做女士固之然要扮靚瘦身，所謂悅己悅人嘛；車亦一樣要定期「秀」身，先至可以被一眾玩家有新鮮感。好似今日介紹嘅 Benz SLK 200K Grand Edition一樣，由內至外狂玩「灰」色調，令到矯捷靈活嘅 SLK， Grand得嚟又帶點灰狐嘅獨特吸引力，唔一定要鮮色先搶眼嘅。文：阮小天攝影：林栢鈞Model： Rainbow
豪華感滿載 放大圖片 
■三幅式跑車軚盤，增優越駕駛感！
「 Oh， My God！」係我見到眼前 SLK 200K Grand Edition華麗外表的用詞，隔籬的模特兒 Rainbow艷光再靚，都暫時改變不到我對呢部新車的凝視！車身顏色採用深灰色石墨噴漆，灰銀得來甚有層次，一襯玄武岩灰色真皮座椅，簡直係天造地設；目光再一掃，閃閃令的 Sharp醒 18吋多輻式輕合金輪圈，奪目耀眼，加上全新的梯形尾喉，令我流晒口水，蠢蠢欲動，二話不說叫 Rainbow上車。當日風和日麗，無理由唔擁抱陽光，我一按按鈕，不消 22秒硬頂雙門瞬間變成為開篷跑車，雖然我不是車主，但感覺超 High； SLK 200K超豪外形，行出嚟都 Draw到唔少途人注視，加上馬力輸出提升了 21匹至 184匹，真係超爽，雖然路短發揮唔到每小時 232公里的極致速度，但優越感使我心裏暗爆了一句： I am King of the World！作為司機，當然有留意車身的新裝設，黑白對比 3D配紅色指針儀錶一目了然，抵讚；而全新的三幅跑車式軚盤，再畀多一個讚！一路上我開着了車上附以的 6 CD播放機，在後鏡瞄一瞄 Rainbow，原來她已沉沉入睡，元凶是 AIRSCARFR的頭枕導管傳上的暖氣，令佢舒服不已；奇怪的是伊人頭髮沒有絲毫紛亂，這亦是拜椅後新增的透明擋風鏡所賜，既不阻礙視野，亦能起保護之用，絕對是細心的裝設。大家當然奇怪我開一部雙人開篷跑車，怎有空間放置拍這輯靚相的工具，這亦是 SLK 200K Grand Edition的優點，車尾行李箱容量十足，可放置容量 300公升的重物，如斯實用的裝設，我與 Rainbow自然可以執拾細軟，遠走高飛啦！
放大圖片 
■石墨灰色車身，別有深沉穩重味。
放大圖片 
■ Nappa玄武岩灰色真皮裝飾座椅，好靚！
放大圖片 
■銀色魚鰓式風口位，好靚仔！
放大圖片 
■車尾中央新增 LED煞車燈。
放大圖片 
■跑車也有行李尾箱，能承載容量 300公升，夠晒實用！
放大圖片 
■黑白對比 3D配紅色指針儀簡潔清晰！
Benz SLK 200K Grand Edition 放大圖片 
引擎： 1,796cc直四扭力： 250m/2,800-5,000rpm馬力： 184ps/5,500rpm傳動： 5速+/-波箱售價：約$535,000查詢：仁孚行（ 2895 7339） 
留言列表
