Benz雄攞「最佳男配角」，他表示：「事前冇通知過㗎！真係嗰刻先知，間唔中（頒獎禮）都要蒲吓頭嘅！」 

搜尋氣

《 My盛》發威　 Benz雄：攞劇本就知會爆！

《 My盛 Lady》高收，除咗令子華唔到都攞視帝，亦令許紹雄（ Benz雄）撈咗 40年，終於憑 Kenji哥一角攞「最佳男配角」，台上 Benz雄力撐無綫，叫人唔好熄電視，以為佢係保皇黨，實情佢好撐王維基。
自稱「唔使擦 TVB鞋」嘅 Benz雄又自認全 TVB最懶，家住千萬西貢斬竹灣村屋，最怕戲分多。 65歲 Benz話：我想多啲時間陪屋企，同佢哋去旅行。

 


黃子華攞視帝，有人戥張智霖唔抵。不過 Benz雄就話：「我梗係想子華攞啦，大家同劇嘛！江美儀攞我又開心。佢有實力好耐啦！」 

我唔係因為攞獎而擦 TVB鞋，我使鬼擦佢鞋咩！我又唔驚冇嘢撈，出面返大陸拍劇都得。我啱啱先喺大陸完咗套劇，都有成 10萬一集嘅！每日做 12個鐘，由化妝開始計。夠鐘就收得，劇本又齊。不過喺香港拍，我可以成日返屋企呢樣最緊要。老婆同個女一年去幾次旅行，呢幾年我都撞唔啱時間，我真係好想同佢哋旅行，佢哋先係最重要。

 


Benz雄有價有市，不過佢𠵱家最想同成家去旅行，下年暫時只拍《使徒行傳》一套無綫劇。 

發牌其實係政府問題啫！我支持發牌㗎！我一早話王維基係救世主嚟！起碼將盆死水搞番生。當時佢有人打過畀我，佢畀個好高價錢我，都有兩倍價錢㗎，但我話可能到時我嗰價仲高呢？所以冇簽到。以前喺無綫大家無分彼此，但𠵱家公司大咗始終會唔同。我唔覺冇人情味，只不過公司大咗啫。老人家（甘草）嘅就到咪就囉，但其實班一線姐仔、哥仔你估唔辛苦㗎！每日 06到廿幾。邊個辛苦咪就邊個囉！

 


當年拍《野蠻奶奶大戰戈師奶》有傳 Benz雄同汪明荃不和，原因係 Benz雄最憎對稿，而阿姐又出名認真。 Benz雄話：「滑晒牙就唔好睇啦！」 

《 My盛》我一攞個劇本就知爆啦，子華同我都冇乜改到劇本，我冇減肥㗎，幾十歲減乜鬼！無論拍咩種類嘅劇，反應最緊要，對稿對得多，大家就滑牙唔好睇㗎啦！我承認我係 TVB最懶㗎！我通常埋位對一次，有時唔使添。下年加戲？挑，話之佢啦！唔好加咁重添呀！咁辛苦做咩呀！


採訪、撰文：林通賢

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    tvb4life 發表在 痞客邦 留言(0) 人氣()

    E-mail轉寄