忽然1周 741 期 33F 瑤瑤向波霸發戰書　36D 趙碩之：未驚過 @ 明星靚相大分享☆

真空迎戰
拍攝當日，趙碩之真空上陣，之前雖然有傳她打「假波」，但記者現場所見，沒戴胸圍的她，巨胸明顯受地心吸力影響，沒有反常的堅挺現象出現。
封面故事
33F瑤瑤向波霸發戰書　 36D趙碩之：未驚過
2009年10月09日
21歲趙碩之早前因為回應師妹尹蓁晞（ Yumi）同髮型師男友懷疑到時鐘酒店援交時，衰多口話師妹濫交兼「手緊」，激嬲老闆林建名而被掟入雪櫃，近期先至得到老闆原諒成功走出雪櫃。
可惜出名「好波」嘅趙碩之，解凍無耐即腹背受敵，除咗要迎戰宿敵周秀娜推出拋胸肖像牀單和浴簾嘅強勁攻勢外，仲要應付 33F台灣過江龍郭書瑤（瑤瑤）。瑤瑤有童顏巨乳之稱，更會在 10月尾在港舉行「抱抱會」，任 fans無阻隔任攬。
為了增加聲勢，瑤瑤向本地波霸 o靚模發戰書，邀請趙碩之、周秀娜等人出席「抱抱會」。對於台灣「波霸」邀請，趙碩之本周三（ 7日）接受本刊專訪時，不屑地說：「我真係未驚過！」

歡迎嚟我抱抱會

08年，趙碩之憑住 36D好身材成名，連拍攝《四葉草之盛裝舞步愛作戰》時，有份合作嘅許志安都讚她好身材，還說在一班合作女新人中只認得她。許志安接受訪問時就話：「趙碩之即係 36D嘛！」
我都唔識瑤瑤
至於台灣過江龍瑤瑤，憑住 19歲童顏巨乳兼且肯搏肯抱，出道半年迅即攻陷當地宅男。上月 25日更正式簽約 bma進軍香港市場，勢同本地 o靚模爭飯食。早前瑤瑤接受本刊訪問時，對於香港一班 o靚模完全不客氣，還勁踩她們說：「啲 o靚模個胸太細。」而對於同樣賣身材嘅勁敵趙碩之，她更寸爆表示：「唔知佢係邊個喎！」
為了搶攻香港宅男市場，瑤瑤將於 10月底舉行「抱抱會」，讓 fans任攬任抱。為了造勢，據知瑤瑤打算廣發戰書，邀請全港 o靚模出席，和她們來個胸對胸抱抱。本周三（ 7日），本刊聯絡瑤瑤，她直認有此事，「我已經同公司商量過，打算邀請香港 o靚模嚟我抱抱會。（會唔會請周秀娜、趙碩之、 Kama？）佢哋嚟晒仲好。（唔怕佢哋搶鋒頭咩？）我唔會俾佢哋搶到鋒頭！（但係趙碩之同樣係波霸嚟喎？）我同佢身材都一樣咁好，冇得比較，況且我哋都唔同路線。（但係你之前話唔識佢喎？）咁咪可以喺抱抱會認識囉！」

電影宣傳
趙碩之解凍後有幾忙？本周二（ 6日），趙碩之出席有份主演的電影《死神傻了》首映禮，以一貫性感低胸裝亮相（左圖）。近日佢仲趕拍新戲《我要做 o靚模》，跟曹查理首度合作，早前拍了一幕差點被曹強姦的戲（右圖）。此外趙碩之還準備接拍另外兩部電影。

拍強姦戲《 Face》圖片

全裸寫真迎戰

雖然趙碩之比周秀娜早入行，但兩人在 o靚模當道時齊齊冒起。每次同場出現，大家的焦點總集中在她們的上圍，而趙碩之的 cup數確係明顯勁過周秀娜。《蘋果日報》圖片

對於瑤瑤「我唔識佢」言論，趙碩之回敬瑤瑤：「我之前都唔識佢，唔知佢喺台灣有幾紅，最近佢嚟咗香港，好多傳媒同我提起，先知有個咁嘅人。佢唔識我冇所謂！咁好多台灣人係未必識我，即係有好多香港人未必識佢啦！」對於瑤瑤向她發戰書，邀請她出席「抱抱會」，她反應甚大說：「 F cup大晒咩！我真係未驚過！到時一定會去佢抱抱會。（瑤瑤話你同其他 o靚模搶唔到佢鋒頭？）咁要到時先知！」
除了過江龍瑤瑤發戰書， 24歲嘅周秀娜，亦打算在聖誕推出拋胸肖像牀單和浴簾，繼續狙擊趙碩之。對此趙碩之就表示唔會效法，「呢啲嘢係貼身物品，如果放咗自己肖像落去會好唔習慣。（係咪覺得意識不良？）呢啲就見仁見智啦！」至於迎戰方法，趙碩之就打算再推出冬季寫真集，「公司已經有計劃今年冬天去有雪景嘅地方拍寫真，到時唔單止會着三點式，可能唔着都未定。」

三套電影在手

唔妥到出面
趙碩之講錯嘢搞到被雪藏前，跟師妹 Yumi（右）一直傳「唔妥」。今年 5月尾兩日出席老闆林建名旗下鱷魚恤公司的活動時，已經面左左，不過現在已和好如初。

雖然面對瑤瑤跟周秀娜夾擊，趙碩之的工作量不減，現時除了拍攝電影《我要做 o靚模》外，趙碩之還有兩部電影在手。下月還會接拍手提電話和護膚品廣告，又會到大陸出席活動。 11月 18日生日當天，趙碩之還打算舉行 fans聚會，似乎有意向瑤瑤還擊。「唔係咩還擊，只係入行以嚟都冇同 fans正式聚會過。（會唔會同 fans抱抱？）我啲 fans唔係淨係得男仔，我亦唔會隨便抱人，反而想做啲表演答謝 fans。」睇嚟趙碩之、周秀娜和瑤瑤幾個以「胸」出位嘅靚女，會繼續有一番龍爭虎鬥。
真材實料
出道以來，趙碩之的身材一直成為話題，更一度被指靠後天僭建而成，趙碩之即攞出發育期相片，力證真材實料，「睇番我以前啲相，因為嗰陣時未發育完，身材真係冇依家咁勁咁挺。不過着衫同埋戴唔同嘅胸圍都會影響嘅，我絕對唔係假胸，肯定係真材實料。」趙碩之能夠有今日驕人身材，她解釋是無心插柳的成果，「 12歲時我見到啲女仔又高又靚，於是就睇書，知道食多啲豆腐同埋奶可以長高，我咪猛食囉！點知一個中一暑假，不單止高咗 3吋，連個胸都大咗兩吋囉！」
出道迅即走紅的趙碩之，當時成為不少 o靚模的追擊對象，希望靠她的名氣「響朵」。據知當時有人經常要求傳媒搵趙碩之「鬧」她，讓她可以回應製造話題。對於當時有人借她做宣傳，趙碩之無奈地說：「唉！都唔知點講好！過咗去嘅嘢都係唔回應啦！幫到人都冇所謂嘅！（究竟係邊個 o靚模呀？）係邊個你哋自己估吓啦！總之佢依家仲好 hit！我又冇人哋講嘢咁叻，費事變成罵戰啦！」

舊照力證堅料
11歲︰當年就讀聖保祿學校小學 6年級的趙碩之生得頗細粒，她表示升讀中學後才開始發育。

16歲︰趙碩之搵朋友幫她影靚相，當時的她雖然打扮勁娘，但上圍脹卜卜，已有番咁上下。

17歲︰仍未入行的趙碩之幫雜誌做模特兒，當時仍處於發育期的她，身材已開始變得豐滿，着起三點式已相當有睇頭。《壹本便利》圖片

21歲︰胸大有理
趙碩之表示在發育時期狂食豆腐和牛奶，令她長高又長肉，就算早前因被雪藏而消瘦了 5磅，依然無減上圍「洶湧」程度。

助師妹出雪櫃

瑜伽練胸
趙碩之除了發育時期飲牛奶，搞到身材突變外，還不時做瑜伽健胸。趙碩之話瑜伽教練叫佢平時多做 push up，可令上圍更堅挺。

趙碩之現在答問題變得小心，皆因早前回應師妹 Yumi同男友到時鐘酒店「爆房」時噏得就噏，被老闆掟入雪櫃。據知她遭雪藏後即閉門思過，事後更聲淚俱下親身向老闆林建名認錯，發誓以後不再亂講說話，又承諾會照顧師弟妹，最後更自掏腰包請全公司同事吃大餐。
趙碩之直認：「我當時喊係因為令到老闆失望，覺得好對佢唔住，老闆叫我以後要慎言，特別係對公司同事。我都知上次自己好唔啱，依家都有同師妹 Yumi求情，叫老闆唔好雪佢，聽講佢好快就會出雪櫃。」現時趙碩之正等 Yumi出關，一同對抗外敵。
當紅 o靚模會唔會去「抱抱會」﹖
瑤瑤發戰書廣邀全港 o靚模出席「抱抱會」，一班當紅 o靚模好似周秀娜、羅凱珊(Kama)和鍾蕙芝(Lavina)都有唔同見解，有人肯捧場亦有人唔多俾面。

32D周秀娜
時間夾到就去啦！祝佢成功。

32BKama
唔會去，我哋唔會參與呢啲活動！《 FACE》圖片

34E Lavina
如果邀請都會去，遲啲我都會去台灣發展，當識多個朋友。

瑤瑤繼續追擊
瑤瑤 9月胸勢襲港後，其所屬的 bma唱片公司已計劃了連串攻勢，希望將版圖擴展至內地和東南亞。 10月 18日瑤瑤將會再次來港舉行簽名會，為拉近 fans距離， 10月底更會正式舉行抱抱會。
接着瑤瑤便開始到內地和東南亞宣傳，爭取曝光率。明年初， bma會為瑤瑤度身訂造了一套青春愛情片，為她開拓電影市場。不過瑤瑤最大的心願，是希望兩年內在台灣小巨蛋舉行演唱會，所以她會積極在音樂方面發展。

bma老闆羅傑承表示瑤瑤係佢公司嘅秘密武器，所以花過百萬簽佢都好值得。

早前羅傑承搞咗個南華誓師大會，安排瑤瑤到場為球員打氣。當日有瑤瑤男 fans帶定瑤瑤寫真集俾偶像簽名，之後更得到瑤瑤熱情抱抱。

場地提供： Exchange Series
(銅鑼灣禮頓道 42號禮智大廈 2樓 Tel： 29722889)

姓名︰郭書瑤（瑤瑤）
出生日期︰ 1990年 7月 18日
三圍︰ 33F、 23、 33
身高︰ 155cm
體重︰ 42kg
學歷︰松山工農夜間部學生
電視節目︰台灣《數位遊戲王》主持、《但是又何奈》主持及《黃金的士》主持
廣告拍攝︰台灣《殺 Online》、《真口味食品》和《雅虎奇摩電玩頻道》等
推出唱片︰《愛的抱抱》
寫真 EP︰（港、台發行)
娜姐陪瞓陪浴搵真銀
周秀娜今年 7月創先河，在書展推出噴血人形攬枕，據知現已售出 6,000個，銷售額逾 300萬，除了為 Chrissie帶來可觀的收入外，更令她人氣再急升。
雖然攬枕一出即受到非議，滴奶及擦牙等甫士更被轟意識不良，但眼見推出性感貼身物可以賺一筆， Chrissie將會在今年聖誕節，再推出牀單、枕頭套、被袋等寢具，以及印有僅以肥皂泡遮掩重要部位相片的 1： 1浴簾。 Chrissie更無懼外界的反對聲音，早前接受訪問時話：「我一啲都唔驚， just for fun，下下都退後就行唔到向前。我唔覺得出呢啲產品有問題。」 Chrissie目標清晰，一於搵錢至上。