峰 So玄理
動土煞礙健康
2010年06月04日
好多時去睇風水，有啲屋主身體麻麻，其中一個原因係窗外有建築地盤，形成動土煞，令到佢哋健康出現問題。
何謂動土煞
從建築地盤、掘地工程、外牆維修以至對戶裝修都可列為動土煞。動土煞是所有煞氣中最嚴重的，輕則引致疾病連連，點醫都冇用，重則要入院開刀做手術。而所動土嘅面積愈大，煞氣就愈強。若對正嘅動土位置咁啱喺流年太歲位、三煞位、五黃位及二黑位，影響會更嚴重。
化煞方法
準備五種物品：不必用貴價風水物，只需按五行的屬性準備便可。
金：金屬發聲物件，如風鈴及上鏈音樂盒，但忌用電子音樂盒。
木：任何泥種植物一盆。
水：普通水喉水一杯，但忌用蒸餾水。
火：任何紅色物件。
土：任何天然石頭。
化煞排陣
按煞氣來自的方向排列五種物品，並對着動土方向擺放。
備註： 2010年（虎年）
太歲位 東北
三煞位 正北
五黃位 西南
二黑位 東北
So time
讀者鄭 X雲問：我是你的長期讀者，每年都有買你的運程書。
我兒子生於 197X年新曆 9月 X日，午夜 3時 35分（農曆八月 X日寅時），他除了剛中學畢業做了兩年長工，以後就沒有一份工做得長，其間 6年也找不到工作，是他懶還是他沒有運氣呢？到甚麼時候才會好轉？他現在的工也不長久，是否因我的命運影響了他？有相士說我晚年會很慘，我和丈夫都已退休，只靠一個女兒供養，請你幫幫我，謝謝，祝健康。
蘇師傅答：你兒子的命格屬「金」，生於秋天，要「火」嚟照暖，「木」嚟生「火」，照睇佢命格，到 14歲開始入人生大運，行到 44歲，但因為男人 30歲之行運冇用（太 young把握唔到）， 04至 09年屬「金」、「水」，所以對佢都冇用， 2010至 2015年先至係你兒子正式入運嘅時期。你話佢 6年都找不到工作，當然係懶啦，點會冇運氣呀？我成日講 o架啦，好多 70後 80後，都冇上進心，喺 04至 09年社會經濟都唔係咁惡劣，加上佢哋都唔係一把年紀，有乜可能搵唔到工吖， part-time都應該搵到份啦，所以一定係個人性格問題。八字上嚟講，你個兒子對錢好緊張，硬頸固執脾氣差，老闆鬧幾句就唔做，依家後生一代嘅面對逆境指數好低 o架咋，係咪你縱得個仔太犀利？嗱，如果你個仔唔再積極啲，你晚年就梗係慘啦，叫佢好好把握 2010至 2015年嘅機會，如果錯過呢，佢仲慘！
■讀者想蘇師傅幫你算命，可連同出生日期（新曆）寄至本刊編輯部，註明《峰 So玄理》收，蘇師傅每期會抽出一位幸運讀者，為佢解答。
撰文：葉嘉儀
攝影：袁家樂
插圖：辛文傑
資料：蘇民峰師傅（ http://www.masterso.com）
留言列表
