貪靚嘅栢芝，飛上海出席南方寢飾代言活動着住 5吋高踭鞋同斜膊黑色連身裙，成功遮掩未 top fit嘅身形，而手上攞住徐濠縈代理嘅 Tata Baby Print手袋，唔使 3,000蚊貨仔，不過勝在夠潮。《蘋果日報》圖片
封面
坐唔足月谷奶胸痛 栢芝養和通乳腺
2010年07月14日
5月 30歲張栢芝為老公霆鋒誕下二少爺 Quintus，開刀生 7.7磅 BB的栢芝亦暴肥 40磅，靚女變肥師奶已經 hurt，為賺奶粉錢，早輪更同大少 Lucas去上海幫星爺合唱動畫電影《長江 7號愛地球》主題曲同出席發布會，下年正式復出拍爾冬陞新戲，與梁朝偉演悲劇男女。
生肥 B事業又再奮鬥固然開心，但栢芝去上海前，曾因乳腺閉塞令胸部谷奶劇痛而秘密入養和醫院。湊兩個 B、又要做好謝家新抱搵奶粉錢，辛苦晒呀！
栢芝養胎期間，奶奶拉姑狂燉補品畀新抱栢芝，結果幾個月暴肥 40磅，大咗半個碼嘅佢，坐月期間每次偷雞外出，都要全身包到冚，免肥腫樣曝光。
孖實老公
霆鋒長期於大陸拍電影，栢芝上月趁住去上海宣傳星爺新戲時，專程飛到浙江橫店片場探拍緊《財神客棧》新戲的霆鋒。
為孖 B仆命
栢芝超錫 2個仔，為咗賺奶粉錢，就算未坐完月已經地獄式減肥，為復出鋪路。
秘入養和
栢芝餵 Quintus食人奶時，不慎被寶貝仔啜損乳頭發炎令乳腺閉塞，佢上月 13日出發往上海工作前，曾秘密入養和婦產病房留醫一晚。《蘋果日報》圖片
壓力減奶
谷到痛呀！設計對白
女性乳房通常有 15-20個乳葉，分泌乳汁後經乳腺管流出，一但乳腺管閉塞，便會出現谷奶情況，嚴重可能會收乳令 B冇奶飲。
家庭醫生關嘉美
壓力的確會影響媽媽分泌人奶，如果 BB食人奶時唔小心啜損乳頭，引致發炎，就會令乳腺閉塞，出現谷奶胸痛，治療方法好簡單，食消炎藥就得嘞。
燕窩餵新抱
拉姑錫到新抱栢芝燶，佗住二少 Quintus時，拉姑每日燉燕窩同補湯畀栢芝補身，又叫菲傭（左圖）送豬腳薑畀新抱食。
坐完月即飛
上月 12日，一坐完月嘅栢芝，即使仲有少少肥仍要帶住 Lucas飛上海出席星爺部動畫《長江 7號愛地球》發布會，可能栢芝嫌自己未夠 fit，着住黑色西裝褸遮住手臂，發布會上佢亦表示：「現在仍積極減肥，除了游泳、跑步做運動外，太油、太甜的食物都不能進食，這個減肥過程是非常辛苦。」
坐月四圍騰
香港︰ 21/5食麥記
5月 12日誕下 Quintus唔夠 10日，栢芝就忍唔住出街買麥當勞，減肥辛苦，閒時都要獎勵吓自己。《忽然 1周》圖片
7/6油指甲
坐月 25日，栢芝又去銅鑼灣利舞臺美甲扮靚靚。《蘋果日報》圖片
上海︰ 13/6唱動畫歌
栢芝帶住 Lucas去上海出席《長》片動畫發布會，塊面圓碌碌仍識賣晒口乖話只收 1蚊歌酬，氹到星爺鬼咁開心。《忽然 1周》圖片
28/6做寢具宣傳
兩週後栢芝再飛到上海出席南方寢飾代言活動，生 B後一個月已經要四圍飛。《蘋果日報》圖片
啜損乳頭
靚媽減肥有壓力，雖然栢芝發布會上又同 Lucas玩又笑容滿面，但據知就在飛上海前，栢芝胸部出現劇痛而秘密入養和婦產科求診。
栢芝身邊人透露：「栢芝向來知道人奶對囝囝健康，所以由 Lucas出世到細佬 Quintus，栢芝都堅持餵人奶，可能 Quintus肉緊得滯啦，啜損咗栢芝乳頭，引致發炎而令乳腺閉塞，搞到栢芝谷奶谷到個胸超痛，其實栢芝向來好小心，平日就算經痛都會去養和睇醫生，今次乳腺塞咗，栢芝最怕囝囝冇奶食，梗係要入院通乳腺啦！」
Quintus一出世，栢芝已地獄式減磅同安排復出接廣告兼拍戲。「栢芝好貪靚，生 Quintus肥咗咁多，所以生完 B冇耐，唔理坐足月未，栢芝就開始日日做運動、游水跑步冇停過，其實佢一直有戲癮心思思復出，咁啱爾冬陞搵佢，栢芝知道對手仲係偉仔梗係應承啦，不過栢芝話一定要以最好狀態出鏡，所以搞到佢好大壓力囉！」
兩件化骨龍等住餵，霆鋒一支公又確係幾難頂嘅！
起樂園哄 B
其實喺佗住 Quintus嘅時候，栢芝已經同霆鋒計劃喺舂坎角大屋內加建多一間 BB房，細仔緊要、大仔一樣要關心，據知霆鋒更打算喺三千呎豪宅內加建桌球室和卡拉 OK房，實行將豪宅變樂園， Lucas唱 K都唔使出去用公家咪，名副其實錫 B錫到燶，栢芝仲話當 Lucas喺身邊時，唔會花太多時間喺 Quintus身上，免得 Lucas呷醋咁話！有呢個廿四孝媽咪， Lucas應該可以大方啲！
喺舂坎角 3,000呎大屋內，淨係 Lucas間房已經 300呎，加埋二少爺 Quintus嘅新房，相信好快變成兒童樂園！
$6,590沖涼櫃
栢芝對 BB用品一向好講究， Lucas係潮童， Quintus個價值$6,590嘅沖涼櫃亦唔嘢小， Quintus長大後更可移走層板變成書枱。《蘋果日報》圖片
$150制服 B
栢芝愛百變，亦幫 Quintus整咗套警察 cosplay套裝， 150蚊貨仔勝在 kawaii！《蘋果日報》圖片
淫照手尾長
陳冠希口輕輕話淫照對佢「已經冇影響！」，你就全程投入新事業，可惜栢芝就大把手尾跟，最近內地有報道指從事針織及內衣生意的浪莎集團正式向張栢芝提出訴訟，指 08年張栢芝擔任其代言人後，隨即爆單淫照事件，令公司蒙受巨大損失，已入稟金華市中級人民法院，向栢芝索償 4,150萬。栢芝助手 Emily就話事件已交由律師處理。冇影響？講咩！
嘔凸 3,000萬
08年收 900萬做浪莎集團絲襪代言人嘅栢芝，因為淫照家反被人追討超過 4,150萬，唔知栢芝又可唔可以問陳冠希攞番呢？網上圖片
陳冠希︰件事對我已經冇影響！(真實對白)
栢芝主力幫浪莎集團 sell絲襪，喺淫照事件未爆前，栢芝代言嘅浪莎襪業廣告亦曾於全國播放，雖然娘味甚濃，但勝在 show盡美腿，段片家仲可喺 YouTube打入「張栢芝、浪莎」搵到。
大 S頂替
浪莎集團成立於 1995年，旗下浪莎襪業主力做絲襪及內衣銷售， 04年被中國評定為「中國名牌」。 08年淫照事件發生後，該集團於 6月另覓大 S（徐熙媛）做浪莎襪業代言人，大 S更只收 700萬。
張柏芝坐月不足母乳少 胸脹劇痛入醫院求診
2010年5月30歲的張柏芝爲老公霆鋒誕下二少爺Quintus，開刀生7斤重BB的張柏芝亦暴肥36斤，靓女變成肥師奶，爲賺奶粉錢，早前更同大兒子Lucas去上海幫周星馳合唱動畫電影《長江7號愛地球》主題曲同出席發布會，下月正式複出拍爾冬升新戲，與梁朝偉演悲劇男女。
生兒子事業又再奮鬥固然開心，但張柏芝去上海前曾因乳腺閉塞令胸部漲奶劇痛而秘密進養和醫院求診。照顧兩個兒子、又要做好謝家媳婦同賺奶粉錢，張柏芝十分辛苦呀！
留言列表
