明星靚相大分享☆

影完扁嘴
影完合照交完戲，阿嬌即時不耐煩扁嘴，反而阿 Sa則戮力應酬 fans。"
娛樂頂點
復出受壓跌 Watt走音　阿嬌扁嘴預演親民騷
2010年03月05日
陳冠希事件後， Twins焗分開兩年，今年 4月 16、 17日嘗試復合，重踏紅館開兩場騷。為試反應，上周六（ 27日）晚，公司安排阿 Sa、阿嬌合體為《英皇十周年演唱會》壓軸，做就機會俾佢哋為演唱會熱身。
人氣跌 watt的阿嬌（鍾欣桐），重出江湖後，一改以往 cool爆態度，對 fans及記者大打親民牌，無奈本性難移，其間不時流露不耐煩、扁嘴表情，令 fans卻步，看來阿嬌要翻生，惟有靠拍檔阿 Sa力挽狂瀾！
去年英皇扭盡六壬，為阿嬌復出部署，可惜是非不絕，阿嬌先被指是茅山師傅契女，後又傳她 send e-mail力追向佐，被向佐女友 Race暗寸她「污染空氣」。前路難行的阿嬌，為挽頹勢，奉旨要求佢要親民！
《英皇十周年演唱會》當晚，未上台的阿嬌被記者圍攻，問到有關茅山師傅、向佐緋聞時，佢依然嘴扁扁話：「我唔回應，呢兩年經歷好多嘢，我出返嚟只係想專心工作……無嘢做嗰時，個心真係好想做番嘢。」

笑晒合照
未夠鐘上船嘅阿 Sa、阿嬌竟走落車同 fans影合照。
 
雞咁腳走
阿嬌滾水淥腳咁走上車， fans則擁着阿 Sa繼續吹水。

唱歌緊張走音
阿嬌雖然被記者問到口啞，但趁未表演時，佢吩咐助手到後台代派利是給記者，比從前識做好多。孖妹兩年來首次復合唱歌，阿嬌極為緊張，合唱經典歌曲〈風箏與風〉及〈下一站天后〉時，更緊張到走音。表演尾聲時，阿 Sa向台下觀眾預 sell個唱︰「係咪好懷念呢？仲有機會 o架！我哋 4月 16同 17日喺紅館舉行《日日彈起 Twins演唱會》。」阿嬌亦幫口：「希望支持我哋！」
表演完，她們以 Twins身份入後台做訪問，記者問到剛才唱〈女校男生〉時，大會播出的 MV剪走了陳冠希片段，阿嬌即話：「我冇睇！」問到係咪想淡忘事件？阿 Sa即護嬌搶答︰「唔需要淡忘，發生咗就係發生咗，大家唔好再講，條路都要繼續去。」阿嬌亦無奈附和：「大家唔使再提就過咗去！」
之後，阿嬌與大隊坐旅遊巴離開場館，駛到氹仔碼頭時，有近十名 fans吶喊，未夠鐘上船嘅阿嬌竟罕有地與阿 Sa落車，與 fans影合照，然後才返上車等上船，大打親民牌。及後當她們步入碼頭，沿途的 fans都係追住阿 Sa，明顯冷落阿嬌。 Twins返到香港港澳碼頭時，已是凌晨四點幾，阿嬌步出碼頭時，雖然都有唔少 fans等偶像攞簽名，但看受歡迎程度，阿嬌似乎弱了很多。不過，有途人見阿嬌時驚叫「阿嬌呀！」阿嬌即友善地 say hi，與昔日 cool爆態度，簡直天淵之別！

彈唔走甲組腳
3月 3日， Twins在都會海逸酒店舉行演唱會記招，曾任纖腿代言人的阿嬌，雖然穿上黑闊褲及黑襪，仍遮唔住一雙甲組腳。
 
在記招上，英皇特別安排了一架紫色開篷波子，掛上假的 Twins車牌，並安排十數個 fans尾隨造勢。
 
Twins入後台做訪問時，阿嬌降呢幫阿 Sa揸埋咪，記者問到有關陳冠希嘅問題時，阿 Sa亦處處護嬌。

緋聞男女扮唔識

阿嬌返港後，亦與助手一馬當先行前，與陳偉霆（白圈）保持距離。
 
日前曾大讚師弟「好咀」嘅阿嬌，與陳偉霆突變生疏，陳偉霆走近時更擰轉面扮睇唔到。
 
阿嬌刻意避緋聞。與緋聞男友陳偉霆合唱〈就在現場〉，埋牙跳辣身舞時，她表現得相當拘謹。