以前一講 SUV，城市越野喎？梗係有型行先，四驅係咪嘥油，我真係懶理，不過今時今日，就算唔旨在啲錢，食油怪始終會俾人批評係環保剋星。要有型同兼顧環保，點會唔得？好似三菱 Outlander2.0，就係一架打正環保旗號的七人 SUV，將四驅換上兩驅，幫荷包慳番唔少之餘，都係時候為環保出一份力喇！記者：趙慧敏攝影：林栢鈞Model： Pinky@Pure Models
其他副刊影片 放大圖片 
放大圖片 
■設有頂架，唔擺雜物都上型味。
放大圖片 
■側鏡設有指揮燈。
放大圖片 
■ 18吋合金胎軨，襯得起大車身。
4WD雙生花 放大圖片 
■駕駛座舒服到可以瞓一覺。
去年鮮有新車推出的三菱，蟄伏一年後，踏入 2010年，開始發動一連串攻勢，最令人關注的當然是 i-MiEV電動車正式在市場公開發售，似要用行動證明電動車發展，已踏入成熟期，雖然反應如何暫時仍是未知之數，不過話口未完，三菱再有一款以環保招徠的車款推出市場，而且還是市場少有的七人 SUV。其實 Outlander早年曾先後推出 3.0及 2.4款式，今次廠方將引擎降至 2公升，又將原來的 4WD改為 2WD，明顯衝着減低耗油的環保市場而來。外觀上，兩驅 Outlander跟本來的四驅版本可以視為孖生兄弟，同樣擁有三菱鯊魚式車頭設計，凌厲的頭燈，配在 SUV身上，實在襯得起有餘。不過今次重點唔係外觀，而係性能跟 2.4版本的差距。老實講，睇番數據，將原來 2.4公升引擎改為 2公升引擎，令馬力由 170匹下降至 148匹，不過峯值扭力亦由原來 4,100轉釋出 226Nm，下降至 4,200轉才釋出 197Nm，動力稍降是意料中事，不過數據歸數據，而且 4WD與 2WD，始終是兩碼子事，真正駕駛感覺才夠實際。
放大圖片 
■ LED尾燈組合，夜晚搶盡鏡頭。
放大圖片 
■起角的頭燈設計，十分凌厲。
放大圖片 
■中控台設計與 2.4版本相同。
放大圖片 
■中排座椅伸展位足夠。
咬地感稍削 放大圖片 
■尾座設計偏窄，但翻下地台收藏後，帶來十足空間。
踏入車廂，已定下目的地是彎多路斜的清水灣，雖然深踏油門後，引擎聲稍稍欠缺雄渾感，但一口氣直衝上大斜路，仍有足夠力水，選用+/-波撥片，轉波反應利落。不過始終是 2WD，加上高車身，在彎路時咬地表現稍為遜色。講到其他設備， 2公升版本同 2.4版本確是不相伯仲，大天窗當然是 SUV必備， 18吋合金胎軨、霧燈、 LED尾燈組合，都啱晒車主要求。至於內櫳佈局，雖然第二排空間十足，但尾排則稍嫌夾硬嚟，為遷就座椅可完全置於地台下，座椅軟墊明顯較薄及狹窄，但可以多載兩個人，始終較合乎經濟原則。環保分子數口精自然是理所當然，既然 Outlander2.0被政府確認為環保私家車類別，可獲 30%首次登記稅優惠，車價只係$239,900，比起 Outlander2.4要$299,900，足足平成 6萬，計埋慳番嘅電油費，確係諗得過。
放大圖片 
■車形剛陽味十足，估唔到都做到環保一族。
放大圖片 
Outlander2.0規格
引擎： 1,998cc MIVEC馬力： 148ps/6,000rpm扭力： 197Nm/4,200rpm傳動： 6前速自動變速系統售價：$239,900查詢： 2721 1111（寰宇汽車） 
留言列表
