同鄭中基掟煲煩到阿 Sa嘆圈中情難維繫

雖然蔡卓妍（阿 Sa）同鄭中基（ Ronald）多年嚟冇正式承認過拍拖，不過佢哋嘅戀情可算係公開秘密，仲不時隔空打情罵俏。早幾日先有消息話阿 Sa同 Ronald 06年喺洛杉磯秘密結婚，點知第二日佢哋避談結婚傳聞之餘仲忽然自爆分咗手，事情可謂峯迴路轉。前日阿 Sa同陳偉霆及導演王晶喺內地接受網站訪問宣傳新戲《美麗密令》，啱啱公開分手，焦點當然仲喺阿 Sa度。

阿 Sa為現場嘅 fans簽名，來者不拒，不過見佢好似心事重重咁，完全冇表情。　《新浪娛樂》圖片

放大圖片

何韻詩同阿 Sa私下都好老友，對於佢同鄭中基分手，原來早已聽聞。

「以後不要再煩我」 放大圖片

鄭中基呢幾日繼續喺內地為新戲宣傳，對於分手一事佢已經唔願再多講。

阿 Sa再被問到分手一事，佢就唔耐煩咁話：「最近的新聞越來越煩我覺得好煩，大家都知道我不喜歡講與工作無關的事情，這些都是我跟別人私下的事情，昨天我已經講，希望以後不要再煩我！」講到分手原因，阿 Sa梗係唔講，但佢都有感而發話覺得喺圈中要保持一段關係絕對係唔容易。此外，何韻詩前晚喺中環現身時裝品牌活動就阿 Sa同 Ronald分手一事爆料：「知道佢哋分咗一陣，私底下同阿 Sa熟，我哋表面九唔搭八，不過平時有傾吓感情事。」阿詩話阿 Sa大個女唔使安慰，唔使擔心。但阿詩口口聲話同阿 Sa係 friend，但又唔知佢哋有冇結婚。講到 Ronald花唔花弗，阿詩笑笑口話：「呢個世代好多誘惑，無論係男同女都好多渠道，最緊要係兩個人夾唔夾。」

鄭中基唱歌谷新戲

至於 Ronald日前去咗廣州宣傳《越光寶盒》，現場有 fans要佢即場唱歌， Ronald眼見 fans咁熱情都即場唱幾首，搞到宣傳活動變成歌友會，而新戲內地首映當日票房就有 900萬人民幣，成績相當理想。


多年前有傳鄭中基送咗對紅寶石耳環畀阿 Sa，咁啱近期阿 Sa就已經改戴鑽石款式。　《新浪娛樂》圖片

阿 Sa 嘆圈中 情難維繫

阿Sa為工作犧牲暫不結婚

蔡卓妍（阿Sa）與鄭中基分手，揚言再見亦是朋友，阿Sa日前接受內地傳媒訪問時，表示不欲因外間的諸多揣測而破壞了美好回憶，不過當被問到與鄭中基是否已秘密結婚？她只避重就輕地說：「我唔講啦！」更表示愛工作便要作出犧牲，暫時沒有結婚計劃。

阿Sa與鄭中基早前被爆在06年秘密結婚，不過相隔一日，二人突然分別向外透露六年情玩完，令這段「Sa基戀」顯得撲朔迷離。阿Sa日前接受內地傳媒訪問時，坦言與鄭中基和平分手了一段時間，更為這段「逝去的愛」作出解釋：「之前我都說過我已經單身！我唔想被各種猜測來破壞我和他的美好回憶。」

阿Sa與鄭中基「婚」完又「分」，撲朔迷離。（資料圖片）

睇好自己做影后

對於被指與鄭中基在06年已秘密註冊結婚，Sa沒有直接否認，只輕輕帶過：「我唔講啦！人生唔係只有愛情，當然亦唔係只有工作，但你愛你自己嘅工作時，就必須作出好多犧牲。」

另外，梁漢文提到好友鄭中基與阿Sa分手消息時說：「都係呢幾日先知，冇打畀佢，知鄭中基忙緊電影宣傳，見面先啦，唔需要問或者求證喇。」

何韻詩對阿Sa是否已婚說：「有冇結婚反正都過去咗。」



何韻詩坦言與阿Sa私底下有講感情事。（資料圖片）

文：名人組

阿Sa不欲因外間的諸多揣測而破壞了她與鄭中基的美好回憶。

蔡卓妍保留甜蜜未想婚

「Sa基戀」爆出結婚消息，隨即高調宣布分手，日前蔡卓妍（阿Sa）接受內地報章訪問時，強調與鄭中基再見亦是朋友，拒回應已婚傳聞，兩人「婚」完即「分」，引起外界不少揣測！

阿Sa大前日在內地出席電影《美麗密令》發布會時，突然宣布與拍拖6年的鄭中基分手，有指他們06年秘密註冊結婚，其後阿Sa接受內地報章訪問時說：「其實我之前講過我已經單身，但大家都唔信！」對於盛傳與鄭中基已婚，阿Sa沒承認也沒否認：「我哋已經分咗手一段時間，我咁講係唔想各種各樣嘅猜測去破壞我同佢嘅美好回憶，呢啲係我同佢嘅事！」更拒回應鄭中基有否求婚，只強調自己沒有結婚打算。

拍拖6年的「Sa基」，最後分手收場。資料圖片



失戀的鄭中基攬着「如花」李健仁，面露悲傷表情。



鄧麗欣、梁詠琪、鄭中基及劉鎮偉到廣州宣傳新片。

另一方面，鄭中基前日到廣州出席電影《越光寶盒》見面派對，一班內地影迷要求他大開金口獻唱，他即席獻唱多首經典國語金曲，而《越》片在全國開畫票房高收900萬元人民幣。

音樂組

高調宣布分手的阿Sa（左），最近與阿嬌籌備下月舉行的演唱會。資料圖片