我上圍 32F！（真實對白）
apm商場以 6位數字包起黃婉曼做世界盃主持，不過胸大背薄女神卻覺得自己不適合做幕前，現正職內地旅遊雜誌《 12580尚悠雜誌》總編輯的黃婉曼話有 job都要諗吓先做喎！
球迷世界
好波隔代遺傳 32F黃婉曼紮胸防狼
2010年06月23日
天氣女神黃婉曼（ Icy，原名粘冰冰）成功跳出天氣報告成為世界妹學人講波，連口快快話人「有波」嘅《世界盃動起來》老正主持張國強（ KK）都話：「覺得有少少鍾意咗佢」。
唔怕俾人話「有波」，現職內地旅遊雜誌總編的黃老總實屬有料之人，黃婉曼自爆：「身材係隔代遺傳，我上圍都有 32F！」 KK下次爆肚應該要改讚「好好波」喎！
要吸引宅男， o靚模谷胸個個要用砵仔糕加胸墊，背薄胸大天生 32F嘅黃婉曼剛剛相反，胸圍有咁薄得咁薄，打底衫有咁緊得咁緊，目的係收埋大胸怕尷尬。
早前張國強在無綫《世界盃動起來》節目中口快快讚黃婉曼「有波」，但黃婉曼仍護 KK：「佢係一個正氣前輩……大家一時心邪才會笑，我睇得開唔會尷尬嘅。」回應大方到可以去選港姐。
佢又有波！（真實對白）
大家心邪啫！（真實對白）（電視圖片）
又影又
黃婉曼上週四（ 17日）再去 apm講波，有宅男嗱嗱聲捉住佢影相，又有市民打雀咁眼實， 32F離遠睇都過癮！
跳出 TVB
（電視圖片）
黃婉曼最初做天氣妹一句：「跳出香港」已經搞到班宅男流晒口水，如真跳出 TVB出外面撈世界，唔使隔住熒幕睇更加親切。
讚胸大開心
咪睇黃婉曼俾 KK食豆腐都冇乜所謂就以為佢好 open，其實黃婉曼份人超保守兼傳統，由 14歲開始紮胸收埋導彈：「嗰時我啱啱發育，又係肥妹仔，見到自己上圍大過啲女同學覺得好怪，咪着緊身背心打底紮實佢囉，冇咁礙眼同尷尬嘛！直至做天氣報告有網民留意到我身材，我先覺得大唔係壞事，俾人讚係女仔都開心啦，不過我媽咪唔算有料，但嫲嫲就好勁，我身材係隔代遺傳，我上圍 32F，雖然話有唔怕認，不過到家我都會先用窄衫打底，防走光之餘驚惹色狼呀！」
忍前度花心
10幾歲由潮州嚟香港讀書， 97年黃爸爸生意蝕到落谷底，黃婉曼四圍幫人補習，幸好父親生意收復失地等退休：「我人生最唔開心除咗係睇住爸爸生意唔好之外，我中六時，唯一嘅細佬喺交通意外過身先係最難過。我係傳統潮州小女人，喺男友面前好卑微，就算以前男友一腳踏幾船，我反而會問自己係咪唔夠好，以前我諗讀完大學就要結婚生仔，家就冇咁嘅衝動，如果到結婚嘅一日，我應該係攰到唔想再做嘢，轉 field湊仔算喇，要養我好易，每個月 3,000都搞得掂，所以男友唔使有錢，最緊要有責任心。」有身材又小女人仲唔貪錢，有冇咁筍呀？
早前有人爆料話喺香島中學畢業嘅黃婉曼原名係粘冰冰（紅圈），仲話佢 03年撐過 23條，但黃婉曼話：「我身份證都仲係呢個名，家咁敏感，唔好講政治啦！」
好波天氣妹 做到眼紅
有報道指黃婉曼喺世界盃期間勁搵 40萬，但自稱性格 hea到爆嘅黃婉曼就話晚晚捱夜人都癲，連無綫搵佢做節目《香港筆跡Ⅱ》都推埋，又話潮州人好捱得嘅？
睇住食 20:30
做完世界盃又要趕返無綫，黃婉曼趁空檔嗱嗱聲食個快麵，其間仲用 iPhone上網睇直播，好勤力喎！
紫皮車 21:30
黃婉曼跟 TVB攝影師男友曾志釗拍拖兩年，雖然黃自稱男友用 3,000蚊一個月就可以養起佢，不過睇黃婉曼揸住架價值 17萬的本田 Bb車，車籠仲要包晒搶眼紫色皮套加水晶燈， 3,000蚊？換個皮套都唔夠啦！
俾人抦 23:00
黃婉曼係宅男女神，不過返到 TVB跌番落凡間，準時 11點鐘返到無綫都要俾無綫梳頭阿姐寸，難得黃婉曼仍笑笑口話：「 Sorry， Sorry！」
快啲啦，唔幫你整 o架！（真實對白）
急驗眼 22:30
自稱冇乜鬥心最愛飲紅酒同間中打麻雀嘅黃婉曼，連續捱夜搞到右眼發炎紅晒，上週更漏夜去睇醫生急救。
觀眾讚好波
黃婉曼講開天氣忽然轉行講波，雖然半途出家，不過班觀眾一樣受，有市民仲直言佢「有身材又有口材！」夠老實呀！
阿雄（ 17歲）：佢嘅表現比袁彌明好好多，女仔講波嚟講，佢都算做足功課，而且佢有身材又有口材。
四眼阿叔：雖然佢唔係專業評述員，但資料搜集做得好足，而且佢對答講得好好。
Sally（ 19歲）：佢講得幾好，幾有氣氛。至於身材，大家都係女仔就唔評論喇。
留言列表
