張達明話「做棟篤笑最緊要講 timing同衝動！」他即將於三月開騷的棟篤笑，除了一如以往捉緊潮流話題，以肢體動作表現外，最大突破是，年紀大了放了，會玩大佢，表演會含貼近三級成份，目的是要教人做壞蛋！似乎有點立心不良。文：張一豪攝影：陳盛臣

身邊好多壞蛋朋友 放大圖片

 

張達明（ Tatming）笑言，每次做棟篤笑都講 timing外，最重要是衝動，覺得是時機，就會計劃演出。他發覺，近年全世界都充斥着「壞蛋」文化，尤其香港，大把壞蛋在身邊：「做壞蛋有好多發揮空間，好似《 Batman》入面，做小丑都做到奧斯卡提名。社會方面，西方表表者就係 Lady Gaga，玩嘢又反叛，佢用肉片來做衫，如果去到一啲貧窮國家，肯定天地不容，唔俾人打，都俾人咬！睇番香港， Amina事件，更係近年壞蛋文化中最受人注目嘅事件之一，係好好發揮嘅題材；其實我身邊亦不乏『壞蛋』朋友，好似黃秋生之前成日俾人影到同女伴行街，到時我會攞嚟挖苦一下，問佢點解家會無事？無人再提起？又好似我睇到報紙，見吳鎮宇喺餅店同人打交，都可以借題發揮；仲有陳振聰、何家爭產，都可成為好好的題材，亦因而引發我今次創作。」 Tatming更說會請他們睇騷，甚至請他們上台，畀機會他們澄清一下事件，睇他們上台答辯，應該都相當互動好玩！不過他補充，不知道他們最後會不會來，所以都想低調少少，免得大家失望。年紀大了，感覺自己可以更加放，所以今次一於玩大佢，內容會大膽了，甚至會有「粗口」出現。印象中， Tatming做過的角色都係「忠」角居多，原來之前《容易受傷的女人（約定香奈兒）》他做過一個壞蛋經理人，本來是個對音樂有堅持的人，但最後成為壓榨歌手的「壞蛋」，這角色性格上相當立體，也是促成他要做「壞蛋」的原因之一。

曳曳哋增強抗逆力 放大圖片

 

Tatming話要玩盡些，「語言」上都會有突破，不怕教壞細路嗎？「好多標準都喺度變緊，最簡單講吓紋身，如果以前，紋身喎！即係刺青，呢啲係犯人先會做。到二三十年前，紋公仔紙？又龍又鳳又觀音，你仲唔係黑社會？但現在，紋身之嘛，不過係潮流係裝飾，唔少女仔紋身，為靚，紋喺肚紋喺腳，仲好性感㖭！但感覺上亦係為咗 show畀人睇， be a bad girl！壞蛋文化都變成潮流，我就將呢啲想法擺上枱，等大家去判斷。其實我已度咗一個環節講互聯網，上面都有好多壞嘢，造假、呃人之類，但佢又對人類進步帶來好多好影響。互聯網其實好中性，物以類聚，大家喺乜嘢地方，同乜嘢人一齊，就會有唔同方向。好似喺一啲成人夜遊討論區，大都係聚集咗一班用假身份的嫖客；去興趣討論區，風花雪月講種花種草一樣有。

「我發覺香港人都太守規矩，今次好想同時下家長講，現時的教育制度不一定是好，反而要曳曳哋學人爭家產，或者與上海、澳門爭吓熊貓，講陳振聰事件，反映時弊之餘，都想探討吓做人唔好咁墨守。有啲嘢係反面教材，可以拎出來討論，好似家成日話小朋友抗逆能力低，香港父母好多時都教佢哋守規矩，但又唔教佢哋遇到一啲問題點解決，好似父母離婚家都好普遍，但好多父母都唔會教佢哋點樣面對有機會成為單親家庭後，點處理同面對問題。香港基本上係一個好守規矩嘅地方，有時好似太享受穩定同規律，變咗好似應變上都少咗可能性，其實做事可以大膽一啲。但我唔係要教人做壞人，只係做壞蛋，做三晚，等大家開心吓。」

放大圖片

 

放大圖片

 

放大圖片

 

放大圖片

 

 

破壞性遊戲「幾大鑊」 放大圖片

 

闊別棟篤笑舞台近兩三年，今次開騷，三場製作費原來都要百萬元。除了出賣朋友、討論熱爆的時事，例如爭家產、爭熊貓、陳振聰事件、 Amina襲警事件外，仲有甚麼賣點？「今次暫定會有 14個長短不一嘅段落，都由我表演為主，中間有一兩段大轉場或者換衫位，會有嘉賓穿插吓。其中一段我搵咗啲新晉有線主持一齊玩，當中會有五個角色，我做其中兩個，佢哋會做三個，度出來之後，好好玩，應該會有驚喜！」上次棟篤笑《人仔無敵》，碰啱奧運李寧吊威也，觸發 Tatming在台上玩吊威也，今次有群戲表演外，會加入甚麼新元素？「我會同電腦動畫玩互動，加埋觀眾反應一齊做，家搵人畫緊，仲喺度排緊。最難係動畫、我同觀眾三方互動，舞台會就觀眾反應，出現唔同的動畫互動，家仲喺度計算緊現場反應，唔知會唔會有預期效果，但都幾得意。」「仲有一 part玩遊戲，將會『幾大鑊』，會有啲破壞性，做完第一場，第二日報紙應該會登，而且更加有可能因為輿論壓力第二第三場唔可能做落去，呢個位都幾精采……細節我又唔講得住，免得無晒驚喜。」講到此， Tatming也禁不住手舞足蹈，據他透露，似乎第一場會特別搞鬼，但他補充，「第一場可能有些環節仍在試效果，第二第三晚會掌握得更好。」

放大圖片
■仲有好多玩嘢壞蛋造型，到時就知！

■仲有好多玩嘢壞蛋造型，到時就知！

放大圖片
■在《容易受傷的女人（約定香奈兒）》內做過壞蛋經理人，是引發 Tatming想做壞蛋的原因之一。

■在《容易受傷的女人（約定香奈兒）》內做過壞蛋經理人，是引發 Tatming想做壞蛋的原因之一。

 

掌握潮流就成功 放大圖片
■著名藝術家張曉剛的畫作。

■著名藝術家張曉剛的畫作。

Tatming創作棟篤笑，原來是畫面先行，先出現一個畫面，然後再想細節佈局。因此，他很喜歡看一些與畫有關的書刊雜誌，近年對張曉剛等內地畫家尤為欣賞，「近十年，在藝術上，最能把握到社會潮流的，我認為首推內地畫家。好多畫家因為捉到社會改變，再透過畫面表現出嚟，可以將文革過渡到現代社會的事情透過畫面表達，給我好多感覺，刺激我創作的靈感，香港反而做唔到呢一點，我哋做棟篤笑一場最多賺幾十萬，但佢哋一幅畫由以前五千元變到家二千萬元一張，變成富戶。佢哋對潮流同社會轉變嘅把握真係好成功！」

《一於做壞旦》 放大圖片

 

日期： 3月 8- 10日（ 8:15pm）場地：伊利沙伯體育館票價：$150、$250、$350、$450（ VIP）查詢： 2734 9009

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄