徐淑敏與黃浩去年奉子成婚後，今年 3月產下女兒 Vianna，昨晚兩夫婦在 W酒店花費約 60萬元筵開 17席，為女兒擺豪華百日宴，好友鈴木仁與沈卓盈都有到賀。昨晚黃浩表示如果可以，希望和太太再追多三個小孩子。

其他娛樂名人影片

現年 25歲的徐淑敏，去年嫁給飲食界才俊黃浩後，一心相夫教子，對娛樂圈發展已不是太熱衷，今年 3月她生下女兒後，一直處於休息狀態，昨晚她盛裝與老公為女兒在 W酒店擺百日宴，在宴會廳門外，擺放了一張小 B女 Vianna的裸照，十分可愛。多位圈中好友抱括沈卓盈、馬賽、寇鴻萍與丈夫及陳嘉容等也有到賀。

為囡囡呷老公醋 放大圖片

100日大的 Vianna全裸照，昨晚擺設在宴會廳門外，特別搶鏡。

昨晚來賓都會收到一瓶紅酒，酒瓶的招紙經過特別製作，是用了他們一家三口的生活照。黃浩昨晚抱着女兒高興地說：「個女中文名叫心瑤，英文名係 Vianna，囡囡今日着緊條裙就係契媽沈卓盈送嘅，呢幾日囡囡收到好多禮物，其實佢大得好快，買啲衫褲好快又唔啱身，所以我都唔敢買咁多畀個女着，家佢有成 14磅、高 62cm，一切好健康，如果可以出年最好再追個兔仔。」黃浩又爆老婆呷女兒醋，他笑說：「以前我返到屋企第一時間錫個女，然後再錫老婆，但老婆呷醋，咁我調轉啦！但有一次錫老婆嗰陣，對眼都係望住個女，搞到老婆好唔開心，其實我兩個都錫嘅。」問他早前向記者吐口水後被帶返警署調查，他說：「暫時冇收到任何起訴我嘅通知，經過咁多事，家我都收晒火啦。」

收身唔夠 100磅 放大圖片

黃浩認為女兒很像自己，疼女兒疼到連老婆徐淑敏都呷醋。

身穿低胸裙的徐淑敏，昨晚約 7時許亮相，她說：「家我體重都唔夠 100磅，瘦番好多啦！」問到黃浩是否想今年再生個兒子？她笑說：「咁最快都要年底啦，我本身都好鍾意小朋友，所以最好喺 30歲前生夠四個仔女，咁我就可以收工啦。」對於老公指她呷女兒醋，徐淑敏直說：「老公的確要搵個平衡，應該係兩個都錫先啱嘅。」採訪：王崇穎攝影：黃偉雄


徐淑敏產後努力收身，昨晚為女兒擺百日宴，一襲低胸裙盡展玲瓏身段。

Suki放豪語生夠4個！

徐淑敏（Suki）與黃浩（Kenny）夫婦為囡囡心瑤設百日宴。回復纖瘦身形的Suki「巨咪」依然，艷爆全場！揚言會再追三個的她，打算30歲前收工，Kenny則踢爆愛妻竟然呷囡囡乾醋。

黃浩與Suki昨晚為Ｂ女擺百日宴，幸福滿瀉。

黃氏夫婦昨晚假酒店筵開十七席宴請親朋，鈴木仁、李蕙敏、司徒瑞祈、陳嘉容、馬賽及沈卓盈等紛紛到賀，Kenny更悉心準備印有一家三口肖像的酒瓶連酒作回禮。

30歲前收工

已回復狀態大勇的Suki大騷咪咪，與囡囡鬥搶鏡，現時體重99磅的她有做機減肥，加上注意飲食，終成功修身，由於生產過程甚至湊囡囡都很順利，Suki直言：「生四個都冇問題。（明年為Kenny添個兔仔？）都可以，出年年尾啦，生幾次點都會有個（仔）啩！再唔係先去求生仔秘方，我諗30歲前可以收工。」

趣致Ｂ女

會場布置

一家三口圖案酒樽回禮。

陳嘉容

馬賽（左）、沈卓盈到賀。

老婆呷女醋

Kenny則大爆惹Suki呷囡囡醋：「我就算錫佢，對眼都射住個女。」難怪Suki叮囑老公要取得平衡。今次為囡囡設百日宴，Kenny花盡心思，會場布置擺設了兩隻大白兔襯托心瑤的洋名Vianna，相當可愛！

Kenny說囡囡出生後親友送贈的衣飾，很多未着過已不合身，故呼籲到場嘉賓不要再送禮，他更大爆囡囡「理財有道」：「我同BB講，話爸爸攞你啲錢去買嘢，點知佢一拳打埋我隻眼度，笑到我同Suki死呀。（做咗爸爸收晒火？）我不嬲都好脾氣嘅，之前有人撞到我架車，我都同對方講冇事，OK嘅。」

徐淑敏繼續生追兔仔

產後收身成功的徐淑敏昨晚於囡囡百日宴上大晒巨咪，揚言再追三個的她，打算30歲前收工，並有信心明年再為黃家添新成員！

徐淑敏（Suki）與丈夫黃浩（Kenny）昨晚假W.酒店筵開17席賀囡囡心瑤（Vianna）出生100天，馬賽、沈卓盈、鈴木仁及陳嘉容等均有到賀。由於不少親友早前送的BB衫未開封已不合身，Kenny呼籲賓客不要再送禮。

Kenny與Suki對囡囡心瑤疼錫有加，拍下不少得意生活照。



放大圖片

穿低胸裝的Suki大騷事業線，她透露現時重99磅，並直言會繼續生：「生夠四個都冇問題。（有信心添兔仔？）出年年尾啦！生幾次點都會有個（仔）啩？再唔係先去求生仔秘方，我諗30歲前可以收工！」

放大圖片



沈卓盈（右）與馬賽悉心打扮出席百日宴。

硬食乖女愛心拳

Kenny還大爆囡囡已十分緊張自己的財產：「我同BB講：『爸爸攞你啲錢去買嘢。』點知佢一拳打埋我隻眼度，笑到我同Suki死呀！（做咗爸爸收晒火？）我不嬲都好脾氣，之前有人撞到我架車，我都同佢講冇事。」

影視組

Suki揚言生多三個先「收工」。