復出銀 共度時艱陳慧珊讚破產老公勇
陳慧珊老公兼經理人鍾家鴻（ Mike）因經營公司不善，早前宣佈破產。久別香港幕前的陳慧珊昨日由 Mike陪伴出席美容活動搵錢，陳慧珊坦言今後會孭起頭家，下半年也會重返 TVB拍劇，她更讚揚老公勇敢，兩公婆會積極面對破產。
其他娛樂名人影片
陳慧珊昨日以特別嘉賓身份，出席林嘉欣代言的 Neutrogena活動。很久沒開工的陳慧珊昨明顯表現緊張及生疏，在台上分享護膚心得時，講到手震震及口震震，更將女兒升讀小學錯講成升讀幼稚園。而陳慧珊的老公鍾家鴻也現身台下，並成另一焦點，他走來走去一度惹起小混亂。
放大圖片 
陳慧珊的老公兼經理人 Mike在台下全程陪住老婆。
放大圖片 
兩位媽媽林嘉欣（左）和陳慧珊在台上分享護膚心得。
與無綫有部頭約
陳慧珊透露近期在北京拍劇，問她老公破產後，可會盡量多接工作？陳慧珊說：「之前一路應承個女，佢出世後專心湊佢直到四、五歲，佢今年九月升小學一年級，會返學六個鐘頭，希望呢個時段可以做自己鐘意嘅事，好似拍戲，應該下半年會拍番戲。」陳慧珊又坦言成為家庭經濟支柱：「先生宣佈破產，喺屋企錢銀上會支持佢，但好多嘢都要佢支持我，結咗婚，係互相支持，不但金錢，好似精神上，我好需要佢。」陳慧珊指老公了解她性格、喜好，會繼續擔任她經理人，而她因有部頭約，有指她會接拍 TVB的《衝上雲霄 II》，對此她說：「總之今年一定有機會同 TVB合作，要睇吓點。」她也承認 now有搵她過檔，但會完成 TVB合約才考慮。
囡囡讀國際學校 放大圖片 
蘇玉華（左）和陳慧珊演的《衝上雲霄》當年口碑好，有傳陳慧珊會參演續集。劇照
問陳慧珊老公破產，家人的生活質素會否大受影響？她沒有正面回應，只表示女兒會如計劃升讀國際學校。陳慧珊又讚老公積極面對破產：「積極面對，係有勇氣，係夠堅強先落到嘅決定，係向前行嘅方法。」破產是兩個人的決定？她表示：「係有商量過，係佢決定同面對，我唔覺得係好大件事。」她也指和老公感情好好。採訪：林嘉慈攝影：黃偉雄 
陳慧珊昨日復工出席活動搵真錢，並坦言成為家庭經濟支柱。
留言列表
