藝人遺失電話可大可小，除了令自己不便外，亦會連累一些圈中朋友受到電話騷擾，新八模之一的陳靜儀（Mia）日前疑遭扒手偷去電話，而失竊的iPhone更內存了周秀娜等數十o靚模電話號碼，娜姐坦言近日經常接到不明來歷電話，不勝其煩。

Mia遺失電話，甚有機會引發新一輪電話騷擾潮。（資料圖片）

新八模成員Mia日前於社交網站facebook透露，遺失一部iPhone 3GS，內有不下數十o靚模電話號碼，而近日有不少藝人如陳法拉等遭受電話騷擾，深恐自己累街坊。

記者致電Mia求證，她憶述電話失竊過程：「上周六同一大班朋友去飲嘢，當時我將部iPhone放喺裙袋，唔知係咪裙袋太淺，露咗三分一個電話出嚟，咁就引起人注意。突然間發覺畀人用手拍一拍我條裙，嗰陣我都不以為意，最後發現部電話應該畀人偷咗，真係太猖狂喇！」

「唔想連累街坊」

Mia表示，電話除了內存圈中數十位o靚模包括周秀娜、新八模、舊八模等電話號碼外，更有不少私人資料及前男友錢景峰的SMS，這令她更為擔心：「唔見電話都唔係最大問題，最擔心係電話號碼冇晒，好驚畀人盜用，我唔想連累街坊！」問電話內有沒有親密照片？她說：「冇呀，都係平時同朋友吃喝玩樂嘅照片，冇乜特別。」她謂已即時把電話卡取消，並已出了新電話iPhone4。

為了防止這情況再發生，向來大頭蝦的Mia已聽取朋友意見，把新電話加密：「我依家已經add咗Mobile Me個apps，如果下次咁唔好彩再唔見，都可以即時上網熄機，同Delete晒電話所有資料。」

拒接冇來電顯示

據知，不少o靚模平時都係「一舊雲」，不時遺失電話，她們更鮮有為電話進行安全加密，以致不少電話外洩，而Mia的師姊周秀娜也承認，近日縱使身在日本，依然受不少電話騷擾：「除咗有財務公司打嚟外，成日都有不明來歷嘅電話打嚟，所以如果冇來電顯示，我通常都唔聽。」

文：專案組

Mia遺失電話洩密

繼陳法拉遺失電話受騷擾後，新八模成員陳靜儀（Mia）日前於Facebook透露遺失一部iPhone 3GS，內有十多名o靚模的電話號碼，她說：「上星期六同朋友去飲嘢，我將部iPhone放喺裙袋，突然間畀人拍一拍條裙，最後先發現畀人偷咗部電話，真係太猖狂！」Mia表示電話內有不少私人資料及舊愛錢景峰的SMS：「朋友嘅電話號碼冇晒，好驚畀人盜用，唔想累街坊！」