在港鐵站見到某電影海報，有一隻高跟鞋踩爆足球，其實女人跟世界盃並不是永遠只能對立，作為一個好女友、好太太，世界盃期間除了呷醋撒野之外，不妨炮製健康愛心小食，好似 Catherine仲用睇波良伴啤酒及提子乾加入做熱香餅，出來效果好鬆化，女人加上足球，呢個化學作用大到連「 Kingsley」林峯都解釋唔到！記者︰黃家欣攝影︰楊錦文場地提供︰ Six Senses（ 2838 9905）
Catherine（國泰航空飲食服務中心廚師） 放大圖片 
現年 23歲，已有五年包餅工作經驗，擁有多個專業牌照，亦熱愛烹飪，曾參加過不少大型菜式設計比賽。
提子乾熱香餅 放大圖片 
00hr20min製作難度：★★☆☆☆份量： 4人熱香餅香甜鬆化，入口除了有蛋香，還有陣陣啤酒麥芽香，而且仲有粒粒提子乾好有咬口，就算不加蜜糖及糖漿，已經好夠味，一邊睇波一邊搣來食夠方便！
材料
雞蛋 4隻、砂糖 175克、低筋麪粉 320克、水 100克、啤酒 80克、泡打粉 15克、溶牛油 27克、加州提子乾 50克
做法
1.將雞蛋拂勻，加砂糖、水及啤酒拌勻。2.然後篩入低筋麪粉及泡打粉拌勻。3.再加溶牛油拌勻成為麪糊。4.燒熱鑊下少許油，加入一勺麪糊，灑上提子乾，用慢火煎至冒泡，反轉煎至兩面金黃色即成。
放大圖片 
放大圖片 
放大圖片 
放大圖片 
花生脆脆 放大圖片 
00hr30min製作難度：★★☆☆☆份量： 4人平時睇波總要有一盤花生邊咬邊睇才過癮，齋食花生未免單調一點，不妨加入提子乾及糖漿，做成香脆又甜蜜的花生脆，食落有多重口感，加入提子更加無咁滯。
材料
加州提子乾 70克、花生 100克、砂糖 130克、水 30克
做法 放大圖片 
1.先將花生放入保鮮袋，然後用擀麪杖略為敲碎。2.將水加入鑊煮滾，加入砂糖用大火煮成金黃色後熄火。3.放入花生碎、提子乾拌勻，平放於枱面攤凉即完成。
放大圖片 
放大圖片 
麪包布丁 放大圖片 
01hr00min製作難度：★★★☆☆份量： 4人麪包先烘到金黃香脆，再浸牛奶蛋漿，食時口感仍然鬆化，下半部份則香甜軟熟，蛋香十足，加入粒粒提子，更有果香，睇波時拿着一杯杯慢慢食，真係最佳消夜！
材料
麪包 3片、鮮奶 250毫升、砂糖 40克、雞蛋 4隻、加州提子乾 30克、牛油 50克
做法
1.將麪包切成小正方形，塗上牛油，將麪包放入已預熱至 180℃焗爐，焗至兩面金黃。2.將雞蛋、糖、鮮奶及提子乾拌勻成為蛋漿。3.取出焗好的麪包，放入焗盤，淋入蛋漿至九成滿。4.放入已預熱至 180℃焗爐，隔水焗 45分鐘即成。
放大圖片 
放大圖片 
放大圖片 
放大圖片 
脆脆芭菲 放大圖片 
00hr15min製作難度：★☆☆☆☆☆份量： 2人世界盃要捱夜睇波，當然要補充一下營養，這個加入乳酪及提子的脆脆杯，香滑濃厚又帶淡淡酸味，食完好醒神。
材料
純味乳酪 100克、早餐穀物脆片 80克、加州提子乾 20克
做法 放大圖片 
1.將早餐穀物脆片倒入杯中，加入純味乳酪，再鋪入少許穀物脆片。2.最後加提子乾即成。
放大圖片 
放大圖片 
燕麥曲奇 放大圖片 
00hr30min製作難度：★★★☆☆份量： 2人曲奇餅可減少糖份，食時就更清淡健康，灑上提子乾令味道多一份香甜，另外還有一粒粒焗得脆卜卜的燕麥，食時口感香脆，有食薯片的口感，但就無咁熱氣！
材料
牛油 450克（放軟）、砂糖 225克、雞蛋 3隻、高筋麪粉 340克、低筋麪粉 235克、燕麥 50克、加州提子乾 200克
做法 放大圖片 
1.牛油加砂糖拌勻。2.將高筋麪粉及低筋麪粉倒在枱面，中間挖一個洞，打入雞蛋，放（ 1）用手搓勻成粉糰。3.然後加入燕麥及提子乾搓勻。4.將麪糰搓勻後，用擀麪杖壓平，用圓形模印出圓形，放上焗盤。5.放入已預熱至 150℃焗爐，焗 12分鐘即成。
放大圖片 
放大圖片 
留言列表
