傅穎（ Theresa）將於書展推出寫真《 About Her》，昨日她在旺角舉行寫真預售卡活動，名額 200張，吸引過百 fans排隊，排頭位的女 fans更買下 6張預售卡。 Theresa派發預售卡和附送的 T恤時，失重心仆向前面的簽名枱，幸得助手相扶，見她撫着手肘呼痛，又尷尬說：「好瘀呀。」

預告半裸

Theresa說：「寫真會有批相係影身體唔同部份，好似玩肢解咁，特別整咗 200張當做預售卡。今次會出 100本限量版附送相機帶， 200本普通版送 T恤。」對於沒法在書展搞簽名會， Theresa覺得可惜，她說：「喺書展搞方便好多，但要尊重大會冇辦法。我本寫真有性感，但唔係低俗、猥瑣同不雅，有輯露背相係着住牛仔裙上身冇着衫，我有歌手形象唔可以唔着衫，但又有只係着 bra嘅相，原本公司唔想出街，但攝影師堅持要用。」　採訪、攝影：魯萍


Theresa派預售卡時失去重心，幸得助手相救。

預告半裸 分體吊癮 傅穎仆住搶客

傅穎昨日為寫真集於鬧市舉行預賣活動，期間混亂之中她差錯腳跌了一下，幸無大礙。她透露將以半裸超性感姿態呈現於寫真集，重申寫真不含低俗、不雅和猥瑣成分，與o靚模劃清界線。

傅穎強調寫真雖性感，但並非刻意賣弄色情。

傅穎（Theresa）昨為即將推出的寫真集舉行預售活動，大批歌迷無懼烈日守候偶像，簽預售卡期間Theresa一度不慎差錯腳跌倒，幸未有弄傷，她還自嘲「好(火羅)」。

預售卡配合寫真肢解概念，她說：「今日派二百個籌，連埋T恤嘅，每張預售卡都唔同，係寫真入面嘅相，上身、下身都有。」

將為散文集殺入書展開簽名會的Theresa，會否應歌迷要求同時為寫真簽名？她說：「我梗係好想簽啦，但會尊重大會，其實嚟緊廿五日都有個寫真集簽名會兼新歌發布。」Theresa尊重大會的決定，事實她的寫真確有性感內容：「有一輯係淨係着住短牛仔裙，上身冇着。（前定後o架？）後面啫！我始終有歌手形象，唔可以去到唔着。」Theresa又透露日本攝影師米原康正挑選其超性感造型放在寫真內，有一張戴bra的正面相，問到是否因此入不到書展？她說：「冇所謂，我承認係有性感，但唔係低俗、不雅同猥瑣，比較出面嘅OK啦。」

傅穎於預售會上仆了一仆，助手即出手相扶。

有大班粉絲烈日下支持，傅穎揮手致謝。

鄧麗欣跳火辣性感舞，之前捱餓保持苗條。

鄧麗欣十月擺酒

Theresa出寫真，死敵鄧麗欣卻抗拒性感，前晚她在《明愛暖萬心》與一班女舞蹈員跳火辣辣性感舞，她稱這已是極限。談到有指其緋聞男友方力申因媽咪的契爺、國寶級國畫大師吳冠中逝世，而獲得不少珍藏，鄧麗欣說：「唔知喎，只知佢屋企有收藏畫，但冇話幾多幅，嗰啲係畀佢爹哋啫！（可能傳畀『家嫂』呢？）吓，你哋問佢唔好問我。（你哋十月擺酒？）我十月係擺幾圍……生日酒，你哋到時飲多杯啦。」