朱茵愁爆躁底黃貫中與朱茵拍拖到結婚這些年來，經常四處辣火頭。如今連 80歲老父都遭他指責是「色老頭」，更揚言要手刃他。據知，與老爺關係不錯的朱茵頓成磨心。
滾熱辣
揭八旬老父中風 阿 Paul揚言殺父 磨心朱茵閉門冇眼睇
49歲黃貫中（ Paul）向來躁底，先後與 Beyond隊友黃家強和記者駁火鬧交，估唔到今次矛頭直指 80多歲老父。上周五（ 22日），黃於微博忽然上載一篇「殺父宣言」，警告老父若再打母親和老婆朱茵，便會手刃對方。
「殺父論」一出即被瘋傳，可是，本刊從多個途徑得知，黃貫中老父於兩年前已中風不良於行，長居大埔村屋深居簡出，與住在九龍城的朱茵相距十萬九千里，加上黃父、母早在黃貫中十歲那年已仳離，據知黃母已多年沒有與黃父相見，似乎老父「郁手」之說仍存有疑點。向來和老爺關係不俗的朱茵，曾多番勸黃貫中做事不要魯莽，但有人卻火遮眼一意孤行，令朱茵慘變磨心，近日她一直自閉家中避傳媒。
自從 Beyond解散後，黃貫中一直以搖滾教父自居，但越老越好火的他，經常在微博發炮鬧人。上周五「手刃老竇」留言一出，即嚇窒網民，更引來大批記者在他和朱茵的九龍城寓所守候，可是連日來卻未見二人蹤影。
微博爆家暴上周五（ 22日），黃貫中在微博上載一篇「殺父宣言」，大爆老父打老母、打老婆朱茵，更揚言怕自己會變成殺父仇人。黃言論一出，即引起廣泛關注，更有律師指若有證據顯示當事人會採取行動，便會構成刑事恐嚇。 
愛女面前變慈父平日火爆的黃貫中，對着囡囡「叉燒包」即火氣全消，他更經常上載與愛女合照上微博。
好友指亂諗
今次事件引來各方揣測，近日有報道指黃父因為上門強行拖孫落街，遭朱茵反對，盛怒下郁手推撞新抱。本刊卻從黃貫中身邊好友得知，黃父早於兩年前已中風，現長居大埔林村寓所，出入要坐輪椅，甚至連起居飲食都要靠菲傭照顧。知情人透露：「我哋睇到段嘢都嚇一跳，佢（指 Paul）係咪將啲時空撈到亂晒龍。我哋識佢廿幾年，上佢屋企從冇見過佢阿媽。佢老竇前兩年中風，兩隻腳根本行唔郁，行出行入都要人扶，最近仲要坐輪椅，連攞水杯都要靠人，點打人？」黃貫中微博出街後翌日，本刊訪問其現任樂隊成員 Jimmy，他指黃父近年患上老人病，不良於行。「佢爸爸好大年紀啦，都 80幾歲，又有老人病，話佢打朱茵，我覺得有啲奇怪！」
事實上，黃父、黃母除了早年離婚外，黃貫中和老父感情其實相當不錯。據了解，年輕時做玩具 sales的黃父，自離婚後，獨力照顧三個兒子，因此黃貫中對老父十分尊敬。記者翻查黃貫中在 89年推出的自傳《心內心外》，當時黃貫中大讚老父：「十歲那年，父母仳離，父親身兼母職，要出外工作，回家又要打理家務……我的心其實很尊敬他。」
自稱尊敬父親黃貫中 89年出書自爆父母在他童年時離婚，三兄弟自此跟父親生活。黃在書中對於父兼母職的父親甚為尊敬，父子關係不錯。 
自揭老父中風黃貫中去年七月中在微博寫的一段說話，顯示當時其 80歲高齡的老父已中了風。 
戙枴杖撐場三年前，黃貫中開騷，其父亦有現身撐場，當時不良於行的黃父仍未中風，但已經要用枴杖行路，而行出行入亦要人攙扶。《壹週刊》圖片
老父朱茵分開住
菲傭代放狗記者曾在大埔黃父寓所外見到，晚上室內開了燈，但試過拍門，卻冇人應門。日前只見菲傭帶阿 Paul兩雙藏獒外出散步。 
連日不見蹤影
連日來，記者分別到九龍城和大埔等候黃貫中、朱茵和黃父，雖然見到他們寓所在晚上開了燈，但一直未見各人蹤影。只試過在大埔黃父寓所看見其菲傭拖着黃貫中兩隻愛犬散步。記者亦曾問過村民，有人表示黃父這幾天不會外出，着記者不用等。
對於黃貫中言論，日前本刊致電前 Beyond成員葉世榮，他坦言對事件感到震驚，更不相信黃父會做出此行為。「係咪宣傳嚟咋？我最後見佢（阿 Paul）係七月喺自己個騷度，佢做嘉賓，當時佢好正常冇乜嘢，有講有笑。不過佢寫呢啲嘢出嚟，係人都驚咗佢，亦怕佢出事，大家俾啲空間佢啦。（你覺得黃父點？）我以前上過佢（黃貫中）屋企食飯，佢老竇好好人喎！（ Paul父、母一早離婚？）係呀，我諗阿 Paul係講細個俾老竇打啫，唔係講依家。」至於曾與黃貫中鬧翻的黃家強，在電話中表示：「希望阿 Paul有咩事慢慢講，要冷靜，如果唔冷靜，好多嘢都解決唔到！」至於朱茵和阿 Paul，本刊多次致電給二人，亦曾走訪過其九龍城寓所，經看更通傳記者採訪要求，但至截稿前仍未有回覆。
即使生完囡囡「叉燒包」後，黃貫中依然經常在自己的 band房打躉，在 band房內又煙又酒，生活日夜顛倒。 
兩公婆潛水自發表「殺父宣言」後，有指原本身在美國工作的黃貫中已悄悄返港，但他和朱茵一直冇現身解畫。據知朱茵曾就此事勸告老公冷靜。 
為電影宣傳？黃貫中發微博之際，碰巧其擔正的電影《末日派對》上畫，因此有網友猜測黃的言論只是為電影宣傳。
至於黃家強，在電話中則苦口婆心勸黃貫中要冷靜。「佢要冷靜，先可以解決到問題！」 
與黃貫中相識多年的葉世榮和黃家強，坦言不太相信黃父會做出家暴行為，葉更指黃貫中言論嚇親人。
掟家強出街
「殺父論」一出後，一直冇人聯絡到黃貫中，直至四日後（ 26日），他忽然上載一句「天佑青島」，為青島爆炸案的死傷者祈禱，相反對殺父論卻隻字不提，當冇事發生過一樣。 
若無其事上微博 
撰文：娛樂組
攝影：攝影組
留言列表
