仍然在學的張莉莎，暑假過後，便重回校園讀旅遊了。
港姐決賽後，落選佳麗開始另謀出路，張莉莎（Suyen）也急急拎起旗仔做導遊，變身「阿珍」帶團搵外快。八月初，鄧英敏、斑斑、鍾慧冰等前輩藝人組團遊菲律賓，所有交通食宿購物，由修讀旅遊的張莉莎全程負責打點，總算學以致用。
招呼周到
今屆香港小姐三甲在一片爭議聲中誕生，其餘十一位落選佳麗，早前返回無綫進行試鏡，雖然未知結果，但已有佳麗另謀出路，像「港姐咪神」彭慧中，便決定返英國升學，連曾志偉點名邀請上《獎門人》也耍手擰頭，而張莉莎則學以致用，兼職做導遊搵銀。
上週五（八月六日）早上，穿上紅色圖案連身短褲的張莉莎，頸上掛有工作證，現身菲律賓克拉克度假村的餐廳，招呼大班扶老攜幼的旅行團友，遊客當中有不少前輩級藝人，包括鄧英敏、鄺佐輝、鍾慧冰、斑斑、文雪兒、白彪、葉尚華，和久未露面的古嘉露亦與女兒同行，其間Suyen不停在餐桌間來來回回，並向鄧英敏等人介紹村內的溫泉及賭場設施，再向其他喜歡釣魚的團友，推介到度假村內的沙灘附近垂釣，小朋友則可以到水上樂園嬉水。
前輩讚好
午膳後，Suyen帶團友出發到當地的百貨公司和超級市場買手信；其間聽到有團友開玩笑說：「咪好似『阿珍』咁逼我哋買嘢吖，我哋今世唔還，下世都唔還o架！」Suyen都算玩得，還笑着回應：「梗係唔會喇！」最後眾人拿着一袋二袋戰利品，約下午四時才集合返回度假村。
據知，目前在IVE修讀旅遊業的Suyen，以往靠做兼職模特兒維生，自從參選港姐後便一直手停口停。「成個暑假幾乎用晒嚟選美，收入少咗好多，咁啱有熟人介紹做兼職，橫掂佢讀旅遊，咪當實習囉。」Suyen身邊好友說。
至於星級團友鍾慧冰，對Suyen的服務也讚不絕口，「佢幾好吖，又和藹可親！樣樣嘢都安排妥當，又冇話好似『阿珍』咁逼我哋買嘢，玩得好開心啊！」
團友逐一上車，Suyen站在車前點算人數。
Suyen向團友文雪兒（左二）及其女兒（左一）、鍾慧冰（右二），介紹度假村的設施。
團友鍾慧冰大讚Suyen做導遊稱職，和藹可親，絕對唔係「阿珍」。
前名模古嘉露（後排黑衫）也帶着女兒（白衫）參加此團，亦有兼職做模特兒的Suyen，不時向前輩請教。
Suyen對團友照顧周到，還不時替團友拍照。
返回度假村，眾團友邀請Suyen拍一張大合照留念。
帶足一日團的Suyen，回到度假村才可以偷得浮生半日閒，到泳池游水曬太陽。
上月曾志偉應克拉克度假村老闆林積（左）之邀請，參加當地舉行的高爾夫比賽。
留言列表
