香港人就是這樣，鬧歸鬧，但書照睇新聞照煲。你鍾意 o靚模，定鍾意 Normal？答案呼之欲出，否則不會每年甘願拋露事業線的 o靚模越來越多。成功，近年對於肯博肯露的女仔來講好像特別容易，百果園 E神 Dada Chan（陳靜）、浸大 E神 Carol（楊梓瑤）係好例子。為乜？供求問題而已。記者：葉雪芯攝影：陳盛臣
百果園 E神：唔露無 Job做
今年書展禁止 o靚模搞簽名會活動，最無辜便是百果園 E神陳靜（ Dada Chan）：「顧問團都無睇過我哋本書，裏面嘅性感相少之又少， Bikini都係得幾張，都係着有好多布嘅衫。不過後來我哋搵到商場肯借地方俾我哋搞簽名會，所以我唔入書展都無所謂。其實我都讚成禁止 o靚模入書展，因為我都覺得有某部份 o靚模實在太肉酸又無底線。」 Dada的彈出，全靠《蘋果日報》娛樂版的一輯泳裝訪問，說過份性感又未算，全因為當事人身材在視覺上實在太震撼累事。事實上，在這輯訪問前， Dada只是穿過兩次泳裝工作，而且是年多前的事，至於為何突然肯博肯露，不外乎因為錢：「我拍完『百果園』廣告之後，暫時唔可以拍性感比堅尼相，所以隔咗一年左右都唔可以接性感工作。但亦因為咁，突然少咗好多 Job。我身邊有好多 Model朋友只要肯露，真係多好多 Job，見到人哋進步，自己唔郁就等於退步，所以，博呢鋪！我好清楚自己有乜本錢，市場又有呢個需求，我大個女，唔想再局限自己。今次，算是博到最盡了！」錢，有搵多了嗎？「有，多了一倍。我想買樓畀屋企人住。」明言「今鋪一定要得」的 Dada，強調她與其他 o靚模定位不同，雖然行性感，但亦有底線：「我一定唔會影內衣，有些 Pose我係唔會做嘅，就算唔露點，就咁搵張床單遮住三點喺張床度典來典去我都唔得。因為我唔係為搵快錢，我有目標，最想做到一個成功的性感 Icon！其實想拍戲表現自己的演技，條路仲要行好耐。」
幕後人：性感就有人記得 放大圖片 
施念慈
施念慈作為 Dada陳靜的經理人，直言簽了陳靜之後就開始着她行性感：「我簽佢係想 Promote佢，令佢有曝光率、有知名度。其實雙方都好明白賣點是甚麼，影得 Sexy，自然吸引到人注意，起碼大家叫得出陳靜呢個名。」 Dada跑出，很大部份要歸功施念慈，事關所有曝光皆由訪問做起：「趁夏天我幫佢接咗好多訪問，雜誌 Cover、報紙娛樂版等等。訪問方面我都揀得好小心，例如十次訪問要着 Bikini，我只接四、五個，唔想次次露咁多。我想男仔鍾意佢，女仔都鍾意佢，咁娛樂圈條路先可以走得長久。」
1.與陳柏宇合作的百果園廣告，令 Dada打響了名堂，當時形象十分清純，但亦因為廣告要保持這個形象，令她收入和工作量大幅減少，以至今日盡地一煲大晒身材搶回人氣。
放大圖片 
放大圖片 
放大圖片 
2.Dada說，現在大家都叫佢「百果園 E神」，其實她頗喜歡這個名字，因為證明多人記得她的廣告。但她澄清，自己根本無 E Cup，只有 D Cup，可能傳媒想誇張一點，或者與其他人比較，先將她的 Cup數激增。
放大圖片 
3.今次推出的寫真集《 First Impression》無 Sponsor，完全是經理人施念慈自資出錢為煲旗下 o靚模人氣，走的是唯美路線，絕少性感相。4.自從不吝嗇事業線後， Dada的事業的確順風順水了不少，商場 Show接個不停。
放大圖片 
4.自從不吝嗇事業線後， Dada的事業的確順風順水了不少，商場 Show接個不停。
放大圖片 
5.Dada告誡各位想入行的女仔，讀書好重要。她自言讀唔成書，所以早入行，如果還在求學期，就盡量不要裸露，尤其忌掛着學校名。
放大圖片 
6.《蘋果日報》這輯泳裝專訪，是 Dada的事業曙光，令她的人氣即時暴升。但拍照時其實十分驚慌，因為當時肥了很多，怕照片出來的感覺似肉彈。
浸大 E神：絕緣天橋想突圍 放大圖片 
香港女仔好醒目，個個都知自己賣點。一擊即中的，又何止一個？由美少女廚神引到鄭中基眼定定、到家背住「浸大 E神」一名的 Carol（楊梓瑤）正是其中一個：「我當然知道自己的 Selling Point。其實我着衫不嬲都好密實，只係大家總係鍾意將焦點放喺我個胸度。我身材唔夠高，永遠無可能行天橋，要搵辦法突圍。行性感，其實想吸引人注意，咁就多一個機會俾人留意到你。」女仔人家，要過性感這一關，不是易事，她說：「我有擔心過有驚過，當初決定要露事業線，都消化了好一陣子。外面的抨擊聽得多，起初會嬲會介意，唔明白點解外界唔可以睇嘢正面一點。不過家都消化晒，唔會再理。」由動漫節 Game Girl做起， Carol當時一直都只係本住搵外快的心理，直至現在，幾乎半隻腳踏入娛樂圈，想法依舊：「就算有幾多 Job都好，讀書始終係我嘅人生重點。家所有的工作都只係暑期工，我梗知道做 Model做唔到一世，暴露都唔可以露到老，所以讀書係為自己的人生買保險。」
經理人：市場有買有賣
Carol所屬的 Starz People，一直被行內視為正統模特兒公司，以往連泳衣相都唔多讓旗下 Model接，到今日突然博到盡推 Carol影噴血寫真，經理人小津說，只因市場有買有賣：「人人都做，我哋唔做就係自己蝕底。」她續說，「 Starz People係最早推出 o靚模嘅公司，以前 BoBo、 Janice Man、 Niki都係我哋公司出嚟嘅。只不過以前無寫真書展呢個平台，家算係多一個途徑俾佢哋跑出嚟。不過我哋都有底線，就係唔露點！事關內衣、泳裝相都係 Fashion之一，影得靚有美感，我哋就係抱住專業 Model嘅態度嚟工作。」
放大圖片 
7.Carol的寫真，人如其名，《 Huge》，大胸深溝樣樣有齊，噴血度與當年 Chrissie推出的寫真有得揮，食蘋果、陽光沙灘滑浪板等，十分有 Chrissie的影子。她直言，部份 Pose，是睇鹹書學返嚟的。
放大圖片 
放大圖片 
放大圖片 
8.雖說不怕行性感路線，但 Carol亦有擔心過定型問題，現在多數搵佢拍攝的都是泳裝，或者是指定要露事業線。
放大圖片 
9.Carol認為行性感的確令她更易得到知名度，亦是引人注意的一個捷徑，出道不久，已經有得上獎門人玩遊戲。
放大圖片 
10.有辣有唔辣，成名代價就是被狗仔隊跟， Carol開初十萬分唔習慣，更曾經感到唔開心。
放大圖片 
11.Carol完全不介意影內衣照，她更視之為專業模特兒工作。
放大圖片 
12.這個夏天， Carol說接拍了不少泳衣 Job，只要影得靚統統都無問題，她對自己的身材信心滿滿。
2010書展寫真排隊
放大圖片 
Annie G.& Hailey C.《 Love More or Less》$98
放大圖片 
A.Lin& Dada《 Kiss Enough》$98
放大圖片 
Yumi《 Yumi-form》$88
放大圖片 
Donut《 Summer Diary》$88
放大圖片 
Debby等《 inside》$98
放大圖片 
新 8模《 girls look book vol2》$98
放大圖片 
Jessica C.《 Just》$118
放大圖片 
傅穎《 about her》$128
放大圖片 
周秀娜《 Les Vacanccsd'Amour》$128
放大圖片 
Angelababy《 Paradise》$138
代 Cult２：八十前胸評：道德淪亡
講 Model，即時聯想起天橋上的馬詩慧、歐陽妙芝和楊崢，相較時下認不到樣說不出名只靠事業線上位的所謂 o靚模，她們高貴有台型代表專業， o靚模 o靚模，有個「模」字，絕不代表 Model。記者：林佩婷攝影：譚盈傑、楊錦文、陳盛臣鳴謝：銅鑼灣海景酒店（ 3553 2898）、 G Bar（ 2805 0629）楊崢服裝及髮型： Cocktail、 Franco Ng@Private i IFC
馬詩慧：實現我的志願 放大圖片 
馬詩慧
數九十年代香港名模，馬詩慧（ Janet）當之無愧，她作文寫〈我的志願〉就是當 Model， 18歲入讀模特兒學校展開天橋生涯，初出道烏龍也不少，「第一個 Job係個 Hair show，無錢只得剪髮 Coupon，我同髮型師講明唔想剪咁短，點知佢剪到邊長邊短，中間仲染成鮮紅色，搞到頭皮都損埋，最後要畀突錢自己整番好個頭；又記得有次做皮草 Show， Dresser唔小心將條裙攝入絲襪頭，搞到成場走光。」做了兩三年大牌子 Show後，她跳出框框，隻身往巴黎試鏡，不夠兩星期就接到五六個 Job，可惜：「可能當年得 18歲，結咗婚習慣依賴人，去到巴黎唔識睇地圖，講法文又溝通唔到，經常錯過 Casting，日日返到酒店淨係識去超市買麪包罐頭，覺得好慘係咁喊，出 Show前一日忍唔住，搭飛機返香港。」
灌輸錯誤觀念
在 Janet心目中， o靚模與真正 Model河水不犯井水，傳媒給她們一個「模」字，並不代表 o靚模是 Model，「靠性感靠青春吸引人唔係錯，不過情況太濫，會畀到其他女仔錯誤觀念，讀唔成書可以靠身材搵食，拍短片扮被人施暴，係唔係有妄想症呀？用呢種方法宣傳真係道德淪亡，」 Janet：「仲話想入書展㖭，接受訪問又前言不對後語，係唔係年紀小就可以亂講嘢？做人唔應該單講外表，要靠內涵同知識，事業線可以 Sell幾耐？至於男仔，記得上年有個小朋友走去買攬枕，我係佢阿媽一定話佢。」她忠告有心入行者要從正途上堂，不可單靠低胸、比堅尼賺快錢，要學懂尊重自己和別人。
放大圖片 
a.07年鄧達智用九龍皇帝曾灶財墨寶設計衣服， Janet穿出藝術感。
放大圖片 
b.97年二女麗嘉出世，張天愛構思這件肚兜，二女哭着與母親出台。
放大圖片 
c.想當年，香港模特兒都以行到 TDC天橋為榮， Janet自是常客。
放大圖片 
d.Janet：「一個 Show要用三日時間，中間好多時間都係等等等，久而久之變得好有耐性。」
放大圖片 
e.往巴黎 Casting， Agent公司替她拍攝的造型照。
歐陽妙芝：參選提升知名度 放大圖片 
歐陽妙芝
歐陽妙芝（ Christine）誤打誤撞入天橋路，她本着做暑期工的心態替當年的雜誌《青春》拍攝青春之星，自此當兼職 Model， 93年簽公司，全家總動員幫手看文件，同期有周汶錡、陳嘉容，當時才正式學行 Catwalk。「上十堂後就接到 Job，成個過程好似有少少發夢，到實戰經驗多咗，慢慢識得點演活一件衫。」經過一段載浮載沉的日子，她想求變，詢問前輩琦琦意見後， 97年參加香港小姐選舉，雖未入三甲但卻帶來意想不到收穫，「選美後知名度大增，即刻打入十大 Model之列，工作量大增，以前做 Model好簡單，唔似家要上電視做訪問，所以嗰陣無做藝人，只做 Model。」98年，她單身往米蘭自薦，「當時有走開外國 Show，我想肯定自己條件得唔得，去米蘭幾間公司自薦，最後有一間簽我，公司問我可唔可以即簽即留低，我未有心理準備，因為當時係當去旅行心態，雖然簽唔成，但被人肯定，我都好開心。」
開學校找接班人
除周秀娜和 Angelababy，其他 o靚模 Christine一概不認得：「名模係捱出嚟嘅，以前要紅好難，家只要肯露就有知名度，太易得到未必珍惜，個個比堅尼，打開報紙就寫乜 Cup物 Cup，認樣好難認。呢個情況係傳媒同社會風氣吹捧而成，事業線只係 Gimmick，似爛 Gag，感覺佢哋似陣風，希望唔好再吹落去。」眾多 o靚模中，她對周秀娜最有印象，「朋友開內衣店搵過佢做嘢，話佢好專業，佢係咁多 o靚模當中最有智慧嘅一個，有自己目標理想，自己都係做人阿媽，如果我個女咁做，我會好擔心。」以前，專業 Model最少 178cm高，有專業操守，會對件衫負責任，「 Model工作係 Team Work，家啲 o靚模遲一粒鐘可以當無事， Dresser幫手換衫，佢哋態度好差。」 06年，她和星級化妝師 Gary合作開化妝模特兒學校，為的就是希望尋找接班人，兼防止女孩子被騙。
放大圖片 
f.開化妝模特兒學校，希望培育人才和接班人。
放大圖片 
g.19歲打敗過百參加者拍攝第一個護膚品廣告，她笑說：「當年連眉毛都未懂拔！」
放大圖片 
h.Christine簽 Agent後第一輯造型照（上右一），同期還有陳嘉容（最下）和周汶錡（上左一）。
放大圖片 
i.為貝沙灣樓盤做 Body Model，首次見背不見樣。
放大圖片 
j.96年貼假光頭做 Show，她說：「我大汗，頭套焗到成個頭濕晒，超辛苦。」
放大圖片 
k.97年參選香港小姐入五強，令其知名度大增，隨即打入香港十大 Model行列。
楊崢：我把握機會 放大圖片 
楊崢
95年參加 Elite Model Look大賽奪冠，大學畢業後到紐約發展三年再回流，楊崢（ Vanessa）坦言沒刻意製造機會，只是懂得把握機會：「由接第一個 Job開始，行內人已經話我唔似新人，去紐約，全因設計師 Vivienne Tam邀請我行 Show，喺當地發展，自自然然就留低搞 Visa，簽當時第二大經埋人公司 Ford。」其他人費盡心機也未能穩站模特兒界一席，她抱平常心兼不斷自我增值如學法文，令她變成香港名模，「喺香港邊讀書邊做嘢，理所當然；去到紐約，工作最大推動力唔係錢，係同有世界級水準嘅人合作嗰種滿足感同經驗。」
靠性感搶版面
八十前的一眾 Model，高高在上有氣質， Vanessa說現在當模特兒的界線變得模糊了：「好似乜人都得，」相比真正 Model和 o靚模，她有此妙論：「無得比，蘋果同橙點比？每樣嘢都有需求，家情況失控，係因為傳媒渲染，又不幸地有讀者鍾意，關係好似雞同雞蛋，好難去怪邊個。我哋以前做 Model，喺香港有知名度後就要去倫敦、巴黎行 Show吸收經驗，家會咁做嘅人真係好少。」她也替 o靚模不值：「睇睇雜誌用嘅字眼好似『事業線』，對女性幾侮辱，至於班 o靚模，可能有部份根本唔想賣弄身材，係經理人要求，無奈喺呢個漩渦迷失。佢哋客觀條件未必做到藝人，惟有靠性感搶版面，隨波逐流最後返唔到轉頭。其實，如果佢哋將定位放喺水着，條路會易行啲，家定位唔清晰先搞成咁，我相信新一代 o靚模，都唔係個個想賣弄 Cup數。」
放大圖片 
l.99年行巴黎 Hermè s Show，由化妝 Set頭到着衫都受頂級設計師 Martin Margiela貼心照顧。
放大圖片 
m.00年身在澳洲，她被 Chanel急召往東京行 Show，「話無我唔得，當時緊接混血名模 Devon Aoki出場，我覺得地位受到肯定。」
放大圖片 
o.除幫 Chanel行 Show，還拍過該品牌的化妝品廣告。
放大圖片 
p.在澳洲時裝節相遇 Cate Blanchett，對方盛讚 Vanessa表現。
放大圖片 
n.95年於 Elite Model Look比賽奪得冠軍，邊當大學生邊當模特兒。
放大圖片 
q.02年她搖身一變成作家，出版首本生活情感雜寫《二千五百五十五天》。
放大圖片 
r.當年接受 Vivienne Tam（中）邀請到紐約工作，隨即在當地發展三年。
專業人士評 o靚模
觀乎現時對 o靚模的評價，似乎彈多過讚，至於和正統 Model有密切關係的設計師和形象設計師，也認為不應將兩者比較，亦不介意和 o靚模合作。
放大圖片 
陳刀：「兩者無得比較，正統 Model有氣質， o靚模無咁好身材，但有青春活力，屬於唔同範疇，負面新聞多可以當宣傳，啱用嘅話，我都可能搵 o靚模幫手。」
放大圖片 
鄧達智：「兩邊工種唔同，以 Janet作標準嘅 Model，要求高水平，同正常人有距離； o靚模樣子身材靠近正常人，宅男電車男可以埋身，少壓迫感。我對 o靚模無乜反感，唔同時代唔同要求，有供有求只係市場需要，啱用我都會用。」
放大圖片 
Celia Wong：「青春活潑無乜唔好，可以當預備 Model用，有機會照合作，但唔可以同專業去比。我覺得開頭係 OK，但家太濫，唔夠 5呎 5吋又叫 o靚模，有啲 o靚模根本符合唔到質素。」 
歐陽妙芝
留言列表
