鍾欣桐（阿嬌）為新戲落力獻出「第一次」，不過被拍檔詩雅忽然背部全裸搶去不少風頭，難得阿嬌大方幫手張羅打底衫，還直言很明白對方感受，果然姊妹情深！

阿嬌對於全裸，坦言若有藝術感，亦可以豁出去演繹。

阿嬌於英皇新片《前度》內為師弟陳偉霆（William）獻出銀幕初吻，不過較之於詩雅與William的「埋身肉搏」，可謂小巫見大巫。阿嬌還大爆詩雅的背部全裸戲份，是導演「神來之筆」臨場加插，難怪詩雅未有時間做足心理準備：「佢喺一個咁唔開心嘅情緒下有咁嘅表現，好OK，我呢啲打底王咪幫佢搵內衣返嚟用囉。」同樣事情發生在阿嬌身上，她又可會接受？「冇話超唔超越底線嘅，要畀足夠心理準備我囉，最緊要拍出嚟靚。」

劇中主角阿嬌（左起）、William、詩雅早前為《前度》造勢。（資料圖片）

用性愛留男友

被阿嬌大讚的詩雅，直言今次拍吻戲及床戲，感覺等同拍武打動作片一樣：「三角戀中我主動剝衫，用性呢樣嘢去留住男友。埋位時本來天氣好凍，但拍到我哋出晒汗。（William好唔好咀？）太激烈嘞，Enjoy唔到，牙撞牙好痛，我仲緊張到一直唔敢睇Playback，直至發現NG捉唔到導演嘅要求，先硬住頭皮走去睇！」配音期間詩雅終於「窺全豹」，幸而效果不錯：「感覺好好多，起碼件事出嚟係靚嘅。」

再拍拖會沉默

盡享「齊人之福」的William打趣稱無福消受：「夠晒嘞，有時搞唔清，感覺都幾忙。（擔心生理反應？）擔心心理反應多啲。嗰時本身有其他問題，仲要演一個深沉嘅角色，有一段時間搵唔到自己。（情緒問題？）都驚自己有病，不過覺得小事。」William口中的「其他問題」，沒有否認與本身感情瓜葛有關，坦言再遇心儀對象亦「冇咁容易投入到」，但明白藝人與傳媒的關係，所以日後倘若再被發現拍拖，被追訪時他斷言自己也不會「築牆」，選擇三緘其口。

陳偉霆嘆緋聞影響戀情

英皇新片《前度》令鍾欣桐（阿嬌）、詩雅及陳偉霆（William）陷入三角苦戀，阿嬌日前接受訪問時，大爆詩雅的性感演出是導演臨場加插：「佢未有時間做好心理準備，喺一個咁唔開心嘅情緒下演出，有咁嘅表現真係好OK！」開了竅的她坦言，只要有足夠心理準備，也可為「藝術犧牲」。而詩雅表示拍攝期間情緒曾受困擾，尤其與William演出的吻戲及床戲，感覺竟如同拍武打動作片一樣：「埋位時天氣好凍，但拍到出晒汗！（William好咀？）太激烈！我緊張到唔敢睇Playback！」

至於盡享「齊人之福」的William坦言，擔心心理反應多於生理反應，他坦承當時情緒出現問題，但不否認與感情瓜葛有關：「相信再遇到心儀對象都冇咁容易投入，以後拍拖我會講得幾多得幾多。」早前他錄影無綫節目《兄弟幫》時，毫不忌諱大談緋聞，更自爆前女友是平日報道所寫的那一位，曲線承認與Angelababy有過一段情：「如果報道成日講同一個人傳緋聞，好容易影響雙方關係，因為大家都會相信咗呢件事！」