明日會考放榜，莘莘學子難免擔心考試成績。今年將升讀大學的「浸大E神」Carol（楊梓瑤）當年會考原來只得4分，她以自身經歷為應屆會考生打氣。而早前跟曾國祥傳緋聞的o靚模Ivy（蔡瑩瑩）會考獲高達25分，堪稱「o靚模狀元」。

楊梓瑤會考成績差，後來發憤苦讀，終可進身大學。

Carol當年會考只有4分，亦有感到不開心及挫敗感，後來選擇讀副學士先修課程，現可順利升讀大學，主修人文學科。她鼓勵應屆會考生應以平常心面對成績：「考試嘅時候盡咗力，離開試場之後嘅嘢就唔係自己可以控制。所謂『條條大路通羅馬』，總會搵到屬於自己未來嘅方向。」

蔡瑩瑩在會考取得廿五分，堪稱o靚模界的狀元。

做足準備做o靚模

而Ivy考獲25分，她說：「讀書心得就係狂煲Past Paper，一煲就煲十幾廿年，考嘅時候睇份卷就好似全部都識咁。」她亦為應屆會考生打氣：「如果考得好嘅就恭喜晒，不過都要小心A-Level會更難；考得唔好嘅都唔好十幾歲就放棄學業，應該搵機會進修。」後來她修讀理工大學時裝設計，相對其他o靚模，她算是較遲入行，但就毫不後悔，因為做足準備工夫才有較大的安全感。

陳靜讀美容文憑

另外，DaDa（陳靜）當年會考僅得兩分，慶幸家人從來沒有給予壓力，及後修讀美容課程，亦取得一些文憑，她說：「我都知讀書重要，自己都好後悔，不過依家入得呢行都好認真咁去進修，平時我都會學跳舞同詠春。」她又勉勵考生即使成績不好，都不應氣餒，要慢慢搵出路。

而李蘊及劉欣宜會考分別有4分和11分，李蘊說：「我兩年前考，都好明白應屆會考生嘅感受，最緊要多啲同屋企人傾，諗下有咩出路。」劉欣宜當年可升讀中六，她卻另找出路，報讀IVE的設計課程。

陳嘉寶

李蘊

陳靜

o靚模會考得分大起底

陳嘉寶（Anjaylia）18分

鍾蕙芝（Lavina）14分

楊穎（Angelababy）13分

裴殷（A.Lin）11分

劉欣宜（E Cup Baby）11分

許麗燕（Irene）11分

馬卓寧（Vibeke）10分

余曉彤（Hidy）9分

周秀娜（Chrissie）6分

趙碩之（Wylie）5分

陳俞希（Hailey C.）5分

李蘊（Renee）4分

陳靜（DaDa）2分

文詠珊（Janice Man）2分

羅凱珊（Kama）2分

陳靜儀（Mia）1分

Cat信心十足升中六

妄攝女Cat（陳雅絲）、Donut的胡心諾（Rainbow）和Sweet（何嘉兒）、新8模的江怡（Betrys），還有年初因藏毒被捕的周凱盈（Monique）都是應屆會考生。面臨轉制變成末代產物，一旦成績不理想便無機會重讀，但妄攝女Cat仍信心十足，昨日到髮型屋轉新髮型，迎接明天放榜，她興奮地說：「我讀理科，有信心攞到十分以上，希望可以升上中六，讀書同演藝事業雙win。」

Cat昨日到髮型屋剪頭髮，自言有信心攞到十分以上。

Donut成員Rainbow和師妹Sweet自知成績麻麻，昨親自去演藝學院取有關課程單張準備報讀，Rainbow說：「希望攞到五分或以上，咁多人留意自己，都有啲壓力。」她透露會考期間要去宿霧影寫真，與Sweet一同向Irene請教心得，Irene說：「我前幾年會考攞到11分，成績都滿意，佢哋算好勤力，攞埋啲書去溫習，我仲教佢哋英語會話技巧。」

Betrys

Rainbow（左）和Sweet去演藝學院攞課程單張。

4分Carol25分Ivy停戰打氣

o靚模在書展及動漫節鬥個你死我活，但面對明日中五會考放榜，「浸大E神」Carol（楊梓瑤）及「o靚模狀元」Ivy等暫時休戰，團結一致為會考生打氣！末代會考生的Donut成員Rainbow及Sweet自知成績麻麻，搵定後路，她們昨日在動漫節更遭反o靚模團體踩場！

被大會指定為「動漫大使」的o靚模組合Donut，昨日現身動漫節舉行簽名會，100個簽名籌火速派完，期間卻遇上反o靚模團體踩場，約50名年約18歲的男女不停舉牌吶喊，並綁上自稱代表色情文化的黃絲帶示威，請o靚模滾出動漫節！

Donut的Sweet（左起）、Ar Yu、Rainbow、Irene及Vilian出席動漫節宣傳，同場卻有團體示威。

反o靚模團體SOF舉牌吶喊，要求o靚模滾出動漫節！

反o靚模團體踩場贈興

自稱中學生的發起人李先生表示，Facebook的反o靚模群組有逾萬位支持者，是次行動亦獲逾百人響應，並指不是針對Donut：「組織SOF代表反o靚模、唔好標籤動漫迷做毒男，同埋大會唔好再支持o靚模。」對此，前日到動漫節踩場的周秀娜表示香港有言論自由，她說：「我會做番本分。」Donut亦沒有因而掃興，強調不會破壞規矩。

被噓爆的Donut成員Rainbow（胡心諾）及Sweet（何嘉兒）面臨明日會考放榜的壓力，自知成績麻麻的兩人昨日到演藝學院索取課程資料，Rainbow透露會考時到宿霧影寫真，兩人向會考11分的Irene請教心得及英語會話技巧，Rainbow希望考獲5分，Sweet則表示家人希望她繼續升學。妄攝女Cat（陳雅絲）、新八模的江怡（Betrys）及年初因藏毒被判感化令的周凱盈（Monique），同是末代會考生，讀理科的Cat信心十足，昨日剪新髮型來迎接放榜，她說：「有信心攞到10分以上，希望升上中六，讀書同演藝事業雙Win。」

至於o靚模中亦有高材生，與曾國祥鬧多角戀的Ivy（蔡瑩瑩），在02年會考考獲2A、3B、25分的成績而被封「o靚模狀元」，她以過來人身份為應屆會考生打氣：「如果考得好就恭喜晒，不過A Level會更難！考得唔好嘅都唔好放棄學業，應該搵機會進修！」隨後修讀理工大學時裝設計的她無悔比其他o靚模遲入行：「準備好晒先做想做嘅嘢，安全感會大啲，做得唔好都有好強大嘅後台支持自己！」當年會考只有4分的「浸大E神」Carol說：「我報咗副學士先修課程，讀咗兩年副學士課程就考到升大學嘅資格。」現主修人文學科的她鼓勵考生以平常心面對：「條條大路通羅馬，一定搵到屬於自己未來嘅方向。」

專案組