旅行旅遊馬來西亞吉隆坡盧覓雪大馬搵食　喪嗒花甲肥佬－明星靚相大分享☆

首先，大家唔使猶豫，呢個係真的盧覓雪，並非阮兆祥假扮。今次跟 Michelle去馬來西亞，目標清晰，就係要橫掃大馬各間隱世美食店！第一站係吉隆坡， GoGoGo！記者、攝影：蕭漢祥鳴謝：馬來西亞旅遊促進局（香港分局）、馬航假期、恆利旅運、 Novotel Kuala Lumpur City Centre

廚師做到爆衫都懶理放大圖片
■廚師哥哥一日要燒近 50條魚，就算做到爆衫都唔得閒理。

■廚師哥哥一日要燒近 50條魚，就算做到爆衫都唔得閒理。

一早知盧覓雪識搵食，唔止喺香港，連台灣都瞭如指掌，不過 Michelle今次卻帶路往馬來西亞搵食：「我有個馬來西亞朋友住在香港，時常介紹一些當地的特別餐廳。」原來有高人教路，難怪今次到訪的餐廳，並非喺吉隆坡市中心，而在西南面的 Petaling Jaya，呢一帶無高樓大廈，全部係兩三層樓房，好新界隱世 feel。但就係這種環境，潛藏了很多又平又抵食的食肆。有幾隱世？呢家「啦啦昌」內裏一大片爛地做停車場，單睇畫面以為去咗落馬洲。呢個格局咪以為佢會好「流」，啦啦昌的啦啦真係好味，咩「啦啦」？馬拉話的啦啦即是花甲，老闆叫阿昌，順理成章叫啦啦昌。 Michelle大讚招牌花雕酒煮花甲：「濃烈的花雕酒汁底完全帶出花甲的鮮味，肉質又爽甜。」此刻啦啦昌從後跳出來，解畫：「汁底和花甲一齊煮，花雕酒只係放碟，花甲上碟時汁底撞花雕酒，咁就可以保留酒香，引晒花甲啲鮮味出來！」啦啦昌就憑呢一招，俘虜 Michelle和萬千食客的心，繁忙時間全場八十張枱爆滿，花甲來貨近 100公斤都日日清。深入廚房重地，全場近 30位廚師忙到甩轆，燒魚師傅燒到爆衫都唔理，熱辣辣當通風系統，咁熱皆因佢不停製作炭燒非洲魚，一日都要燒約 50條魚。啦啦昌解說非洲魚製法，將魚去除內臟，兩面魚身大量撒鹽，放在炭爐每 5分鐘翻身燒熟， 20分鐘就搞掂。製成品外表雖有點 dry，但入口不止唔乾身，仲好有魚鮮味，味道遠勝於賣相。

放大圖片
■螃蟹用白米酒、辣椒、鹽和水，猛火焗 15分鐘，也是推介。螃蟹約$123/公斤

■螃蟹用白米酒、辣椒、鹽和水，猛火焗 15分鐘，也是推介。螃蟹約$123/公斤

放大圖片
■啦啦昌花甲，材料每日由馬六甲新鮮運到。約$88大、$63中、$38小

■啦啦昌花甲，材料每日由馬六甲新鮮運到。約$88大、$63中、$38小

放大圖片
■炭燒非洲魚，魚身撒滿鹽，放爐上反覆燒熟，食落不乾身而富鮮味。約$88/公斤

■炭燒非洲魚，魚身撒滿鹽，放爐上反覆燒熟，食落不乾身而富鮮味。約$88/公斤

放大圖片
■大部份枱至少可坐八人，大都一家大細來食飯。

■大部份枱至少可坐八人，大都一家大細來食飯。

a.La La Chong Seafood Restaurant地址： Lot13556, Jln Cempaka, Kayu Ara Damansara, Petaling Jaya

彭門女將肥佬蟹　日賣 300斤

Michelle今次旅程同時為 TVB拍攝飲食節目《覓食四方》做主持，全部食肆都由她親自欽點。不過小記懷疑， Michelle係咪特別偏好食海鮮，因為她另一間推介都係海鮮。這家肥佬蟹海鮮樓，招牌菜有椒鹽蝦、清蒸蝦、潮州紅魚，還有主打酸辣蟹。大馬餐館大都有秘製醬汁，雖然多番追問老闆都唔肯講醬汁點秘製，但入口味帶鹹、酸、辣，就算不斷食蟹都唔覺滯。彭氏二家姐仲推介用烘乾多士點蟹汁，惹味到暈！肥佬蟹的賣蟹紀錄，周末可日賣 300斤，強！店內打骰的清一色彭氏女將，何來肥佬呢？她們解釋這店於 40年前由父親開業，由於爸爸身形肥胖，所以取店名「肥佬蟹」。整蝦同樣拿手，彭嫂一蝦整兩味，香煎蝦用薑絲、麻油、蒜茸、辣椒仔，先爆香再落生抽炸熟，非常惹味；清蒸蝦則用上秘製辣醬、蒜茸蒸煮，味道清新。兩道菜好似孖生兄弟但性格極端，一個野性難馴，一個溫文爾雅。

放大圖片
■用上秘製酸辣醬的酸辣蟹，齋用多士點醬食已好好味，何況食埋來自印尼的肉蟹。約$75/斤

■用上秘製酸辣醬的酸辣蟹，齋用多士點醬食已好好味，何況食埋來自印尼的肉蟹。約$75/斤

放大圖片

放大圖片
■香煎蝦惹味，清蒸蝦清新，性格極端但都好味。蝦約$145/斤

■香煎蝦惹味，清蒸蝦清新，性格極端但都好味。蝦約$145/斤

放大圖片
■ Michelle最愛酸辣蟹，就連後面的彭老太都話「 Good choice！」

■ Michelle最愛酸辣蟹，就連後面的彭老太都話「 Good choice！」

放大圖片
■肥佬蟹清一色女將，彭老太（中）、三名女兒和新抱（右二）。

■肥佬蟹清一色女將，彭老太（中）、三名女兒和新抱（右二）。

放大圖片
■酸薑皮蛋同樣係好好好好……味！

■酸薑皮蛋同樣係好好好好……味！

b.肥佬蟹海鮮樓地址： No.2, Jalan SS24/13, Taman Megah, Petaling Jaya

即煮咖喱麪　辣到差啲頂唔順

Michelle話，馬來西亞最出名的食品，離不開椰醬飯、肉骨茶、喇沙等。於是她又帶我們到一家從檳城百年路起家，到現在已有三間分店的地道餐廳，她最欣賞其招牌咖喱麪，辣味能做到嗜辣朋友最愛的感覺，就係辣到將近忍受唔到，但又好想繼續食落去，辣得過癮！見 Michelle食得咁 enjoy，當然要叫番碗試試，不過一叫就等咗十幾分鐘，老闆梅先生話係因為每碗都要即叫即煮，保證熱辣辣上枱，咖喱麪配料有鮮蝦、魷魚、螄蚶，碗仔細細但非常足料。這裏還有炒貴刁、秘醬腸粉、烏達魚等，樣樣都味道唔錯，但一日走幾場拍攝，場場都大魚大肉，真係飽到頂住食唔落，結論係……食家唔易做！

放大圖片
■ Michelle大讚咖喱麪非常辣但好過癮，「係嗜辣朋友最愛的感覺」。約$16/碗