起錨落鬧市去鬧事 辯論仲出埋貓紙 真實對白
Mastamic曾經喺內地升讀武漢大學法律系，當時一得閒就會對住鏡同宿舍個窗自練 freestyle，足足練咗 3年。睇完辯論仲作埋首新歌繼續 rap臭曾特首。
facebook頭條
起錨惡搞王 Mastamic Rap死曾蔭權
2010年06月23日
617余曾辯，特首曾蔭權攞住貓紙背台詞答非所問詞窮慘敗，成班 80後喺立法會外集體睇直播，邊睇邊噓爆特首。
好茅「起錨」，最近 24歲本地 rapper Mastamic（馬米）亦作咗首〈 Death of Government政府之死〉，將自己對政府同特首不滿 rap晒出嚟，唱爆「政府該死，特首應該改名叫特狗，特別似小丑……」，句句夭心夭肺。
80後 o靚仔急才好過特首，不如搞場 80後大戰特首辯論，隨時好睇過世界盃巴西對葡萄牙。
互動片段
余曾辯贈興
Mastamic睇完余曾辯即時 rap癮起，為《 FACE》 rap咗首新歌〈余曾 Battle〉。
〈余曾 Battle〉歌詞
啊特首又再一次被技術性 KO
掩眼法都掩飾唔到你喺熒光幕度被技術性擊倒
揸晒講稿 都輸到咁大比數
又再一次證明啊當奴同班奴才根本毫無進步
起錨落鬧市去鬧事 辯論仲出埋貓紙
睇嚟你需要嘅唔係曾班子 係一個專業 MC
所以下次 battle前記住搵我 Masta Mic
唔識我快啲上 YouTube search我首 D.O.G.
特首同公民黨主席余若薇電視隻揪辯論，不論口才及現場表現，特首輸足成條街，港大調查發現 7成人認為余若薇贏咗！
網友勁冧
特首要起錨
搞到要捱鬧
市民終於谷爆
將啲大話逐一篤爆
〈 Death of Government政府之死〉歌詞 rap中 80後心聲，聽完個個讚，上載 4日有近萬人瀏覽，但係更有唔少 80後睇中佢身上件 tee，話好鍾意！
睇 MV可入 YouTube打「 Mastamic」同「政府之死」。
起埋墓碑
Mastamic抵死到將墓碑寫成香港特區政府，玩改圖高登仔實 buy。
阿爺隻狗
表演當日， Mastamic攞埋 MacBook將歌詞駁上投影機畀觀眾跟住歌詞一齊唱，齊齊 rap夠氣氛。
特首「起錨」政改方案搞到一鑊粥，市民唔收貨，近日 YouTube就有一條由本地 80後 rapper Mastamic創作，叫〈 Death of Government政府之死〉嘅 hip hop MV網上大熱，歌詞指特首係「特狗」，又話佢係「小醜」同係「阿爺隻狗」，句句抵死押韻，難怪上週四（ 17日）於立法會門外 80後搞嘅「反特首政改方案活動」上台獻唱贈興時，全場 o靚仔聽到 high晒！ Mastamic話：「我作呢首歌絕對唔係要抽水，我歌詞鬧政府其實只係我愛香港，好似父母鬧仔一樣都係因為愛佢哋啫，我見政府家政制好有問題，話 50萬人投票 5區補選都話小數目可以唔理，我唔認同，所以咪要 rap出不滿囉！」
月入 7千
其實 Mastamic唔係 nobody，佢玩咗 rap有 4年， 2年前成日出旺角同人 battle鬥 rap，結果俾 DJ Tommy睇中簽佢入 Edison做老闆嘅 CMD唱片公司做歌手，仲曾經同農夫、 MC Jin同 24味等歌手合作， Mastamic說：「我同 CMD完約後就自資繼續做音樂，我為音樂放棄正職，家只係做吓大陸酒吧騷、幕後音樂創作等維生，每個月得 6、 7千蚊收入，扣埋 4千租屋，得 2、 3千蚊用，但係我都唔會放棄 rap，見到社會唔公平我都會 rap，等多啲人撐真理！」又一個熱血 80後，香港都仲有希望嘅！
全場跟唱
唱得好！
超正！
〈政府之死〉歌詞節錄
做多兩齣馬騮戲
歪理都唔會變真理
落區做宣傳有個草泥馬嚟會你
80後嘅我都有草泥馬送畀你
617余曾辯當日， 80後為撒回起錨方案搞集會， Mastamic被邀表演，佢一 rap，台下 80後即 high爆，個個仲跟住唱。
農夫合唱
簽入 CMD唱片公司後， Mastamic（右）雖然冇出碟，但佢就有機會喺農夫《富甲天下》專輯中同二人合唱〈馬米字遊行〉。
廿四味阿肥
佢轉數好快，畀咩詞彙佢都 rap到，梗係希望佢繼續玩 rap！
MC Jin個唱嘉賓
上年 8月 MC Jin演唱會請咗 Mastamic（左一）做嘉賓，見佢哋一齊 rap，絕對唔輸畀身邊曾奪 7屆美國 rapping比賽嘅 MC Jin（右一）。
MC Jin
Mastamic佢好尊重 hip hop，係本地好出色 rapper，我撐佢！
DJ Tommy發掘
2年前 Mastamic成日去旺角搵人 battle鬥 rap，結果俾 DJ Tommy睇中，簽做農夫師弟。
DJ Tommy
佢係全港 rap廣東歌最快嘅歌手，所以我咪簽佢，真係天才嚟 o架！
仲有 rapper唱特首
除咗 Mastamic rap政改，仲有另一位本地 24歲 rapper Arho Sunny一樣唔 buy起錨， post咗首〈 Act now but you act like a fool!（ Hey Now）起錨咪搞〉，歌詞一樣好諷刺，話：「小丑打煲呔，點解十足老鼠過街」，仲寸建制派用海鮮團引市民撐「起錨」。
想聽可入 YouTube打「 arho sunny」同「起錨」
MV上載一星期多已有近 2萬人瀏覽獨立 rapper算勁啦。
Sunny話：「我玩咗 rap 10年，從來冇作過政治嘅歌，不過起錨太過分，特首根本唔聽市民訴求，所以咪作首歌表達不滿囉！」
留言列表
