明星靚相大分享☆

全家出動血拼　張燊悅忽變大眼
其他娛樂名人影片

張燊悅一家四口噚日出動去到銅鑼灣，佢哋無懼滿街嘅內地自由人爭路，為聽日嘅聖誕節添置物品同買餸煮飯。傍晚 6點幾，素顏嘅張燊悅一拖一抱兩位囡囡會合剛剛放工嘅老公，去到時代廣場地庫較少內地人嘅 City Super購物。兩公婆好有默契商量咗兩分鐘之後，就分道揚鑣各帶一位小朋友去購買，大概買咗一分鐘已滿載而歸。不過張燊悅似乎意猶未盡，將手上物品交低畀老公去排隊畀錢之後，佢就急急趕去補買，不過最後都係空手而回。當一家四口畀完錢，兩公婆繼續分工合作，老公負責攞物品上車，孭住細女嘅張燊悅就攞住購物嘅單據去換免費泊車票，可謂知慳識儉。

警覺性甚高 放大圖片

張燊悅孭住細女，老公就負責拎戰利品同拖住大女。

張燊悅始終出身娛樂圈，雖已為人妻變成師奶，不過警覺性依然頗高，佢冇耐就發現記者喺度影緊相，佢對眼亦由原先望住囡囡時只有 5毫子咁大，一下子撐大到成個 5蚊銀咁大，效果恍如戴咗大眼仔一樣。之後佢落到去地庫停車場會合老公，仲刻意搵張紙巾遮住細女個樣唔畀佢上鏡。


聖誕酬賓　送你 5蚊
張燊悅警覺性甚高，發現被偷拍即瞪大雙眼。

張燊悅掃貨開派對

張燊悅婚後誕下兩女，專心相夫教女享受家庭樂。昨日約傍晚六時，她與老公楊哲安及兩名女兒在中環行超巿，老公拖實大女，張燊悅則孭起細女挑選食物，為即將舉行的聖誕派對作準備。

期間，當行經色彩繽紛的糖果部時，大女甚感興趣，不時向爸爸表示要食糖，他也耐性十足地與囡囡慢慢揀。一家人購買大量食物才離開，遇見記者友善地打招呼。老公帶大女往停車場，張燊悅則孭起細女往付停車費，臨行更禮貌地揮手。

張燊悅（左）手執清單，與老公在超市四圍走。

張燊悅孭細女離開，大女跟到實。