仲謙，覺得這名字陌生？多加一句：「《搜下留情》入面馬德鐘個細佬！」九成人該立刻回應：「哦！好靚仔又大隻嗰個。」有樣有身形嘅年輕八十後，入行五年沒有半點緋聞，一言一行純樸到有點兒嚇人。不過講到揀車，一身肌肉嘅佢倒有點理所當然：「我愛大車！」最愛四驅抓地穩當，也恰如他自言「從不敢一步登天」嘅個性。記者：許維雅攝影：楊錦文
其他副刊影片 最欣賞肌肉線條 放大圖片 
《搜下留情》內飾演陽光大男孩吳仲康一角，羅仲謙如演回自己。開工、休息、做 Gym、曬太陽同打泰拳係佢慣常指定活動，「可能我住圍村大啦，平日同啲朋友都係釣魚、行山，連遊戲機都唔打嘅。」乖得近乎絕種，最重要，佢話自己無女朋友……冧死？揸部 Honda Crossroad兩年，係因為佢似 Hummer，「我特別鍾意大車，好似吉普車或者四驅車呢類，因為揸出嚟嘅感覺夠強，肌肉感型嘅車特別吸引我， Man啲嘛！」睇得出！睇見佢一年大隻過一年、就快可以逼爆衫袖嘅手臂都知佢好肌肉型。借來感覺年輕嘅豐田 RAV4四驅車畀佢試揸，直頭啱晒佢嘴形身形，「我最鍾意車尾，有個後備車胎掛喺度，幾型呀！同埋尾門向側開嘅設計，感覺夠 Raw，去到郊外同啲朋友坐喺車尾吹吓水，幾舒服呀！」其實 RAV4車側骨位、車身多處帶方型嘅設計都有強化整體肌肉感嘅作用，有乜辦法唔得愛 Man嘅謙仔歡心。
怕部車傷心 放大圖片 
■去郊外係假日最大節目，戶外味十足嘅 RAV4正合心意。
性格謹慎嘅謙仔未敢於鬧市搶住試揸，上到半山先大膽發揮，揸車手法亦夠晒穩陣，咁注重安全可能受半年前遇上嘅交通意外影響。「嗰次喺大埔公路，尾隨我嘅車想爬頭，點知就撞向我前面架車，成條鐵枝插咗喺我前面。咁都無受傷真係好好彩，所以以後有機會買新車都一定唔捨得賣佢，因為我覺得呢部車好有靈性保護過我，如果賣咗佢，佢會好傷心 o架！哈哈。」 RAV4備有嘅 IAD主動綜合操控系統、自動調節輔助轉向及 VSC行車穩定操控等功能，行車時加倍安全。「我鍾意四驅車嘅另一原因就係覺得佢力量分佈均勻，四個車胎都有力抓住地面，就好似四腳踏地咁有安全感。」外表攞滿分，加埋性格踏實，仲唔令女生暈晒大浪？咁都未夠，仲要慳家又顧家。「 Dream Car？有，馬莎拉蒂、林寶係男人嘅夢，但始終比較奢侈，同埋我覺得有車係有助人與人之間嘅溝通，揸車載朋友、載屋企人周圍去嗰種都好開心，都係一種溝通，呢啲感覺超跑畀唔到我。」
放大圖片 
1.謙仔對自己駕駛技術充滿信心，「可能平日揸慣大車啦。」
放大圖片 
2.覺得有霸氣先夠型，搶眼大 Size頭燈為車頭添上不少氣勢。
放大圖片 
3.五輻式 17吋合金輪圈設計新穎。
放大圖片 
4.謙仔最欣賞呢個後備車胎掛於車尾，夠 Man嘛。
放大圖片 
5.內櫳設計簡潔，謙仔就覺得毋須浮誇，揸得舒適已經足夠。
放大圖片 
6.銀灰色頂架最適合愛運動嘅謙仔用來綁大型運動用品。
放大圖片 
7.用作戶外活動嘅四驅當然配真皮椅最實用。
規格 放大圖片 
引擎： 1,998cc直四雙頂 16氣閥 VVT-i馬力： 152PS/6,000rpm扭力： 194Nm/4,000rpm傳動：四前速電控自動波售價：$269,820（卓越版）；$314,700（豪華版）查詢：皇冠車行（ 2866 1020） 
■典型陽光男孩點可以無天窗襯托，大家睇吓佢對手臂！
留言列表
