我唔用墊！(真實對白)
王君馨上圍由 34C升至 34D，佢堅持真材實料唔加 pad，影相當日果然拒用「砵仔糕」人工升 cup，王君馨話：「太誇啦，感覺好假！」
忙得滯
南非好危險 王君馨力保處女 唔做世界妹
2010年06月23日
高海寧貴為無綫咪神，連去高危南非做世界盃節目失蹤兩粒鐘都嚇到班宅男要報警咁滯，搞到咪神要公開報平安。
咪神風頭勁，但做開《為食總司令》，自稱仲係處女的王君馨一樣戰鬥格，早前在世界盃活動上硬撼高海寧。明明做開旅遊節目，但世盃肥肉反而益咗高海寧同梁政珏， 24歲王君馨話：「我太忙啫，又拍劇又要登台。」
南非治安差，有乜依郁失豬大吉利是！
起初以為王君馨唔識打桌球，但原來佢喺美國讀書時，已經練得一手好球技，唔做飲食都可以撈埋《體育世界》！
王君馨自 07年獲得港姐亞軍後，做完《日日有食神》又撈埋《為食總司令》，成為無綫旅遊飲食節目新紮主持，但可惜最近人人關心的無綫世界盃節目《南非 Ready Goal》，卻被高海寧同梁政珏攔途截劫，梁政珏讀番書識英文都勉強合格，反而港女高海寧英文唔識多粒都有得去南非，先為王君馨唔抵！
自爆處女
肥豬肉被人搶咗，王君馨話全因自己忙得滯，王君馨說：「監製都有搵過我，可惜我要拍劇（古裝劇《洪武三十二》）拍到 7月，又要登台，好似我星期二（ 22日）就要飛去加拿大做騷， 8月又要去印尼登台， TVB根本都度唔到期，所以咪做唔到囉！」
做唔到世界妹，不過早前王君馨同高海寧出席足球 game宣傳時，王君馨就谷行低胸正面硬撼咪神，上圍再發育，王君馨話：「我食肥咗啫，上圍先由 34C升到 D咋，其實我平時都好少用墊，我覺得好唔自然同太誇啦！」上圍天生勁已經有話題，王君馨仲自爆係處女：「我同初戀男友拍咗半年拖咋，之後就返咗香港，所以咪仲係處女囉！」貞操事大，去唔到南非好閒啫！
王君馨早前同高海寧出席由 Sony搞嘅 PS3版南非世界盃遊戲活動，對住新咪神高海寧仍以 deep V球衣硬撼對方，真金不怕紅爐火！
梁政珏續簽無綫後，隨即跟大隊去南非拍世界盃特輯，問王君馨知唔知俾邊個執咗二攤，王君馨話：「我唔知……我連高海寧失蹤都係睇報紙先知！」
美國學誇張
其實喺之前《日日有食神》開始、到家陣《為食總司令》，喺美國麻省 Babson College讀企業管理系嘅王君馨已被網民插爆佢表情太誇張，王君馨話：「我喺美國讀書時學演講係要咁誇張 o架，或者唔適合香港啦。」不過家陣上電視唔係演講喎，王小姐！
嘩！我未食過加菲蟹 o架！(真實對白)
當幟哥遞上加菲蟹時，王君馨隨即高八度大嗌，難怪網友話佢超造作。
吓！有薑味雪糕食呀？(真實對白)
喺《為食總司令》中，王君馨成日都大叫，見到薑味雪糕反應都誇過人，網友就話宋熙年（左）自然好多。
幟哥：宋熙年醒目啲
幟哥隨手攞起條東星斑：「我每日都會監工揀食材，保證酒樓條條都係海魚。」
王君馨同另一主持宋熙年喺《為食總司令》其實只係配菜，主角係 51歲總司令幟哥（黃永幟），有間酒樓同喺馬來西亞沙巴有魚場，亦同圈中好多明星相熟，不過佢講嘢好小心，連拍住兩位索女出 trip，幟哥都唔敢多批評，只說：「宋熙年醒目啲嘅，可能佢喺澳洲讀書，對澳洲好熟悉，王君馨第一次去澳洲，所有嘢都覺得好新奇，所以反應大啲囉。」逢人讚，難怪愈撈愈掂。
留言列表
