明星靚相大分享☆

無綫封殺「四大」，陳奕迅明撐環球，除以廣東話做有線節目，又暗寸無綫《勁歌》少咗佢哋收視下跌。（《蘋果日報》圖片） caption_pure: "無綫封殺「四大」，陳奕迅明撐環球，除以廣東話做有線節目，又暗寸無綫《勁歌》少咗佢哋收視下跌。（《蘋果日報》圖片）"
陳奕迅拒續約 TVB
2010年03月04日

四大唱片因版稅問題跟無綫反枱，旗下歌手頓成人肉籌碼，即使簽有歌星合約，一樣無得於無綫節目亮相，壯烈犧牲。
隨住今年一月謝安琪約滿，四月還有李克勤，而陳奕迅亦於今個月正式跟無綫結束歌星合約。大牌不斷流失，近月無綫雖然不斷游說 Eason，但跟環球尚有十五首歌曲合約的他，已決定不再賣身無綫，甚至計劃幫亞視拍特輯，上有線節目，倒戈反擊。
學友明剃眼眉
一場版稅風波，令四大唱片公司歌手統統被無綫封殺，「四大」旗下的陳奕迅、李克勤、謝安琪、周杰倫、張敬軒、薛凱琪，已絕跡無綫節目多時。
被合約綁死無得走，「四大」中就只有同無綫拍攝賀歲電影《 72家租客》的張學友，可以明剃無綫眼眉。由於學友跟無綫無合約束縛，他既可明目張膽上亞視，幫有線做節目，另一方面，無綫又因電影宣傳關係，讓屬環球旗下的他上無綫節目宣傳。
事實上，環球旗下多個大牌歌手，亦陸續跟無綫約滿，繼謝安琪於一月同無綫拜拜後，將於四月約滿無綫的李克勤，近月便被有線以千萬價錢，希望羅致他坐鎮主持六月的世界盃。此外，連陳奕迅的歌星約，亦於今個月期滿。
「無綫同四大雖然反面，但同歌手關係卻無問題，好似 Eason同克勤，同陳總私下都好 friend，加上佢兩個經理人合約唔屬於環球，無綫根本唔想冇咗呢兩個大牌，佢兩個三、四月輪住約滿，無綫都有同陳家瑛（ Eason）及張國忠（李克勤）傾，希望佢哋留低！」知情者說。

環球歌手在商台叱咤頒獎禮狂掃獎項，高層黃劍濤（前排右二）率眾星向無綫宣戰。
 
張學友接拍邵氏電影《七十二家租客》，也是唯一環球旗下歌手可以上無綫節目宣傳，但學友擺明車馬幫亞視拍特輯，照剃無綫眼眉。

已經跟無綫再無合約的謝安琪，日前便踩入有線荃灣總台參加遊戲節目，更企在有線台徽旁影相。（《蘋果日報》圖片）
 
陳奕迅在英國讀書時已經認識陳志雲，兩人私下其實十分老友。

幫亞視拍特輯
不過，一直是環球高層黃劍濤愛將的陳奕迅，已經決定撐環球，拒絕再跟無綫續歌星約。
「老 Dun（黃劍濤）好撐 Eason，知道 Eason會喺《勁歌》頒獎禮食白果，就幫佢喺商台狂揮獎，所以 Eason亦講到明會撐老 Dun，好似喺四大同無綫傾版稅件事上，外界都覺得老 Dun玩寸 party，事實係無綫嗰邊有個高層嘅態度好惡劣，仲話你哋（四大）有本事咪唔合作囉！睇吓你哋玩唔玩得起。呢件事 Eason好清楚！」
Eason跟無綫唔再續約的另一原因，是他跟環球尚有十五首歌的合約。
「佢仲爭環球咁多首歌，簽無綫根本無意思，依家佢會專心做完演唱會先，環球亦已經幫佢安排上有線節目，同埋幫亞視拍特輯！」
走得都走
版稅傾唔掂，事件中因環球旗下歌星最人多勢眾，目標鮮明，與無綫爭持亦最激烈，當中環球三寶陳奕迅、謝安琪、李克勤，連月來陸續約滿無綫。
謝安琪　一月約滿

已於一月約滿 TVB的謝安琪，先以廣東話接受有線訪問，近日更上有線遊戲節目，於陳啟泰主持的《操控者》中，贏取到$5,000元現金，成為反擊無綫的開路先鋒。
李克勤　四月約滿

四月約滿 TVB的李克勤，同時亦與環球約滿，不過，據知克勤續約環球機會頗高，加上近月有線出動千萬銀彈，游說他簽約有線主持六月世界盃，證明外面大把世界。