峰So 玄理催文昌蘇民峰－明星靚相大分享☆

峰 So玄理

催文昌

2010年06月25日

近日見好多媽咪級粉絲都忙住阿仔阿女的考試，但係依家呢代細路哥，除咗學校試，仲有其他嘅考試面對！今次我要教大家催文昌，可以提升考試運氣。

催文昌要擺乜

由依家至到今年年尾放「催文昌旺考試局」，方法係喺正北四綠位先放一杯水，並再喺正西方一白位放四枝富貴竹（如下圖），達至「一四同宮發科名」之效，有利提升學生哥嘅考試運。

催文昌仲利簽約

催旺文昌位，除咗對學生哥及進修緊嘅人士有利之外，對訂立契約以及辦理文件，都有正面作用，可以增加成功機會率 o架，所以經常要傾合約或簽重要文件嘅打工仔或老闆級，就要學識催文昌嘞！

So Time

新加坡忠實心急讀者問：本人生於 197X年新曆 5月 X日，晚上 10:30，於五年前有一份高薪有前途的工作，那時候是我的事業高峰，可惜因個人理由放棄了機會。三年前，我想重拾當年事業，卻困難重重，雖然現在有一份長期工作，但本人感到非常徬徨及沮喪，更不知道應該怎樣做，因為本人已嘗試再尋找新發展機會，到現在仍是找不到。本人有下列問題：
1.本人今年事業運怎樣？有轉機嗎？何時有貴人？
2.本人可以做甚麼事（除了繼續尋找機會外）來轉運，重拾當年事業的成就？
3.本人未來二十年事業運怎樣？

蘇師傅答：你嘅命格屬「水」，生於夏天，要「金」、「水」。來信冇寫明你是男或女，不過好在，男或女嘅一生運氣都相似，我當你係男生去睇嘞！你 30歲入運，行到 60歲，呢 30年係自己做生意嘅運。嗱，照睇你喺 2007至 2009年都係好運年，應該都唔錯喎！你 5年前嗰份高薪工作點解放棄呀？嗰時係好運開始，但你放棄咗，兼且喺嚟緊嘅 2010至 2015年，流年對你冇利，要捱要守吓，不宜輕舉妄動。 2012年情緒上仲出現大問題，唔好胡思亂想㖭呀，你守到 2016年，就會係另一個大運期嘅開始，呢次大運去到 2021年，要好好把握嘞！話唔到俾你知幾時會有貴人，總之好嘅年就會容易遇上對你有利有幫助嘅人同事。你最好從事專業或收入唔穩定嘅工，放心啦，未來 20年嘅事業運都 OK嘅，努力工作啦！

讀者想蘇師傅幫你算命，可連同出生日期（新曆）寄至本刊編輯部，註明《峰 So玄理》收，蘇師傅每期會抽出一位幸運讀者，為佢解答。