明星靚相大分享☆

Angelababy能夠由 o靚模變為宅男女神，再升呢進攻日本簽約 Avex，全靠經理人 Kim（周優根）一手捧紅。 14歲已跟住 Kim搵食的 Baby，今次欲起飛腳，全因受男友黃曉明影響。

紅戲唔紅人

據知在上海出生及長大的 Baby，眼見內地市場大，所以一直希望於日本站穩陣腳後，下一步便是搵「人仔」，知情人說：「 Baby上年套《全城熱戀熱辣辣》喺內地票房唔錯，但 Baby始終冇大紅。阿 Kim又因為 08年喺一間由太子黨經營嘅 model公司撬走 model陳碧舸（李澤楷前緋聞女友，前國家體操隊代表），而同『上面』關係唔係最好。」對於親生女想起自己飛腳，週一（ 21日）， Kim接受電話訪問時堅決否認 Baby會提早解約。「冇咁嘅事。大陸市場一定會發展，不過係我同 Baby一齊囉。」

億萬一哥

貴為內地一線男星，黃曉明片約一部接一部。身為華誼旗下藝人的他擁有公司 180萬股、市值過億。雖然規定公司上市後一年內（ 2010年前）不能將股份變賣，但時間過得咁快，曉明要退股套現轉頭就得啦！
本週一，黃曉明專程來港出席活動，但活動結束，他便急急腳走人，記者想埋身都唔得。

曾經係國家體操隊成員嘅陳碧舸（左一）， 08年由內地模特兒公司轉簽 Kim（左三），但現時已約滿，陳亦轉簽了其他 model公司。