"康堤似有用不完的精力，搞到追住個女影相嘅 Eason嘴都扁埋。"
娛樂頂點
愛女考入女拔 Eason谷康堤做運動尖子
2010年03月19日
陳奕迅、阿 B同任達華為了女兒能順利入讀名校，三對家長都不約而同等女兒讀完 K1後，齊齊轉校，轉到基督堂升讀 K2，結果，成績、運動同樣卓越的 Eason愛女康堤順利跑出，今年九月成功入讀夢想小學「拔萃女小學」。
唔講唔知，康堤原來是學校風頭躉，能文能武，曾為學校奪獎無數。 3月 5日早上，是基督堂運動日，康堤在田徑賽中奪金牌， Eason開心到忘形，攬住愛女金牌滿場飛！
Eason愛女擺金牌
Eason與愛女搶金牌，最後當然係康堤爭贏。
障礙賽時，康堤見對手追貼自己，即加速跑步，成功率先衝線。
運動會完畢，競技、接力、障礙賽總成績奪金的康堤難掩興奮，與其他小朋友繼續跑跑跳跳，跑到面紅紅。
琦琦女兒跑步奪金
跑步贏了金牌的任晴佳，高舉勝利手勢，攞住個金牌擺晒靚靚甫士影相。
琦琦愛女樣子斯文，但亦有鬼馬一面，只見她不時伸脷兼擘大個口，樣子十分搞笑。
任達華因宣傳新戲《歲月神偷》冇嚟，琦琦母兼父職單拖陪女，好彩有 Eason在場，兩人暢談家長經近半小時。
B女攞銀獎失落
B女玩競技賽時，十分投入，但在旁嘅媽咪范姜更肉繄，猛嗌︰「快啲、快啲……」
僅得銀獎嘅 B女冇晒心機，嘴扁扁走埋阿 B度，不過俾老竇兩句，隨即又笑番。
運動叻入女拔着數
早前 Eason同徐濠縈執到好「四正」，同往女拔位於翠林邨臨時校舍開家長會。
唔少香港家長，為了子女讀到心儀小學，真係出盡法寶。一羣明星子女，如陳奕迅女兒陳康堤、琦琦女兒任晴佳，阿 B細女鍾懿都揀了名牌幼稚園基督堂，皆因該校聘請多位外籍老師授教，以全英語教學，容易入讀拔萃女小學、拔萃小學、喇沙小學同瑪利諾等名校，不過此校只收 K2、 K3生。而徐濠縈亦戮力催谷愛女做運動尖子，單是運動方面，康堤每星期要學芭蕾舞、溜冰、瑜伽等，加上她曾為學校取得校外的獎項，大大增加了她入讀女拔的機會。
星級相機
Nikon D700
范姜手上嘅 Nikon D700，於 08年 7月推出，係專業機嘅入門版，價錢約$16,300。
Panasonic LUMIX GF1
阿 B同 Eason都有部輕巧型嘅 GF1，此機影相質素媲美專業相機。
Panasonic LUMIX GF1
愛攝影嘅 Eason，當日用嘅 LUMIX GF1相機， 1,300萬像素，係目前世界最細最輕巧可換鏡式連內置閃燈相機，淨係個 body都要 5千。
Canon S90
琦琦所用嘅相機係 Canon S90，價錢約$3,300，有一千萬像素，可以調整光圈 ISO對焦和 EV補光，有手動鏡嘅感覺，於去年十月推出。
愛女 考入 女拔 陳奕迅 Eason 谷 康堤 做 運動 尖子
留言列表
