「幾好喎！我都唔介意」周秀娜樂被富商包
其他娛樂名人影片

周秀娜（ Chrissie）噚日帶住新 8模 Hidy、 Suki、 Vibeke、 Betrys、 Rika、 Mia、 Jeana、 Hazel喺銅鑼灣行內衣騷， Chrissie果然有大師姐風範，做壓軸嘉賓兼只係着住件 push up bra加條牛仔短褲行出場擺幾個甫士就收工，但 8模着完內衣又騷 see through睡衣換足 4套衫兼跳晒舞，都係收 6位數字酬金，仲要 8個人分，真係同人唔同命。

放大圖片

Hidy着住件透視睡衣，見埋條 T-back底褲，真係博到盡。

放大圖片

Suki（左）同 Vibeke着內衣行騷，睇嚟青春活潑，迷死唔少宅男。

胸口紅咗撻撻

Hidy着嗰件 see through睡衣入面仲着咗條 T-back底褲，相比之下 Chrissie錫身好多，點知佢話：「個客要求我咁着，我都有着底褲，只係大家睇唔到。」唔知 Chrissie男友鍾意佢着乜款嘅內衣，定係乜都唔着最好呢？ Chrissie話：「點可能唔着呀，我着乜佢都鍾意。」講講吓見到佢個胸口紅咗一撻撻， Chrissie就抵死咁講：「做運動多操勞得滯。」嘩！個胸做乜運動？ Chrissie：「做 gym囉！」人紅是非多，有雜誌報道話有富商出百萬包起 Chrissie本寫真嘅宣傳費， Chrissie聽到就話：「幾好喎！我都唔介意，不過都冇呢回事，話有富商都講咗好耐，都冇出現過，真係出現先算啦！」另外， 8模就抬舉師姐 Chrissie係全場最性感嘅一個喎。


周秀娜話如果真有富商投資百萬畀佢本寫真集做宣傳費都唔錯喎！

周秀娜送神秘貼身物冧仔

周秀娜昨日率領新八模「胸」降銅鑼灣行內衣騷，最近有傳獲富豪睇中的她，火速向男友派定心丸，更送貼身物給對方，誓言感情未變！





周秀娜（左一）身價水漲船高，高難度甫士就留給師妹擺！

向男友派定心丸

周秀娜（Chrissie）昨日為《bla bla bra Fun & Sexy》壓軸出場，身穿內衣配短褲的她，勁谷事業線搶鏡！師妹新八模則由商場１樓行落大堂，再換上內衣褲行騷，吸引近百宅男捧場，逼爆商場！問到會否擔心被對準重要部位影相？Chrissie說：「冇辦法，控制唔到！」未知是否咪咪敏感，其心口出現紅印，她說：「成日都敏感！（太操勞？）可能因為夏天，做得運動多，做Gym咋！」

大合照時，周秀娜企正中間，地位不言而喻。



周秀娜與男友Avis

去年已傳出被富豪睇中的Chrissie，近日又傳出有內地富豪花百萬元包起其寫真集的內地版權，並將以海陸空三路造勢，惟她否認傳聞：「佢幾時出現？咁幾好喎！如果真係都唔介意！（有冇接觸過富豪？）從來冇呢件事，冇聽過！（如果富豪話要包你？）唔會，講咗咁耐都冇出現過！（接唔接受追求？）冇諗過！（向男友派定心丸？）我唔會變！」

周秀娜內衣出巡峰魔宅男

性感女神周秀娜（Chrissie）昨日率領新八模玩轉商場內衣騷，吸引近百宅男舉機狂影，壓軸出場的Chrissie被傳有富豪睇中，她即向男友派定心丸；至於新八模為求搶鏡，大擺胸貼胸、趷籮和扮咀甫士，更穿透視內衣由一樓落大堂出巡！

周秀娜穿上粉紅Bra外配熱褲，洶湧身段令她成為焦點。

距離寫真戰尚有一周，o靚模大混戰逐步升溫，周秀娜（Chrissie）昨日聯同師妹新八模成員Betrys（江怡）、Mia（陳靜儀）、Hazel（徐熙素）、Hidy（余曉彤）、Jeana（何佩瑜）、Suki（黃雪瑩）、Rika（王麗嘉）和Vibeke（馬卓靈），在商場參與Bla bla bra內衣騷，場面幕幕火辣，吸引近百名宅男捧場！新八模先由商場一樓行落大堂，沿途被宅男喪影，Chrissie則以粉紅色bra壓軸出場，雖然她「錫身」穿上短褲，但強勁事業線仍力壓一眾師妹！

否認接觸富豪

近日狂谷寫真集的Chrissie，被傳獲內地富豪睇中買起新書的內地版權，並花逾百萬為她作海陸空宣傳，Chrissie聞言說：「佢幾時出現？咁幾好喎，如果係真我唔介意，（如果富豪話要包你？）唔會，講咗咁耐都冇出現過，（追你接唔接受？）冇諗過，（向男友派定心丸？）我唔會變。」對男友從一而終，Chrissie賣口乖表示會買內褲給男友，問男友喜歡她穿甚麼內衣，她說：「佢咩都鍾意。（唔着最鍾意？）吓，我唔知呀，點可以唔着呢！我覺得bra係女仔貼身衣物，我自己鍾意喱士，（色誘男友？）呢啲唔好講啦，（男友陪買bra？）未試過，佢唔係好熟悉。自己喺第二度見到得意貼身用品會送畀佢。」現場見Chrissie心口紅卜卜，問她是否敏感？她說：「成日都敏感，（太操勞？）可能因為夏天，做得運動多，做gym咋！」

新八模在商場一樓向人群揮手後，徐徐步行到大堂上演內衣騷。

周秀娜率新八模玩轉商場，當眾上演內衣騷。

拿着球拍的Suki，一身sporty味道。

Vibeke小小一個動作即可愛滿分！

Hidy嘟起小嘴拿足球當道具，盡展活潑可愛一面。

新八模穿上透視內衣跳舞，辣在場宅男。

今年望可買樓

Chrissie又表示今次行騷酬勞十分滿意，問她穿短褲是否嫌酬勞少？她說：「其實係跟番個客要求，本身我都着咗喺入面，不過大家睇唔到啫！」提到她成為世界盃出騷王，她說：「好開心，但個數就多謝大家抬舉喇！（賺咗幾位數？）非常滿意，夠畀首期囉！（買貝沙灣？）咁誇張！希望今年可以達成買樓願望啦！（有傳明年嫁人？）咁快？佢未向我求婚喎，嫁唔出，我雖然都憧憬結婚，但暫時未。」

搵銀至上暫停內訌 Jeana搵師姐做擋箭牌

早前傳出內訌的新八模，昨日有錢齊齊搵出席內衣騷，眾女表示今次酬勞有六位數字，問到是否每人有六位數時，八女說：「大概啦！（將來會否更性感演出？）畀件衫我哋睇吓先，暫時呢個係底線。」

新八模的Hazel（左）與Jeana為求搶鏡大擺趷籮甫士。

至於在商場內出巡行騷，她們表示不尷尬，更覺得好好玩，成員Jeana（何佩瑜）表示花了一小時來做足防走光措施，問她們在後台換內衣，會否玉帛相見？她們說：「睇慣咗，成日都睇架啦，（邊個身材最好？）各有各好，Chrissie最好。」提到Chrissie可穿短褲行騷，問她會否覺得不公平？她說：「唔覺，佢條褲都好短，個show個個有份做，以唔同style突出自己，（佢只係行一圈就得喎！）咁我哋咪當多啲宣傳自己，多啲曝光率囉！」完騷後，新八模拉隊去澳門睇Usher，同場則有Angelababy。

o靚模頂爛市？ 陳敏之：大家巿場唔同

o靚模大量湧現，加上酬勞較低又積極露肉，令原本接開泳衣、內衣騷的女星大受影響，未知一眾無綫小花又點睇？

陳敏之身材勻稱，向來是各大泳衣騷的常客。

陳敏之：「我本身唔係模特兒，係演員，冇佢哋咁多機會做呢啲嘢，對我影響不大，搵得我做嘅嘢未必會搵佢哋，搵佢哋嘅job又未必適合我做，大家市場唔同囉！」

梁政珏

梁政珏：「我唔會有咁嘅勇氣，之前着泳衣出席活動下身都有裙仔，內衣褲見人就更加唔使講。秋生之前批評佢哋有佢嘅道理，不過譚校長又講得好啱，佢哋搵錢都好艱難。」

呂慧儀：「我唔知佢哋收開咩價，頂唔頂爛市好難講，咁TVB就梗係有個靚價啦，（接受到着內衣褲宣傳嗎？）都唔關着咩嘅問題，係要睇吓乜類型活動同埋配唔配合自己囉！」

內衣騷‧模價

模特兒為內衣代言、拍硬照廣告或行騷，要美好身段又要膽識，故酬勞較一般廣告為高，如人氣潮模周秀娜行一次內衣騷便穩袋15萬，認真和味！

周秀娜

周秀娜：工作不斷的周秀娜，昨日身穿噴血內衣行騷，身價約為15萬，豬籠入水。

新八模：新八模行內衣騷，各人收約4萬元酬勞，八女合共賺逾30多萬。

林莉：由港姐出身轉戰模界的林莉，行內衣騷的身價為10萬。

Jessica C.

JC：憑「警鐘胸」響朵的Jessica C.（JC），獲內衣品牌Wacoal邀任代言人，行騷、拍硬照及出席宣傳活動等全包價約60萬。

李毓芬：台模李毓芬豐滿的32C上圍，帶挈她成為內衣品牌黛安芬「蝴蝶美型」系列的代言人，連行騷拍照等全包價約50萬。

心口掛勇 鬧市露肉

圈中不少模特兒為谷宣傳，懶理在鬧市或公眾場合露肉，往往搏到盡性感行先，成為焦點。

尹蓁晞

李毓芬

今年三月，台模李毓芬以性感的「遮前露後」tube top出席時裝品牌活動，大晒白滑背部，同場的Juno更即場在她的背部簽名。

李毓芬

尹蓁晞

去年十一月尹蓁晞身穿性感谷胸透視短裙出席代言活動，更坐大型花轎由四位肌肉男抬進場，大晒事業線。

椋名凜

椋名凜

椋名凜去年五月半裸上陣為時裝店擔任模特兒，戴上隱形胸圍的她只用雙手護胸，奇峰「凸」出令在場賓客看得熱血沸騰。