FACEweekly

英雄論　陳偉霆

成年在內地狂拍古裝劇、緊接而來更有 2014年頭扮演英勇消防員，套套英雄主義上身，仲要 keep住跑步瘦身，更陽光更靚仔！今天，一於等陳偉霆（ William）自己講他心目中的英雄！

整年不在香港，去了哪裏當「英雄」？

年頭拍完《救火英雄》，就即刻飛去內地橫店拍兩套古裝劇，第一套是《少年 4大名捕》、第二套是《古劍》，兩套都是內地電影劇，咁蹺演的都是英雄。今是首次演古裝戲，拍足大半年有多，大部分時間都不在香港。年尾就回來香港，演曾拍上年《我愛 HK開心萬歲》導演鍾澍佳的戲，與黃宗澤有對手戲，我就做番奸奸哋的角色。



下年頭有份演的《救火英雄》上畫，戲裏有幾英雄？

戲入面我做一個新仔，演一個大大隻、上頭叫我做乜就做乜的消防員。好記得年頭開拍時，要先去八鄉消防局做一連串訓練，包括怎樣正確使用氧氣筒等。有日訓練，就要困我們一班演員入黑房，伸手不見五指下要同胡軍練默契，仲有場拍戲我又要同時救關智斌同胡軍，拉親右邊膊頭肌肉，不過辛苦都值得嘅。

為了演英雄，你去到幾盡？

為求做大隻消防員，當時增磅到 170磅，係咁操肌。拍完後要去內地拍古裝，成日要戴假髮，頭髮向上擸就知大隻演古裝好唔靚，於是每日都着住件焗汗風褸、去橫店 gym房跑足半個鐘，跑完直頭唔敢垂低手，因為汗多到成條水柱咁！加上 8點後唔食澱粉質，結果由 170變到現在 148磅，身邊朋友都話瘦咗係靚仔啲嘅（笑）！

今年全年投入拍戲，會分一點時間在唱歌嗎？

打從入行一團火唱〈 Taxi〉後，之後都覺得自己在唱歌方面都找不到落腳點，加上又要同時兼顧拍劇，變得有點力不從心。今年公司想我推出廣東碟，我都同公司講我想將精神貫注在拍戲上，希望畀到自己、同時觀眾 William的改變。

戲內扮演英雄，戲外你心目中的英雄是誰？


何只夠英雄，上月 William在個人 IG錫住媽咪講生日快樂，超孝順仔！ 

我家姐。細個爸爸已經離開我們，家中負擔都由姐姐負責，好感動係佢在外國讀書半路途，都回來照顧我們，好高興係佢雖然 40歲，但最近生咗個 BB，未生前幾星期仲同我去揀樓，真係好犀利。我仲想講我拍古裝時的拍檔楊幂，都係我好尊重的一位北京演員，佢從來冇試過遲到，我早 10分鐘佢就早 15分鐘，所以紅絕對是有道理。


撰文：陳家豪　
攝影：黎韋邦　
化妝： Krisie Wong、髮型： Davy Yu@MM IL COLPO

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    tvb4life 發表在 痞客邦 留言(0) 人氣()

    E-mail轉寄