但無奈 Stephen已完全被阿 Ed俘虜，就算寧進喺阿 Ed做董事嘅『思潮』做股東，公司都係阿 Ed話事。」昔日三兄弟齊齊蒲齊齊搵錢，如今卻反目收場。
陳志雲冧阿 Ed，在圈中已經成為公開秘密，有次陳志雲上電台做錄音訪問。錄音期間，電話突然響起，佢突然好緊張 cut停個訪問，然後好溫柔對住電話大發嬌嗔︰「……我等你嚟接我囉！」跟住他還吩咐電台保安幫他到停車場接人，當時在場人士都以為有大人物到，原來就是阿 Ed。
阿 Ed成為陳總身邊紅人後，圈中人人俾面，更有人稱他為「志雲契仔」。近日更有報道指陳志雲為賞賜他，今年一月，買了一楝價值五百多萬，位於何文田的物業給阿 Ed的父母。陳志雲錯愛花 o靚，高薪厚職凍過水之餘，更惹來官司纏身，千年道行衰喺一個情字上！

愛將謝晒封口
同受官非纏身的崔建邦，上周四（ 11日），即陳總被捕當日，被本刊拍得他戴上口罩到銅鑼灣做 facial。之後有傳媒亦拍得他到深水埗打波，不過一直避談陳總。



另一愛將張繼聰，本來獲 TVB重用，但有傳老婆謝安琪上有線大講「性經」觸怒無綫，令張被飛。上周五下午 4時，本刊就拍得他頭耷耷搭 6號巴士，由佐敦去尖沙嘴，對記者提問一概不答。

家宅惹禍端
陳志雲本住在位於亞皆老街的雅麗居高層複式單位多年，有指該址是風水屋， 04年陳志雲升為無綫業務總經理後，名利權力兼收。直至去年 4月，陳志雲打算轉換環境，遂租住清水灣柏濤灣一獨立屋，其後得高人教路，指新居有血光之災，因此又搬返雅麗居。
本刊將陳志雲早年在寓所接受訪問的照片給堪輿學家麥玲玲過目，她表示陳志雲住所嘅裝修和色調其實不夾他命水，雖然是風水屋，但若然所住的人命格撞啱運滯，便會惹來禍端。「陳志雲本身屬狗，今年命格注定要單打獨鬥，梳化擺喺玻璃窗前面，背冇靠山。佢冬天出世，間屋色調太過淺色，亦都唔夾佢條命，應該加番啲鮮艷顏色嘅擺設或掛畫。不過睇陳志雲面相，行緊嘴運嘅佢，應該可以免受牢獄之苦。」

麥玲玲指陳志雲梳化冇靠山，室內設計色調太淺，影響其運勢。《壹週刊》圖片

自陳志雲從廉署返家後，連日來其複式單位均拉上窗簾。

藝員劃清界線
陳志雲昔日的愛將鄧健泓說：「依家未係合適嘅時間去探佢，我都有 send sms。（陳志雲有冇覆你？）都係話唔需要擔心。其實 TVB咁大嘅電視台，我唔覺得佢哋會咁樣做（貪污），當然成件事我都唔了解。（廉署有冇接觸過你？）從來冇接過通知。（識唔識叢培崑？）我同佢唔係好熟。（有冇喺陳生屋企見過叢培崑？）我上去大部分時間都係同佢傾公事，我唔覺有咩人喺度，有佢個傭人。」


被指陳志雲新寵的馬浚偉表示：「真係覺得好笑，鍾意就話我陳生黨，鍾意就話我係珍姐派，得閒又話我係小姐黨（意指樂易玲），我份合約係 TVB，我只能講我係 TVB黨。（係咪公司下令封口？）唔係，只不過依家好多嘢調查緊，影響到任何嘢都唔公平。」


報道指有過氣港姐送袋冧高層，葉翠翠回應時十分避忌︰「吓…過氣，咁快過氣，應該唔係講我啩，佢（雜誌）又唔開名，都唔慌係真啦，就算開名都唔會係真，十居其九都係假。」始終未有正面回應自己有否送袋。


森美直認有慰問陳志雲，他說︰「佢係我好朋友，係好好嘅前輩，事件發生，我都有 sms俾佢，佢都有覆『多謝關心』。（工作有否被壓價？）陳生有搵過我工作，不過最後傾唔成。（係咪你企硬價？）唔係，有時啲人問我價，我都有問要唔要友情價。」


楊思琦坦認曾會見 ICAC人員，「有份協助調查，係公司打電話叫我返去，都係問工作上嘅嘢。（有冇同叢培崑間公司合作過？）唔知，因為係經理人安排，相信經理人為我爭取最好條件！」


楊怡亦承認日前曾協助廉署調查，但詳情不便透露。被指是志雲派的她緊張地說：「我係公司嘅人，冇分派別！（有冇電話慰問吓陳志雲？）我從來都冇 Stephen電話 o架！希望佢冇事，件事快啲平息啦！」


鄭嘉穎：「我冇被安排助查，件事令我好震撼。（你係樂易玲派喎！）咩呀，陳生叫我做金叵籮 o架，我係 TVB派。」


唐詩詠前男友崔建邦昔日是陳志雲愛將，唐詩詠坦言已發短訊慰問陳總和錢國偉，「當然擔心佢哋啦，希望件事快啲過去啦，陳生係一個好上司、好前輩，係一個唔計較錢嘅人。」