自從何韻詩開完網上 Live Concert之後，最近 YouTube亦搞咗個明星專屬頻道「 MyYouTube」，俾網民公開投票，仲令到網上拍片熱潮再復活！你都想做網攝王開騷，唔理器材幾平，只要夠幽默、夠搞笑，分分鐘紅過巴士阿叔。記者、攝影：王震遠Model： JoJo

iPhone+Webcam　即拍即上 放大圖片

 

日本大地震後，唔少企業爭住出嚟搞捐錢，何韻詩亦出錢出力為災民籌款，仲喺網上大搞賑災音樂會。新城電台 DJ科林說：「我覺得幾好！其實佢喺網上搞都唔係第一次，佢周不時喺網上同人搞吓互動，佢好識喺大趨勢時做一啲啱方向嘅嘢。」要自己拍短片，唔一定要有貴架生，一部手機已經開到騷，「家用 iPhone 4拍嘢，仲多過 Handycam， iPhone 4畫質同收音都 OK，係衰在輸出格式唔方便喺 PC度用。」有人用 Webcam坐定定吹水，一樣大收，證明絕對唔係器材先決，「拍電影就講究器材，網片最緊要有橋，同睇你有無心去做，好似何韻詩就咁對住電腦用心唱歌，係好簡單，但大家都好支持。」

放大圖片
■阿詩搞嘅現場音樂會，網上熱爆。

■阿詩搞嘅現場音樂會，網上熱爆。

放大圖片
■ MyYouTube搵咗一大班藝人 Promo自己拍嘅片段。

■ MyYouTube搵咗一大班藝人 Promo自己拍嘅片段。

 

拍笑片易彈出

以前興網上開咪，家就興網上拍片！搞咗個《百萬 USB》頻道嘅科林，點睇家嘅網攝王？「有啲淨係影住個樣齋講，有啲會製作短片出嚟俾人睇，我覺得後者幾用心。一啲齋拍出嚟又噏好多廢話同粗口，真係粗鄙咗啲，但有啲講嘢有 Point都 OK嘅。」唔少網友嘅作品，科林亦有留意：「有啲 Production真係用心去剪接，我以前睇過 Eminleo啲嘢，另外前排仲有粗口叮噹，唔係話佢哋好定唔好，但真係好有創意。」現今網民大部份都係年輕人，口味勁飄忽，要佢哋 Click你條片？好難捉摸！「家啲年輕人好難捉，有時要反思想，可能好正路又啱佢哋，好難講！」科林說：「喺我角度，搞笑係會吸引啲，我自己做就會做啲搞笑同玩嘢啲嘅短片。」

放大圖片
■新城電台 DJ科林

■新城電台 DJ科林

放大圖片
■科林正同啤梨搞 YouTube頻道《百萬 USB》拍片放上網，每集搵嚟唔同藝人玩吓嘢。

■科林正同啤梨搞 YouTube頻道《百萬 USB》拍片放上網，每集搵嚟唔同藝人玩吓嘢。

 

人人做 DJ

現時清談節目已唔再係主流電台專利，人人都可化身 DJ。「網上做騷吸引人嘅地方，係可以面對面！」傳統電台將數碼化，網上世界早已先行：「 Justin.tv為例，佢哋會對住個芒講，然後就叫觀眾畀意見，因為喺 Live Chat可以有即時反應、同人互動。」要喺網上做 Live騷，主流有 Justin.tv同 blogTV，同 YouTube相比，性質上有啲唔同，「 Justin.tv俾人玩音樂， YouTube係俾人做 Promo嘅地方同無時間性嘅嘢會啱，如果我喺 Justin.tv搞節目，會先喺 YouTube Share條 Trailer。」科林仲認為一定係令人期待嘅嘢先好去 Justin.tv度搞：「如果我幾時睇都得嘅話，點解唔去 YouTube睇呢?!」

網上奇人組 放大圖片
■抽水抽上位嘅 Ruby，一下惡心招牌動作，令佢曾成高登每月之星。

■抽水抽上位嘅 Ruby，一下惡心招牌動作，令佢曾成高登每月之星。

放大圖片
■上過頭條仲有邊個網攝王夠佢紅？借 iPhone講古仔，抵你贏！

■上過頭條仲有邊個網攝王夠佢紅？借 iPhone講古仔，抵你贏！

放大圖片
■ Eminleo係爆笑足球小將同希特拉惡搞片嘅始祖，但好耐都未更新。

■ Eminleo係爆笑足球小將同希特拉惡搞片嘅始祖，但好耐都未更新。

放大圖片
■邵子風最近仲開始連載日記式短片。

■邵子風最近仲開始連載日記式短片。

 

深藏不露組 放大圖片
■下巴仔 JJ係近期紅爆嘅短片，淨出把口一樣吸引廿萬人睇。

■下巴仔 JJ係近期紅爆嘅短片，淨出把口一樣吸引廿萬人睇。

放大圖片
■希魔俾人玩過無數次，由 Cut有線到盲搶鹽，玩極都仲有貨。

■希魔俾人玩過無數次，由 Cut有線到盲搶鹽，玩極都仲有貨。

 

明星過界組 放大圖片
■容祖兒前排就為日本災民自彈自唱咗《喝采》打氣。

■容祖兒前排就為日本災民自彈自唱咗《喝采》打氣。

放大圖片
■ MC Jin好鍾意拍片放上網同 Fans分享生活瑣事。

■ MC Jin好鍾意拍片放上網同 Fans分享生活瑣事。

放大圖片
■ G.E.M.喺 MyYouTube暫時以五千幾票領先。

■ G.E.M.喺 MyYouTube暫時以五千幾票領先。

 




arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄