相隔十四年，鄭伊健和陳小春再度合作拍江湖片，不過在新戲《飛砂風中轉》中，昔日揸刀劈友搏上位的浩南和山雞，已變成今日髮線向上移的古惑佬。兩個古惑佬由於唔想做社團大佬，度埋唔少屎橋，結果搞到笑話百出。
其中有幕講葉璇同小春，因仔女入名校而爭執，葉璇以其鳳爪狂揸「小小春」一幕，更是全片笑料精華。
據知，當日拍攝此鏡頭時，葉璇原本與導演莊文強商量用借位就一就，不過路過嘅陳小春就笑葉璇「未見過大場面。」點知小春呢頭笑完，唔襟激嘅葉璇就用力揸落「小小春」度，痛到入心嘅小春為保住重要部位，惟有就地取材，硬塞廁紙入褲襠。啱嘅！同應采兒結婚冇耐，若果小春就咁俾人拆咗「祠堂」，老婆仔實行死俾你睇。
小春嗌「用力揸」
雖則話拍戲，但話晒係重要部位，事前試位當然唔少得。最初葉璇摸小春嗰陣，都尷尷尬尬，不過小春就話：「你咁揩吓揩吓，天光都未拍完。」隨即捉實葉璇隻手放在「小小春」上，並說：「用力啲，我頂得住喎！」
「小小春」受創
點知呢頭小春話「頂得住」，嗰頭葉璇就用力揸落去，小春即時大嗌一聲：「中呀中呀！呢吓中到正！」痛到攣弓蝦米面露青筋嘅小春，估唔到仲識得同身旁嘅方中信講笑：「導演靠害，方 sir你做證，我冇仔生惟佢是問！」
廁紙裝假狗
為防葉璇再使「龍爪手」，小春見枱上有包廁紙，即向導演提議攝入底褲內，實行香蕉仔充巨炮。擺啱個位，葉璇再出手，點知包廁紙唔生性，揩一揩就移位，最後要搵牛皮膠紙黐實，結果呢場戲足足拍咗 22個 shot，莊導演先收貨。
栢芝式熊抱
戲中飾演小春惡妻嘅葉璇，成日食住小春，就連同老公親熱都豪邁過人，十足栢芝喺《喜劇之王》搵對腳擒住星爺一幕（右圖）。葉璇說：「我有跳舞底子，箝住佢唔難，不過難為咗小春，加加埋埋，佢足足孭咗我半個鐘有多。」
狂晒事業線
心口本身多肉嘅葉璇，在戲中所着的戲服，清一色係 deep V大領衫，狂拋 34C咪咪加三吋長「事業線」，絕不吝嗇本錢。剛奪金像獎「女配角」的她，睇嚟搏到盡，想再下一城奪影后。
脷疊脷狼嘴
在戲中錫老婆錫到燶嘅小春，經常同老婆葉璇煙韌，更由睡房錫到出廚房。兩個以往都拍慣親熱戲，脷疊脷 french kiss，小兒科零難度！
中佬髮線向上
42歲鄭伊健重出江湖做古惑佬，可惜髮線就一直向後移，再加埋呢個 all back look， M字額無所遁形。相反在戲中做佢阿媽嘅余安安，無論身形樣貌依然 keep得住，做伊健阿媽，似乎委屈咗佢。
浩南變鵪鶉
在《古惑仔》系列中，伊健所飾演嘅陳浩南，打得又睇得，同人打交梗會企喺最前面。不過今次《飛》片中，半隱世嘅伊健無復當年勇，打起交上嚟，唔係避最後，就係勸人唔好打，十足鵪鶉一樣。
陳小春下體遭葉璇飛擒 硬塞廁紙入褲救命
相隔14年，鄭伊健和陳小春再度合作拍江湖片，不過在新戲《飛砂風中轉》中，昔日風風火火的浩南和山雞，已經變成今日發現上移的古惑佬。兩個古惑佬由于不想做社團大佬，鬧出不少笑話。
其中有一幕葉璇同陳小春因子女入名校而爭執，葉璇以其鳳爪狂抓陳小春下體一幕，更是全片笑料精華。據知，葉璇十分用力的用手叉過去，痛苦萬分的陳小春爲了保住重要部位，惟有舊地取材，硬塞廁紙入褲裆，場面十分搞笑！
留言列表
