旅行旅遊中國上海模做 Guide　包試三味 @ 明星靚相大分享☆

好多男士都有個想法，去旅遊好想識番個當地美女，睇吓同港女有咩唔同。對於飲食都有同一想法，好想品嚐一下最地道的菜式，所以這次上海之行，專程找來上海姑娘做 guide尋上海小吃，呢條橋 work唔 work，睇落去就知。文：肥腸Model：王懿

未「包」過未算去過上海

與上海模特兒見面時，我跟她先旨聲明，話明要試最地道的上海菜，最好就係只得本地人去食，越多人越好，我最不怕就是排隊。模特兒就立即拍心口，話包在她身上，臨出門前仲話：「今天要你開一開眼界！」咦，好豪氣喎……離開酒店上的士，模特兒二話不說就跟司機說：「麻煩你去城隍廟！」我心想城隍廟不是上海著名旅遊區嗎？我心裏有點滴汗，但她在車裏說上海有名的菜式，不得不介紹南翔小籠包，沒吃過就等於沒來過上海一樣。我反問，在上海打着南翔小籠包旗號的食店，真係通街都係，哪一間有水準？哪一道菜較好？到達城隍廟豫園老街，就見有幾間小籠包店， model推介的是街尾轉角位的湖濱美食樓，他們的南翔三味小籠，簡單來說就是南翔小籠包拼盤，一籠六隻小籠包有三種味道，原味、辣味及上湯味，味道以辣最特出。另一推介蟹黃湯包，一隻大小籠包上插着長飲管，內裏全是蟹黃湯及碎豬肉，大家要小心，熱湯經飲管吸食很易燙親。吸完，小記便品嚐一下小籠包的包身，吃第一口，感覺是……中伏！見模特兒喝完便罷了，才知道這個蟹黃上湯包宜喝不宜吃！

放大圖片

放大圖片
■南翔蟹黃湯包$29/隻

■南翔蟹黃湯包$29/隻

放大圖片
■外賣食品款式較少，但價錢便宜，很多遊客為求快，都選擇在街上速食。

■外賣食品款式較少，但價錢便宜，很多遊客為求快，都選擇在街上速食。

放大圖片

放大圖片
■南翔三味小籠，三味就是原味、辣味和上湯味，一籠實現每個遊客的三個願望。$52/籠

■南翔三味小籠，三味就是原味、辣味和上湯味，一籠實現每個遊客的三個願望。$52/籠

放大圖片

湖濱美食樓（上海小吃人家）地址：黃浦區豫園老路 59號

每枱必食生煎包

Model真係對「包」情有獨鍾，另一地點係佢最強推介，就是藏在靜安住宅區內一間普通得不能再普通的食店。進去見店內十多張四人枱和單人枱都爆滿，除了當地人，還擠滿了很多老外。試過後，我強烈推介生煎包，一碟$4.6有 4隻，即使堂食都要在門外排隊購買。基本上每一底約 150隻的生煎包，不需 15分鐘就已賣光。點解咁受歡迎？除了因為生煎包皮薄脆口，能夠把肉汁鎖在包內，味道極美是最大賣點。以小記所見，每張枱的食客均有一碟生煎包，屬招牌食品。

放大圖片
■ Model最強推介生煎包，煎得皮脆，內裏又充滿肉汁。$4.6/4隻