明星靚相大分享☆

楊怡高鼻是怎樣煉成的

隨住科技進步，觀眾要求越來越高，睇戲睇波乜都話要 3D，貪有層次感喎！無綫徇眾要求，都特登整番套 3D高清劇出嚟益大家，勁在呢套唔使後期製作、觀眾唔使戴乜嘢 3D眼鏡，都照樣睇到立體效果。呢套全港首齣 3D劇，咪就係楊怡擔正嘅《 On Call 36小時》囉！套劇圍繞醫護人員，不過唔使驚， 3D嘅並唔係血淋淋嘅五臟六腑，亦唔係磨刀霍霍嘅手術刀，而係楊怡個木偶鼻嘅大特寫啫。眾所周知楊怡個鼻近年越變越尖，呢套《 On Call 36小時》直情不得了，

放大圖片

楊怡（右）個木偶鼻尖得好誇張，分分鐘拮死人。

放大圖片

同楊怡（左）一齊演《 On Call 36小時》嘅黃智雯個鼻就冇 3D效果。

極有壓迫感

只要鏡頭 zoom近少少，佢個鼻就好似插穿電視機螢幕，側面睇仲誇張，直情有種壓迫感。羅馬非一天建造，唐宮唔係 07年動工，咁楊怡個鼻呢？查實有煲開深宵劇嘅讀者，都應該見證過佢嘅蛻變。好似上年重播 05年嘅《學警雄心》，楊怡個鼻同我哋一樣㗎；之後重播 07年嘅《學警出更》，已經發現有少少唔同；再睇埋呢套「 3D劇」，直頭係完成品啦！


對比楊怡家套《 On Call 36小時》同 05年拍嘅《學警雄心》（右圖），就會發現佢個鼻同下巴有好大分別。

楊怡高鼻是怎樣煉成的？