鮑起靜和姚佳雯昨日在葵涌出席「母親節關愛同樂日」。日前亞姐顏子菲被爆搭上已婚的亞視前導演謝松軒，更有指其室友姚佳雯爆女方忽然富貴，昨日姚佳雯一見記者即表現避忌，其後見到鮑姐時即哭訴。問姚佳雯是否因顏子菲一事而被公司照肺？她說：「我又唔係第三者，公司點會照我肺，報道唔係全部我講，子菲都冇怪我，佢心情 OK，識我嘅人知我性格係點。總之成件事我覺得好委屈，都唔關我事，又唔係我爆料。」由於顏子菲正被亞視雪藏，合約 7月屆滿，姚佳雯指顏子菲透露若未獲續約，就會返加拿大讀書。問她可有勸顏不要破壞別人家庭？她說：「我一早勸過。」那她自己與謝松軒是否熟悉，姚佳雯斬釘截鐵說：「唔熟，我唔想拿屎上身。我屋企人本身係因為第三者離婚。」採訪、攝影：王崇穎

姚佳雯被指爆顏子菲（小圖）大鑊，昨日她出席活動時不禁哭泣。

姚佳雯眼淚控訴冇出賣顏子菲

姚佳雯、鮑起靜（鮑姐）出席母親節活動，姚佳雯一見鮑姐，即時攬着她喊，更委屈表示顏子菲與導演搭上一事並不是她爆出來，又反問：「我係唔係應該要假啲？」被指多事的她，受盡委屈，更不諱言曾遭「質問」。

姚佳雯突然攬住鮑姐喪喊，嚇得鮑姐急急詢問發生甚麼事。

亞姐顏子菲與已婚導演謝松軒搭上，事件令二人賠上前途。昨日，與子菲同住宿舍的姚佳雯出席活動時，突「變臉」攬着鮑姐喊，狀甚委屈，嚇到鮑姐不停問她甚麼事，事後佳雯否認被公司「照肺」：「我又唔係第三者，做乜照我肺！都影晒相，唔關我事，怕講多錯多，唔該各位畀我走啦！好多人覺得我講得太多，我性格太真，係唔係應該假啲？（同子菲姊妹情不再？）唔係！同佢係好朋友，要講我一早講咗，唔會喺下面（意指背後）玩嘢！（側邊人話你多事？）有囉！」

冇哭訴亦冇斬纜

佳雯又指子菲現時心情ＯＫ，其工作會停至六月一日，說到子菲合約到七月便滿，她說：「尋晚都有同佢傾偈，佢話公司繼續簽合約會簽，唔係就返加拿大讀書。（佢有冇話同個導演斬纜？）冇，（佢有冇喊？）冇！（對佢失望？）唔好咁講，唔知乜嘢說話講得、乜嘢唔講得。」而記者問她與阿軒是否很熟時，佳雯斬釘截鐵的謂：「唔係！都係打吓招呼咋！唔想攬屎上身，我之前嗰句說話係真，父母都係因為第三者離婚，呢啲家庭嘅小朋友點諗大家知，唔使點講。」

姚佳雯心情平復後，強調與搭上人夫的顏子菲姊妹情不變。

王希瑤頂替工作

此外，亞視高層鄭偉強指同事已聯絡子菲，覺得她沒有悔意、沒有道歉，而原本子菲做的《家在中國》會改為王希瑤頂上，記者致電希瑤，她表示公司只叫她盡快返來，並沒有講原因，及後知道事件，記者問她覺否子菲破壞亞姐形象，她說：「都唔知點講，畀多啲時間佢，佢係一個好女仔，希望可以堅強啲。」

此外，鮑姐坦言現時年輕人開放，但不應影響家庭，其父以前都很風流，幸而浪子回頭，她坦言都會勸子菲及阿軒。鮑姐又稱女兒現時於倫敦，只希望適婚年齡的她可早日生ＢＢ，更不介意囡囡生ＢＢ才結婚。

顏子菲早前被拍得與已婚導演謝松軒搭上。

王希瑤將頂上顏子菲當主持。

姚佳雯激動喪喊

最近亞姐顏子菲搭上已婚導演謝松軒，令女方被公司「雪藏」，男方更遭炒魷！昨日與子菲同住的姚佳雯出席活動時突然喪喊，更激動得攬着鮑起靜。佳雯坦言感到委屈，問到是否被公司「照肺」？她說：「我又唔係第三者，好多人覺得我講得太多，我性格太真，係唔係應該假啲？」她表示與子菲仍是好友，坦言不是爆料者，又透露前晚曾與子菲傾偈：「佢話公司繼續簽合約就會簽，唔係就返加拿大讀書。（有冇話同個導演斬纜？）冇！（對佢失望？）唔好咁講，都好驚，唔知乜嘢說話講得。（同阿軒好熟？）唔係！唔想攬屎上身。」至於鮑姐認為結交朋友沒所謂，但不要嚴重到影響別人家庭，並坦言會勸導子菲及阿軒。

此外，有指亞姐王希瑤將頂替子菲做《家在中國》，但希瑤表示不知情，問到是否覺得子菲破壞亞姐形象？她說：「畀多啲時間佢，希望佢堅強啲。」亞視高層鄭偉強透露同事已聯絡子菲，覺得她沒有悔意又沒有道歉，令他十分意外。