上集《 LittleBigPlanet》大受機迷歡迎，續集自然更多嘢玩，在加入更多過癮關卡嘅同時，今集更玩埋 Move，讓機迷挑戰難度，以體感方式去闖關！預計《 LittleBigPlanet 2》在 1月 18日正式推出，不過現已有 Demo可下載， PS3玩家快啲試吓喇！記者：許福合攝影：陳盛臣Model： Kinki@PureModels
其他副刊影片 二人合作先掂
除咗傳統手掣操作版本外，今次《 LBP2》專登搞咗個 Move版，畀機迷試吓 Move如何結合傳統遊戲玩法。Move版亦都係要玩家通過各種機關！每當遊戲出現一些粉紅色區域時，這些位置就係 Move嘅專用區；將 Move浮標移動到粉紅色區內，就會馬上啟動機關，玩法都幾五花八門，有時要你上下左右移動，甚至失驚無神要你跳彈床兼踏跳板，都幾考急才吓！測試後感，可以用手忙腳亂形容，因為大部份機關都要一邊用 Move開啟，同時間又要用手掣控制主角 Sackbot周圍行，一個人得兩隻手，真係有啲應付唔切囉，所以極力建議兩個人合作嚟玩！
放大圖片 
放大圖片 
■ Move操控好簡單，只要指向粉紅區域。
放大圖片 
■好多時仲要用手掣 R1來捉住或攀上道具。
放大圖片 
■《 LBP2》有中文版，更容易了解遊戲故事。
創作 Sackbot外形
估唔到今次《 LBP2》 Move版要求合作性咁高，二人稍為欠缺默契，經常會撞山、跌落火坑；另外控制 Sackbot動作時，亦要留意移動有慣性，好多時未能立即停下來，拍檔一個唔留神，只有再嚟一次喇！講到遊戲最大賣點，當然首數 Sackbot可讓玩家隨意設計裝扮同造型，今次新一集亦完全繼承此系統；另外有 PS Eye用家，更可利用鏡頭功能，將自己個樣換落 Sackbot塊面度，咁樣玩法，唔知會唔令大家投入感大增呢？
放大圖片 
■玩家可以自己設定 Sackbot外貌。
放大圖片 
■經常會出現呢隻大恐龍，被佢追咬。
紅粉機關 放大圖片 
■用 Move一點粉紅色區域，就會變成梯級。
放大圖片 
■ Sackbot在上面通過時，要用 Move控制下邊石板擋火球。
放大圖片 
■呢個機關較簡單，將粉紅點向下拉，就會將 Sackbot彈起。
放大圖片 
■這邊就要利用 Move搬運 Sackbot。
Profile 放大圖片 
主機： PS3類型：動作開發： Media Molecule發售： 1月 18日 
留言列表
