震蛋 80後網上呻吟女：震蛋勿內用八十前出位 DJ 余迪偉：我敢玩敢認－明星靚相大分享☆

80後網上呻吟女：震蛋勿內用

成日話香港人保守，對性避之則吉，提到性玩具更避如蛇蠍。但近日紅爆的成人台主持 Vienna及年輕性用品店老闆就話，其實他們一點都不保守， 80後至愛性玩具係袖珍可愛，隨時拎得出街，隨時玩。記者：林佩婷攝影：楊錦文、王文忠

一切由㩒錯台開始

憑現場演繹叫床聲和含手指扮口交於 YouTube爆紅的 now903成人極品台主持 Vienna Lin，以講性事大膽出位，堪稱新一代成人主持。從 16歲開始已接觸性用品如震蛋，她認為是性愛中的輔助工具，「嗰陣家中安咗有線任你㩒，小學三年級唔小心㩒到 AV片睇，知道係大人做嘅嘢，之後就對呢啲嘢唔抗拒又好好奇。之後經常睇 AV、有關兩性關係嘅書嚟學習呢啲知識，尤其係台灣將美國嗰啲教兩性相處嘅書繙譯做中文，令我對性好有興趣，例如冲凉時射到某啲位會好有感覺、好興奮，慢慢開始研究自己身體成熟特徵。 16歲第一次性經驗後，因為啲書話用性用品會好舒服，好想了解吓點用，就叫男友買隻震蛋返嚟，個感覺超興奮。不過就係因為用咗之後，先發覺睇文字書好啲； AV講到好舒服或好玩易用，只係拍出嚟好睇，實際上好唔同，自己用未必咁舒服。」

放大圖片

放大圖片
■ Vienna做主持教人叫床及口技， YouTube三條片累積過百萬點擊率， YouTube一路 block網民一路鋪。

■ Vienna做主持教人叫床及口技， YouTube三條片累積過百萬點擊率， YouTube一路 block網民一路鋪。

男友玩到出神入化放大圖片
■唔知手上拎緊係咩，幾經解釋先知係陽具環。

■唔知手上拎緊係咩，幾經解釋先知係陽具環。

每次看中性用品， Vienna都會要求男友買回來，第一次買的就是震蛋，還一玩上癮。交過十個男友的她，說現任男友技巧最好。「買嗰啲震蛋都係放喺外面會陰，玩嗰陣好刺激，但感覺好怪，覺得好似全身痹晒會抽筋咁。至於話邊個技巧最好，當然係家呢個。佢對呢方面好熟悉，曾經試過用震蛋將陰部會陰拉大放在頂端，一搞就令到我潮吹。亦有試過一次玩箍口，感覺好有虐待 feel，男友好有快感，我就覺得個口有啲痛。可能我唔係 M（編按： Sadism& Masochism的後者，即被虐待者）無咁好 feel，所以只係玩咗一次，之後佢提議綁頸我都無試。我自己一個都有用過按摩棒，雖然都好舒服，但震蛋可以同男朋友一齊玩，更有情趣。」不過她說不是每一個男友都喜歡用性玩具，十個裏面只有約三個會用。「有啲男朋友接受唔到，好似曾經有個基督徒男友，同佢拍咗半年後提議用，佢反應超激動係咁鬧，話覺得感覺好 Dirty，要用呢啲對佢係侮辱，嗰刻聽到我呆咗無出聲。咁佢咁堅決我當然唔會逼，我諗當時情況唔多唔少都有影響感情，最後我哋拍咗三年拖分手。」

性用品咪內用放大圖片
■ Vienna話今次係第一次嚟性用品店，佢話覺得日本吹氣娃娃好靚。

■ Vienna話今次係第一次嚟性用品店，佢話覺得日本吹氣娃娃好靚。

看似大膽敢言的 Vienna，除了 24歲在日本逛過非常簡陋的超市性用品區外，想不到今次訪問是第一次走入性商品店，原因是怕被性騷擾。「最記得近 10歲嗰年，喺太古城被變態佬掩口除埋底褲，好彩嗰陣有人經過，嗰個人驚到逃走咗，自此對某啲地方好有戒心。好似性用品店咁，感覺好似好多男人入去，所以一路都無勇氣，好驚入到去會遇到猥瑣佬。到家有人認得我，想去又唔方便。」對於使用震蛋或其他性用品，她有一個原則，就是堅決唔會放入去。「其實最有反應係放會陰，入咗去無反應唔舒服，好似其他假狗嗰啲唔夠膽用，萬一傷到裏面或者整鬆咗咪弊?!而且用嗰陣要小心咪過度，咁對身體唔好，最重要係對健康唔好嘅話就唔好做。至於後面好似放 Pat Pat嘅珠形用具就真係唔夠膽，因為後面用嚟排泄，鬆咗咪好易瀨?!一陣喺條街度瀨點算?!所以講到尾我都係鍾意震蛋。」

放大圖片
■滑鼠形配靜音設計的陰蒂按摩器。$698

■滑鼠形配靜音設計的陰蒂按摩器。$698

放大圖片
■超輕巧按摩棒，流線外形前後可用，最啱男女朋友一齊玩。$848

■超輕巧按摩棒，流線外形前後可用，最啱男女朋友一齊玩。$848

放大圖片
■最初唔知飛機杯係咩，打開看用手撩還有潤滑劑，覺得好新奇！

■最初唔知飛機杯係咩，打開看用手撩還有潤滑劑，覺得好新奇！

放大圖片
■完全唔敢用後庭用品，話驚整鬆咗會周圍瀨。

■完全唔敢用後庭用品，話驚整鬆咗會周圍瀨。

放大圖片
■至愛震蛋的她在研究可收陰的陰道震震球。$187

■至愛震蛋的她在研究可收陰的陰道震震球。$187

放大圖片
■對住個按摩棒盒，第一時間就話諗起 PSP的包裝。

■對住個按摩棒盒，第一時間就話諗起 PSP的包裝。

場地及貨品： Loveshop（http://www.loveshop.hk/）

搞性生意變招做禮物放大圖片
■店長推介震蛋時，始終不願上鏡。

■店長推介震蛋時，始終不願上鏡。

04年三個年輕人資金有限但夢想創業，最後想到找平租位置偏僻舖面搞生意的話，做成人或情趣用品效果可能不錯。為了這個夢想， Ben和 Lucas決定實地考察。「上網睇無咩結論，呢行又搵唔到文獻得啲花邊新聞，最後決定親自上其他店考察仲實際。」視察完還要想方法入貨，由於這行較冷門，他們經網站、朋友介紹外，更抄下批發商的資料自己摸索，但都撞板。「當時定位係唔賣藥物，風險自然減低；主打賣避孕套，諗法係呢樣嘢男女必需，若果每人都買一個避孕套就好啦！點知個反應唔係自己想像中咁，惟有當交學費。」元朗總店位置偏僻，生意額不上不落，雖然話大家都有正職只想試新嘢無諗住賺錢，甚至有朋友因他們做這盤生意而疏遠，但都無理由中途放棄，最後想到用送禮作宣傳。「當時文化接受程度唔高，好彩我哋想法好靈活，就試將呢樣嘢變成禮品概念，其中一個講法叫『搞鬼禮物』，雖然不文但唔意淫，令受眾擴大。加上啲人發現角落有間店搞咁耐都未執笠，自然有興趣去望吓。」

地鐵交收多多趣放大圖片
■店內的生意為網上購買，最多郵寄或於地鐵站交收。

■店內的生意為網上購買，最多郵寄或於地鐵站交收。

捱了半年生意有起色，就開始做埋網上生意，現時和店舖比例為 7:3。除設郵寄外，最常還是到地鐵站交收。「好多時喺地鐵站唔會拎出來驗貨，但有啲客堅持要驗，我哋就會事前入好晒電、拎定啲高身膠袋，甚至入廁所驗貨。有時聽番啲客講都有好多好笑嘢，好似 check好貨後話啲電照擺直接拎走，搭車嗰陣唔小心開咗個掣係咁震，佢又唔敢拎出嚟 off，點知隔籬有人拍佢提佢個電話震咗好耐，叫佢聽電話，超爆笑！又試過同一場合有兩套同牌子同系列的遙控震蛋， A情侶一開震埋 B情侶嗰邊，對方仲唔知點解自己嗰個會震。」

80後愛小玩意

由最初唔識答，到後嚟試用部份產品，再問番用家意見，了解到性用品其實係一種輔助工具，可以提升情趣，看法漸漸變得正面。「之前對性用品無咩概念，客人落嚟問嗰陣口啞啞，好似 SM用具、男士前列腺產品等，所以不如自己拎啲貨試用吓咩感覺，好似飛機杯、避孕套等。後來更預備個浪漫氣氛環境跟女友或太太試用，感覺都唔錯，同客人講番就更客觀。」現時他們的生意叫做上了軌道，剛在旺角開了第二間分店，他說客戶年齡層主要介乎 25-35歲，買的都以細小產品為主。「年輕人鍾意啲細細件的貨品，好似遙控震蛋、袖珍電動震盪器同潤滑劑等。為咗迎合買禮物一群，外形都變得可愛同得意，咁就更受 80後歡迎。」

最好賣 Top3

放大圖片
■第一位是雙蛋連控制器，可上下前後使用，一次過刺激多個部位，兩個女仔都用得。$68

■第一位是雙蛋連控制器，可上下前後使用，一次過刺激多個部位，兩個女仔都用得。$68

放大圖片
■第二位是迷你遙控蛋，接受範圍約 6米。$180

■第二位是迷你遙控蛋，接受範圍約 6米。$180

放大圖片
■第三位是 3D凸點加強安全套，增加女性刺激點。$88

■第三位是 3D凸點加強安全套，增加女性刺激點。$88

熱賣禮物裝

放大圖片
■似足粟米的按摩棒$135

■似足粟米的按摩棒$135

放大圖片
■按摩棒上寫明「生日快樂」，好有心思。$100

■按摩棒上寫明「生日快樂」，好有心思。$100

放大圖片
■ Hello Kitty按摩棒$145

■ Hello Kitty按摩棒$145

放大圖片
■唇膏造型震蛋$50

■唇膏造型震蛋$50

放大圖片
■各款生果造型的按摩器，外表為海綿包圍，裏面為震動按摩器，可邊冲凉邊震。啤梨$108、士多啤梨$110

■各款生果造型的按摩器，外表為海綿包圍，裏面為震動按摩器，可邊冲凉邊震。啤梨$108、士多啤梨$110

放大圖片
■特地從日本入口較少見的避孕套以吸引客人。（左至右）冰凉凸點橫紋避孕套$128、夜光避孕套$38、搞笑鬆弛熊圖案避孕套$82

■特地從日本入口較少見的避孕套以吸引客人。（左至右）冰凉凸點橫紋避孕套$128、夜光避孕套$38、搞笑鬆弛熊圖案避孕套$82

愛到底（ 2342 7300）

■ Vienna覺得震蛋外用最能令她產生反應，手拎為新出頸鏈形震蛋。$128

八十前出位 DJ余迪偉：我敢玩敢認

有文獻記載早在戰國時代已有性用品，奈何香港這國際性大都會性風氣依然保守。保守只是外表，不代表香港人不玩性玩具，余迪偉一語道破：「八十前一族，私底下愛用愛玩，但口不會宣揚出來。」記者：林佩婷攝影：王文忠余迪偉髮型及服裝： Marvin Lin@IFC IL COLPO、 CIRCLRS

棄十姑娘用按摩棒

八十前商台 DJ余迪偉做節目一向敢言，中三已經第一次行性商店，「當年行恆豐中心見到間性玩具店，覺得得意想入去逛逛，身邊班同學抗拒，我咪自己行囉，最搞笑係連售貨員都有少少俾我嚇親。」自此，他對性玩具保持正面觀念，視之為性愛輔助工具， 18歲開始把性玩具當禮物送給朋友，反應熱烈，「講真，一對情侶拍拖兩三年，乜都試過唔悶就奇啦。試過有對情侶，男友要去外國公幹，我提議買支蝴蝶形假陽具畀佢女友頂住檔，女友試用完話：『好 OK，頂得住！』我仲送過假陰道、假肛門、吹氣公仔畀朋友，朋友都話好好玩。其實，好多外表老土嘅人都話唔玩，送畀佢哋閂埋門咪一樣照用？」20歲，他開始用按摩棒，好方便空出兩手搜尋其他身體敏感點，「男仔手淫總有一隻手放下面，剩番另一隻手摸乳頭，用按摩棒自動震，就可以空番兩隻手出嚟摸身體其他地方。我朋友每逢聖誕開 Party都送性玩具畀我，曾經生日收過個飛機杯，前面凹落去要自己攪動，生日仲要左攪右攪好嘥力，加上太窄好刮肉，硬係覺得無咁好玩。我又收過手銬同自慰器，亦試過同伴侶玩乳頭夾、綁繩同震盪器，伴侶都 OK接受到，增添到情趣就係 Bonus。」

出書談性事放大圖片
■於書展推出《筆舉直插》，暢談個人性事，希望大眾開放一點，$62。

■於書展推出《筆舉直插》，暢談個人性事，希望大眾開放一點，$62。

兩人拍拖，由拖手、愛撫、接吻到最後正式插入，一切太公式，性玩具是公式過程裏的調劑品，「當然要睇 Partner啱唔啱玩，我鍾意用按摩棒按摩陽具，不過唔知點解通常都係我教人玩，未試過有人主動同我玩。」他不愛玩 SM：「不過卻參加過外國有直有攣嘅 Party，男露陽具女露乳，打晒燈玩 SM，最震撼見到日式綑綁，簡直大開眼界。」每聽到對性玩具的誤解，他會直斥其非：「啲人唔係唔想用，只係唔夠膽買，拎屋企用品代替性玩具，亂插亂玩仲易出事，有護士朋友同我講，年中有唔少男人喺陽具或肛門塞原子筆蓋或電芯，搞到要求醫。我出《筆舉直插》收集故事，都係想大家開放一啲。點解有咁多風化案？部份原因係因為性生活不協調，我聽過個 Case，情侶同居，女友買性玩具玩，男友勁嬲，話女友睇小佢，搞到差啲分手，好低能！性玩具唔一定係假狗，自製 Q-Card大家一齊抽，抽中要做某一種有趣體位，咁都可以叫做性玩具，最緊要係你點去表達，令對方接受到同你一齊玩。」

香港性玩具大王放大圖片
■藍生：「曾一度想過放棄，好彩有太太鼓勵，先繼續做落去。」

■藍生：「曾一度想過放棄，好彩有太太鼓勵，先繼續做落去。」

別以為只有日本或歐洲生產商製作性玩具，香港的藍兆文堪稱本地性玩具大王， 1986年開廠房，自己設計的產品超過 1,500款，九成半貨品銷往世界各地，最初他做玩具起家，機緣巧合才涉足性玩具，「當年定單好多，利潤高。嗰陣一般玩具行業競爭大，性玩具競爭小啲，做耐咗索性自己搞埋設計生產，肥水不流別人田。」當年整個社會對性玩具帶負面觀念，拍檔一年後退股，公司即陷低潮，幸得太太幫手，更從女性角度設計不少女性用產品。「太太做開家庭主婦乜都唔識， Partner退股後佢幫手睇廠，後嚟開始設計產品。以前按摩棒得象牙色，佢設計出光面按摩棒，仲有 12隻色，我以為無人買，將設計草圖隨手掉入 File櫃，點知個客見到，拎番出嚟研究兼落單，一出反應好到不得了，有啲客甚至每隻色買一款，最好賣係紫色。」報道說是他創作吹氣娃娃 Mary，其實類似娃娃早於 1986年前已出現市場，並非他獨創，「我都唔知點解香港人咁鍾意叫佢做 Mary！」他開廠設計的新款吹氣公仔，每個都有不同名字，如肥娃娃 Betty，「 2000年有人問我有無肥公仔，當時覺得好怪，唔要靚女要肥婆？跟住即刻搵攝影公司幫手，照肥女 Model身形製作 Betty，一出賣到斷市。」成功例子多，失敗品也不少，「做過一隻會呻吟嘅公仔，入碟會發聲，初頭諗會好賣得，我搵英國朋友太太幫手錄音，點知完全唔賣得，最後搵到原因，因為好多人玩吹氣公仔都唔想人知。」

放大圖片
■ 2008年澳門性用品展，他對這張十多萬的性愛床感興趣，買了一張放 Office。

■ 2008年澳門性用品展，他對這張十多萬的性愛床感興趣，買了一張放 Office。

放大圖片
■今年 8月於中山開設旗艦店，進一步開拓國內市場。

■今年 8月於中山開設旗艦店，進一步開拓國內市場。

放大圖片

放大圖片
■會議室擺滿公司產品，同事周不時買新產品來創新思維。

■會議室擺滿公司產品，同事周不時買新產品來創新思維。

為工作自卑放大圖片
■工廠工人全為媽媽級，做了 6年的陳女士（右）和 15年的李女士：「最初都有少少怕醜 o架。」

■工廠工人全為媽媽級，做了 6年的陳女士（右）和 15年的李女士：「最初都有少少怕醜 o架。」

每年出產的貨品不計其數，他說：「歐洲人比較鍾意真實影像，香港人唔使太像真。」現時客戶六成是女性，幾十年來最好賣的，是條像真度高甚有質感的假陽具，「按摩器無乜點變，最多係由大變細，以前 9吋長直徑 2吋，家縮小方便攜帶放入手袋。最萬變不離其宗嘅當然係假陽具， 6吋半始終最好賣，當然時代進步，物料變得更安全，質感更像真。」一躍成為性用品生產商龍頭，但多年來他都對自己職業感到自卑：「覺得好醜，我特登印兩款卡片派畀人。」直至六年半前，兒子藍奕邦勸他參加心靈課程，才得到解放。「美國導師叫我自己行出去宣洩，突然問成班同學：『你哋了唔了解父母？知唔知佢哋用乜姿勢做愛？』嗰刻突然醒覺性係私人事，人唔敢講，但每個人都需要，唔使閃閃縮縮。」問將來目標，他定得更遠大：「希望將來中國同香港同胞，買性用品唔覺羞愧，普及程度去到超市、便利店都有得賣。」

放大圖片
■新研發的 Love Machine，造型趣致。