剩女發圍陳淑蘭蘭子搭上 20億建築師壹週刊 1066期－明星靚相大分享☆

年屆40歲的蘭子，上月成功搭上有米教友周錫明（Simon），成功脫離「剩女」之列。

一向恨嫁的陳淑蘭，以往多段感情都臨門「撻Q」，但蘭子仍然態度積極，屢敗屢戰，最後「皇天不負有心人」，兩個多月前，蘭子成功搭上做建築生意起家、身家超過20億的Simon（周錫明），拍拖無幾耐，出手闊綽的Simon更打本俾蘭子開模特兒公司做老闆娘。心知無青春可以再浪費，蘭子近日積極向男友的父母埋手，主動提出抱孫大計，希望盡快嫁入豪門，脫離「剩女」行列。

日日[目及]實
已達「剩女」之年的蘭子，自從認識Simon後，馬上發揮「中女」猴擒本色，投其所好借故親近。起初Simon不為所動，蘭子轉行奶奶政策，每星期陪Simon母親上查經班，加上信主後的蘭子性格變得隨和，數月前更正式受洗成為基督徒，此舉終成功打動Simon。
「蘭子性格好主動，成日打俾Simon，約完打網球，又話自己對做生意好有興趣，話要當面請教，佢哋一齊咗冇耐，Simon就打本俾佢開model公司，蘭子而家幾乎日日都返Simon個寫字樓返工，佢都知Simon咁好條件嘅男人，真係要[目及]實啲。」知情者透露。

趁嫩生仔
年約四十歲的Simon，早年繼承父親的建築生意，保守估計身家逾廿億，絕對是城中稀有的鑽石王老五。為mark實筍盤，蘭子實行人盯人政策，日日返公司[目及]實男友，拍拖兩個月，蘭子表現更進取，不時向Simon暗示恨嫁，更向Simon父母埋手，內外夾攻，務求盡快上岸，嫁入豪門。
「佢哋拍拖冇耐，蘭子成日有意無意問Simon鍾唔鍾意小朋友，又話自己ready做媽咪，佢見Simon冇咩反應，咪搵佢爸爸媽媽傾囉。蘭子每個星期都會同Simon父母返教會，返完之後又陪佢哋飲茶食飯，乘機同兩老講話自己年紀唔細，有仔想趁嫩生，所以想快啲結婚，佢諗住老人家恨抱孫，實會幫佢促成婚事。」知情人說。

鑽石王老五
做建築材料起家的周錫明（Simon），近年生意愈做愈多，包括飲食、模特兒公司、芭蕾舞學校等。Simon父母居住九龍塘對衡道市值過億的獨立屋，加上擅長炒樓炒鋪，單是手上的物業，賬面值便高達20億。

拍拖後，蘭子與Simon日日出雙入對，早前二人到中環酒吧談心，其間蘭子不時開懷大笑。