11/12
為了逃避記者追訪，林文龍郭可盈每次外出都如臨大敵，兩人到西貢百佳購物，亦刻意先兜兩個圈。
靠老婆
六萬元租屋養胎　郭可盈倒貼林文龍
2009年12月24日
大住七個月肚，郭可盈專心養胎，並決定為明年二月出世的小 B女退出娛樂圈做全職媽咪。老婆停工，月前被踢爆同內地女星董維嘉有景轟的林文龍，揚言會努力賺奶粉錢，孭起家擔，為此，兩萬蚊拍廣告都照啃，甚至專程返大陸做義工，客串兩集《漢宮美人心計》，企圖拋磚引玉，向製作人于正撈。
老公個底花晒，工作量近乎零，月租六萬的松濤苑新居，只好由郭可盈倒貼，林文龍，靠唔住！
執得就執
今年五月爆出林文龍偷嗒內地女演員董維嘉後，面子大過天的郭可盈繼續採取鴕鳥政策，開記者會力撐老公林文龍，又揚言兩公婆對外一條心。
事件得以平息，不過，林文龍個底花晒，郭可盈外家對這個風流成性的女婿亦早有微言，但為保婚姻，郭可盈仍以小生命留低花心老公，六月知道有喜後，即決定退出娛圈做全職媽咪，兩公婆繼續向外晒幸福，林文龍更自言會努力賺錢養家。
不過，唔係你想做就得，接近零工作量的林文龍兩萬的藥房平面廣告，一樣唔放過；客串兩集的大陸劇《漢宮美人心計》，照接。


夫妻關係一直女尊男卑，攞車時，郭可盈一個箭步行前，林文龍緊隨其後。
 
雖然有咗七個月，但瘦底的郭可盈睇落一啲都唔臃腫。
 
無工開，林文龍陪住郭可盈出出入入，但兩公婆卻貌合神離。（《忽然 1周》圖片）
 
今年九月，郭可盈賣出一號銀海兩個相連單位獲利 278萬，即以每月六萬租住西貢松濤苑 2200呎獨立屋，專心養胎。
 
同無綫再無合約，林文龍唯有向大陸製作人撈，香港方面，就只拍了一個藥房硬照廣告。

免費做串星
「套劇係大製作，投資額高達三千萬，不過主角係陳鍵鋒同林心如，三十集戲林文龍只係客串咗兩集，佢仲刻意向製作人于正賣大包，做串星之外仲唔收錢，唯一要求，係以後有劇開預埋佢！呢排佢都無工開，所以大部分時間都留喺屋企，陪可盈出出入入！」郭可盈身邊人說。


雖然「偷食」事件令郭可盈耿耿於懷，但兩人仍不停高調外出晒恩愛。
 
信唔過林文龍的郭可盈父母經常到西貢探望女兒。（《忽然 1周》圖片）
 
今年十月郭可盈出席《富貴門》記招宣布有喜，升 cup的她不忘向記者表示林文龍對就快做老豆好緊張。

老婆交租
兩人早前將舊居一號銀海放售，改以六萬租住西貢松濤苑，但林文龍收入有限，交租重責，只好落在郭可盈身上。
「可盈份人好逞強，就算喺好熟嘅朋友同記者面前，都唔會俾人知佢有幾唔開心，喺人面前一定同老公扮晒恩愛，其實『偷食』件事對可盈好大打擊，就算有咗
BB，情緒都好唔穩定！佢爹哋媽咪都信唔過林文龍，幾乎隔日就去探個女！」
一句講晒，所託非人！
廢柴一族 
十月底歌星賀台慶在澳門舉行，張繼聰（箭嘴）不斷黐實老婆搏上鏡。

郭可盈有個靠唔住的林文龍，去年憑《囍帖街》爆紅，上位成為天后的謝安琪亦有個廢柴老公。人紅是非特別多，謝安琪跟陳奕迅緋聞傳唔停，難得老公張繼聰唔介意，還經常將老婆及 Eason掛在口邊，噏得就噏。負面新聞一樣係宣傳，老婆醜聞反為坐開冷板的張繼聰殺出一條路，近期工作量亦颷升。
原本出席活動收幾千元的張繼聰，竟然將「我係謝安琪老公」當武器，將騷價調高到萬多二萬。
近日有娛樂商邀請他十二月三十一日到澳門演出元旦倒數活動，張繼聰竟然開天索價叫價五萬唱三首歌，對方嫌貴，反指根本冇人會記得張繼聰唱過乜嘢歌，要求價錢方面作出遷就，還價三萬，點知張繼聰經理人理直氣壯說：「係人都知佢係謝安琪老公！」廢柴，冇得救！
撰文、攝影：娛樂組

郭可盈生女退出娛樂圈 出錢倒貼養林文龍

郭可盈林文龍如臨大敵
懷孕7個月的郭可盈安心養胎，並決定爲明年2月出生的女兒退出娛樂圈做全職媽咪。老婆停工，之前被踢爆同內地女星董維嘉有私情的林文龍，揚言會努力賺奶粉錢，全力養家。爲此，兩萬元一個的廣告都照拍，甚至專程回內地做義工，客串兩集《漢宮美人心計》，企圖抛磚引玉，向制作人示好。

老公工作量近乎零，月租六萬的松濤苑新居只好由郭可盈倒貼，林文龍，靠不住！







 

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄